Daniel 3:6 - Ma Zhiklè

⁶ Ndo man a da gurɓèhi azɓai, a tsi riaʼa azɓai, ta da kalda a vogwa vovar a nasa nasa.

Daniel 3:6 ပူးပေါင်းရင်းမြစ်များ

Genèse 19:28

a mpu di a civèɗ Sodome a Gomorrhe, a dal Sodome. A nrka vodzok te pa, ara vodzok gezla.

Exode 20:5

Ka gurɓa a sam tengaʼa bai, ka tsu ri a tengaʼa bai! Aman iyè Ndo nzi pèc pècèk, Zhiklè ngaya, i Zhiklè i srak, man a gi kita a sam wudahi a géɗ mali bab ta, te verzi bab ta, te mamakaraʼa, te mafadaʼa, a sam tengaʼa man ta gi shèwa a iyè.

Esaie 44:17

Njèkèɗiaʼa a pètè a zhiklè, a vrai, a tsi riaʼa a kèlèhi a deɓ sak nengaʼa, a kuɗi a sam na: Mbelyè, ka zhiklè ga!

Jérémie 29:22

A géɗ tengaʼa ta da ngècè ma mphomdaʼa, ndohi ɓèlè Juda man ta zhè te Babylone tèlèba; ta gaɗa: Ndo nzi pèc pècèk da ga ka lèmèlèmè ara man a ga ta nda Sédécias a Achab, man bi Babylone a mpin ta te vogwa.

Daniel 2:5

Bai a mʼmbeɗa ta a ma ndohi Chaldée: I hur ma; i mindè ma ga a deɓa azɓai: Aman kin slaha kin ngray nshunè a verzia ɓai, i wots kinè a i gi sam gi kinè a mongoɓa.

Daniel 3:11

Ndo man a da kèlèhi a deɓ sak nengaʼa azɓai, a da tsi riaʼa azɓai, ta da kalda a vogwa vovar.

Daniel 3:15

Tsam-tsam! Aman kin da tsena tolom, a tèzlè-zlèu, a ganga, a ganzavar, a dasal, a shingelèk, a skwi man ta vèɗè tsaɗ tsaɗ tèlèba, sèi kin da kèlèhi a deɓ sak skwi man i roma, a kin tsi ri a nengaʼa. Kin woya ɗè, kè? Aman kin da tsi ri a nengaʼa azɓai, ta da wushede kinè a vogwa vovar antanta. Zhiklè man a da mbel kinè te ri ga tema?

Daniel 3:21

Ta dzaw ta ndohai, a maslaka a va, a dawar a va, skwi mpèɗè gèɗ a skwi a va tèlèba, a ta wushede ta a vogwa vovar.

Daniel 3:7

Te deɓaʼa, aman ta tsena tolom, a tèzlèzlèu, a ganga, a ganzavar, a dasal, a shingelèk, a skwi man ta vèɗè tsaɗ tsaɗ tèlèba, ta kalahi a deɓ sak skwi guro man bi Nebucadnetsar a nzlatseda, a ta tsu riaʼa.

Daniel 5:19

A sam wuɗi nʼnjèl nengaʼa man a va na, ndohi herkeda te verzi tsaɗ tsaɗ, a nèʼèn tsaɗ tsaɗ, ta gu zlau, ta gudzau a sam nengaʼa. Nengaʼa a nkeda ndo man a woyaʼa, a njèka na nshèffè a ndo man a woyaʼa, a gra na gèɗ a ndo man a woyaʼa, a manda na gèɗ a hi a ndo man a woyaʼa.

Daniel 6:7

Ndohi mbibihiaʼa te kokwar-bi ngaya tèlèba, a nda ngomnahai, a nda bihi kokwarhai, a nda ndohi ncèmma, a nda bihi sojè, ta humda ma ta, bai da vau ma bi nengaʼa ngiɗè staɗ: Ko wawa man tʼhwaɗ mʼmèn 30 a tsi ri a sam zhiklè ngiɗè, a sam ndo ngiɗè, a sam ngaya, bai, staɗgenè ka ɓai, sèi ta da kalda a gi marizhèlè.

Matthew 13:42

Ta da wushede ta a vogwa mbiaʼa. Te pa ta da kuɗai, a ta da peɗi zlèʼèn.

Matthew 13:50

a ta da wushede ta a vogwa mbiaʼa. Te pa ta da kuɗai a ta da peɗi zlèʼèn.

Matthew 4:9

a ngaɗa na: Skwi haha tèlèba i woy man a i va ka, aman ka kèlèhi a deɓ sak ga, a ka slebar-dyè.

Marc 6:27

A nasa nasa a nzlündo sojè nengaʼa staɗ, aman da ckoɗi gèɗ Jean Baptiste.

Apocalypse 14:11

A vodzok matakwan tengaʼa a dè a géɗèʼa a ma ma a mèdèp, a tengahi man ta tsi ri a skwi dak a skwi man ta gu ara nengaʼa, a ndohi a lamba nzlemba na a va, ta ngècè nshèk va azɓai, ko a pats ba ko a vaɗ ba.

Apocalypse 9:2

A nengaʼa a winè vèvèɗ mpèltemtemaʼa, a vodzok a mshkè auda ara vodzok gezla, a nzede pats, a sam a ngu téɗèɗikɗikaʼa a géɗ vogwa te vèvèɗ.