Daniel 3:26 - Ma Zhiklè

²⁶ Te deɓaʼa bi Nebucadnetsar a mdo a ma vèvèɗ vogwa, a mbaha ta: Shadrac, Méshac, a Abed-Nego, kinè ɓèlèlihi Zhiklè mbiaʼa te géɗèʼa, vo-washkè auda te vogwa! Vo-washkè a sam ga! A Shadrac a Méshac a Abed-Nego ta shkè auda te va vogwa.

Daniel 3:26 ပူးပေါင်းရင်းမြစ်များ

Genèse 14:18

Melchisédek, bi Salem, a nhulko movar a barassa. Nengaʼa ndo mvi skwi a Zhiklè, Zhiklè a géɗ zhiklèhi tèlèba.

I Rois 8:51

Te man ta ndohi ngaya, ndohi nʼndi gi ngaya, tengaʼa man ka helka ta auda te kokwar Egypte, man ta nza te pa ara man ta nza te ndev vogwa.

Esdras 5:11

Ta mbeɗa nga a ma ar haha: Nga ɓèlèlihi Zhiklè, Zhiklè gidfèk a herkeda, a nga til gai man ta gu zlèzlèʼa. Bi Israel mbiaʼa a nroma, a nrufaʼa.

Psaumes 66:12

ka proko nga ndohi ngiɗè a gèɗ, nga beza a sak a ndev vogwa, a ndev iyam, aman ka hel nga auda a dala.

Esaie 28:16

A géɗ nengaʼa Zhiklè Ndo nzi pèc pècèk a gaɗa: Na haha, i tilda kwa a Sion, géɗ kwa, verzi kwa mbelaʼa. Ndo man a nco nengaʼa a ndav, skwa a tsama na sak azɓai.

Esaie 52:12

Aman kin vasso va ɓai, kin hu mhi ɓai! Ndo nzi pèc pècèk a dè a ma kinè, Zhiklè Israel nkezlaʼa a dè a verzi kinè.

Jérémie 11:4

Ma nderzlè-ma man i va ta babhi kinè a pats man i helka ta auda te kokwar Egypte, te gezla, a i gaɗa ta: Va-tsena ma ga, va-gu skwi haha tèlèba man i njè kinè, a kin gi a ndohi ga, a iyè i gi a Zhiklè kinè,

Daniel 2:47

A bai a nhüno a ngaɗa na Daniel: A vava, Zhiklè kinè, Zhiklè a géɗ zhiklèhi tèlèba, bai a géɗ bihi tèlèba, nengaʼa man a sun skwi nʼnghedaʼa, a géɗ man ka slaha ka ngreda verzia haha.

Daniel 3:17

Bi nga, Zhiklè nga, man nga tsi ri a nengaʼa, a slaha man a mbel nga ko te vogwa vovar, a slaha a nda mbel nga ko te ri ngaya ba.

Daniel 4:2

Ambahayè, aman i njè kinè skwi man Zhiklè mbiaʼa te géɗèʼa a ngreda auda a nrkedi man a ngu a sam ga.

Daniel 6:20

Aman a nherda va, a mbaha na Daniel a daʼai kuɗa. Bai a nhüno a ngaɗa na Daniel: Wa Daniel, ɓèl Zhiklè man a zhè a nshèffè! Zhiklè ngaya man ka gi mizlinè nengaʼa pèc pècèk a slaha a mbel ka te ri marizhèlèhi dè?

Daniel 6:21

Daniel a mʼmbeɗka na a ma bai: Zhiklè da va na nshèffè a bi a ma ma!

Daniel 7:25

A da ga na ma a va Zhiklè te géɗèʼa kumba, a da ga ta matakwan a ndohi Zhiklè nkezlaʼa, a woya a humbèɗè patshai, a humbèɗè ma kita. Zhiklè a da pe ta a ri nengaʼa nʼnzi a zhè, za nʼnzi a zhè zaʼa, za nʼnzi a zhè a rètaʼa zaʼa.

Actes 16:17

A sam tèlèba a ndzadzarka nga, nga a nda Paul, a ngoɗ a wuɗai: Ndohi haha bèlèlihi Zhiklè te géɗèʼa, man ta njè kinè civèɗ mʼmbel ndo!

Actes 16:37

Aman Paul a ngaɗa ta: Ta ndah nga a mènèwèd ambalai a sam di ndohi tèlèba, ta ga kita ɓai, nga ndohi Rome, a ta pe nga a gi dangai, a ta woy a ta pre nga a metsar dè? Az arsa ɓai! Sèi ta shkè a ta de nga auda a ri ta.

Actes 27:23

Aman a vaɗ haha gol Zhiklè, man iyè a nengaʼa, a i gi mizlinè nengaʼa, nzlatsa a tsagi ga,

Galates 1:10

Anai i gèɗè aman i ambaha ta ndohi ɗè, ɗè Zhiklè ɗè? Aman i woy a i gi ara man ambaha ta ndohai, i ɓèl Kristi ka ɓai.

Deutéronome 4:20

Aman kinè, Ndo nzi pèc pècèk a mpar kinè auda, a nhel kinè auda te gezla, te kokwar Egypte, a kin ndi a skwi na, ara man kin giaʼa a patsna.

Josué 3:17

Ndohi mvi skwi a Zhiklè man ta zuɓ koti nderzlè-ma, ta zlatsa a sam woyam ngworaʼa, a ndohi Israel tèlèba ta beza auda, iyam az a sak ta ɓai, ha tèlèba ta tawaɗa woyam Jourdain.

Josué 4:10

Ndohi mvi skwi a Zhiklè man ta zuɓ koti nderzlè-ma ta zlatsa te Jourdain, ha ta rufa mizlinè skwi tèlèba man Ndo nzi pèc pècèk a gaɗa na Josué, aman a njè ta a gèɗ a ndohai, lèmèlèmè ara man Moise a njè na Josué. Te deɓaʼa ndohi ta vosso va ta auda.

Apocalypse 19:5

A ngèɗè ngiɗè a ntsena a sam nʼnzi bai: Vo-slubordo Zhiklè nga, kinè ɓèlèlihi nengaʼa tèlèba, man kin gi zlaua; cèw ba, ndohi nkèshèʼa a ndohi mbibihiaʼa ba!