Daniel 3:4 - Ma Zhiklè

⁴ A ndo mbèhè a mboho a wuɗai: Kinè, ndohai, te verzi tsaɗ tsaɗ, a nèʼèn tsaɗ tsaɗ, bai a njè kinè ma a gèɗ ar haha:

Daniel 3:4 ပူးပေါင်းရင်းမြစ်များ

Esther 8:9

Gar haha te ki mamakaraʼa, ki Sivan, ta baha ta ndohi mwindè ɗèlèwèr bai, mʼmèn 23. A ta Windo ɗèlèwèr, ara man Mardochée a ngoɗa: a sam ndohi Juif, a sam golahi bai, a sam ngomnahai a tsuvomhi kokwarhi nengaʼa 127 tèlèba, a hün te Inde, ha ndè Ethiopie, a kokwar staɗ staɗ tèlèba, a lamba daʼai ta; a ndohi tèlèba a daʼai kokwar ta, a daʼai kokwar ta.

Esaie 40:9

Ka man ka hada na ma mbelaʼa a Sion, do za ngurèa! Boho a wuɗai, ka man ka hada na ma mbelaʼa a Jérusalem! Ka goɗ a zlau bail Gaɗa ta kokwarhi te Juda: Na haha, Zhiklè kinè!

Esaie 58:1

Boho a wuɗai! Ka mbatsedaha daʼai ɓai! Boho ara tolom, ka ngra ta mphömè a ndohi ga, a malihi a ndohi gi Jacob!

Daniel 3:10

Ka bai, ka njè nga ma bi ngaya: Ko wawa man a tsena tolom, a tèzlèzlèu, a ganga, a ganzavar, a dasal, a shingelèk, a skwi man ta vèɗè tsaɗ tsaɗ tèlèba, da kalahi a deɓ sak skwi guro, da tsu riaʼa.

Daniel 3:3

A ndohi sak, a ndohi mbibihiaʼa, a ndohi mɓer kokwar, a bihi sojè, a ndohi mɓer sulai, a ndohi mbèzl kita, a ndohi kita, a bihi kokwar tèlèba ta ɓicko va, a ta gi ngolala skwi man bi Nebucadnetsar a roma. A ta zlatsa zuraʼa a ma skwi man bi Nebucadnetsar a Zlatseda.

Daniel 3:7

Te deɓaʼa, aman ta tsena tolom, a tèzlèzlèu, a ganga, a ganzavar, a dasal, a shingelèk, a skwi man ta vèɗè tsaɗ tsaɗ tèlèba, ta kalahi a deɓ sak skwi guro man bi Nebucadnetsar a nzlatseda, a ta tsu riaʼa.

Daniel 4:1

A bi Nebucadnetsar a nzlündo ma a sam ndohi tʼherkeda tèlèba, ndohi a nèʼèn tsaɗ tsaɗ tèlèba: Zhiklè da va kinè gumi a ma ma!

Daniel 4:14

A mboho a wuɗai: Va-ngela wof, va-slidè riaʼa, va-berzla vahaʼa, vaslevda nyi nengaʼa aussa! Skwi nte verziaʼa a ɗiakihai tʼhwaɗaʼa da hu ta!

Daniel 6:25

Te deɓaʼa bi Darius a nzlündo ɗèlèwèr a sam ndohi tèlèba, te verzi tsaɗ tsaɗ, a nèʼèn tsaɗ tsaɗ a géɗ herkeda tèlèba:

Osée 5:11

Ephraim a gi skwi a wuɗai, a terɗa ma kita, a hi a verzi skwi ambalai.

Michée 6:16

Ka dzodzor ma nkwèr Omri, a maya ambaɓiaʼa man a ndohi Achab. Ka gu ara man ta ngra ka, a i da gedas ka, a ta ngwossaha ta ndohi kokwar ngaya. Aranta sèi kin ɗishèʼa, aman ndohi herkeda ta paraha kinè.

Apocalypse 5:9

A ta slu dimèsh mɓuaʼa, a ta gaɗa: Ka amba, ka slaha a ka cè ɗèlèwèr, a ka pelasla skwi mpizlè ntkotsaʼa, a géɗ man ta zlama ka daʼai, ka sumka ta ndohi te verzi tsaɗ tsaɗ, a daʼai ta tsaɗ tsaɗ, ndohi kokwar a ndohi herkeda tsaɗ tsaɗ tèlèba a deɓa a Zhiklè, a Pombaz ngaya,