Daniel 2:44 - Ma Zhiklè

⁴⁴ Aman bihi matsa ta zhè, Zhiklè te zhiklè te géɗèʼa a da til kokwar-bai, man a nzi a mèdèp, a skwi a gé-dèshè azɓai, ndohi herkeda ta ngècè bi asaɓai. Nengaʼa a da bats ta kokwar-bihi haha tèlèba, a ngedas ta. Aman nengaʼa a nzi a mèdèp.

Daniel 2:44 ပူးပေါင်းရင်းမြစ်များ

Genèse 49:10

Gada bai a kèlè auda te ri Juda azɓai, a gada kita a zhè a sam sak nengaʼa, ha bi mbiaʼa a shkè, man ndohi ta fi gèɗ a ma nengaʼa.

II Samuel 7:13

Nengaʼa a da rèm gi a nzlembaɗ ga, a i woy a i nzala sam nʼnzi bi nengaʼa a mèdèp.

II Samuel 7:16

Aman gi ngaya a kokwar-bi ngaya sèi ta nzi a sam ga a mèdèp. A sam nʼnzi bi ngaya da nza a mèdèp.

Psaumes 145:13

Kokwar-bi ngaya, kokwar-bi man a nzi a mèdèp. Ngi-bi ngaya a dè a ma ma ha verzi wud wuda. Ndo nzi pèc pècèk nlèɓèslèa te ma nengaʼa tèlèba, a woy ndo te skwi man a gia tèlèba.

Esaie 60:12

Aman kokwar-bi a ndohi nengaʼa man ta woya a ta gi mizlinè ngaya azɓai, ta zi ta, a herkeda tengaʼa a gédèsh na.

Ezéchiel 37:25

A ta da nzi te kokwar man i va na Jacob, ɓèl ga, man babhi tengaʼa ta nzakaɗa pa. Ta da nzi te pa pèc pècèk, a tengaʼa a wudahi a wud wudahi tengaʼa. A David, ɓèl ga, a gi bi tengaʼa a mèdèp.

Daniel 2:28

Aman Zhiklè te zhiklè te géɗèʼa a zhè, man a sun skwi nʼnghedaʼa, a ngra na bi Nebucadnetsar skwi man a da gi a ma. Nshun ngaya, a skwi man a nrka ka a dai a sam mʼmènè ngaya, na haha:

Daniel 2:34

Sak na, rèta züdo, rèta rɓasl. A ka pu dai, a ka rka kwa man a gudumbolko va te za, ndo a ngudumbolko ka ɓai, a mbeza a sak skwi sa man nda züdo a rɓasl, a mbatsedaussa.

Daniel 2:35

A mbatsa züdo a rɓasl a zi pats a verzhègenè a guro tèlèba, a kozlar a nheldama ara topok dau te hedak, a ta rka te deɓaʼa ɓi fèt. A kwa mbatsa skwi sa, a ngre na a vata, a ngi a za mbiaʼa, a nʼndha herkeda tèlèba.

Daniel 2:37

Ka bai, ka bi a géɗ bi tèlèba. Zhiklè te zhiklè te géɗèʼa a mva ka kokwar-bai, a wuɗai, a wuɗi-bai a nʼnjèlè.

Daniel 2:43

Aman ka rka züdo ndzakaɓa te va rɓasl, verzi nengaʼa aranta: Ta da cè ngwoz a va, aman ndohi ta derzla va ɓai, lèmèlèmè ara züdo a rɓasl a humdè azɓai.

Daniel 4:3

Skwi man a ngreda auda mbiaʼa, a nrkedi nengaʼa wuɗitpa! Kokwar-bi nengaʼa, kokwar-bi a mèdèp, ngi-bi nengaʼa a dè a ma ma, te verzi wud wuda.

Daniel 4:34

Te deɓ mvi tsaraɗ, iyè Nebucadnetsar, i pu di a zhiklè, a maya ga a mʼmenkaɗ na a deɓa. I shüd gèɗ a Zhiklè te géɗèʼa, i slébèrdèʼa, a i nzalaʼa, nengaʼa man a nzi a mèdèp, man kokwar-bi nengaʼa a dè a ma ma te verzi wud wuda.

Daniel 6:26

Gumi da zhè a nda kinè kumba! I goɗ a ma bi ga, aman te kokwar-bi ga tèlèba, va-gu zlau, va-gurɓahi a sam Zhiklè Daniel, te man nengaʼa Zhiklè man a zhè a nshèffè, a nzi a mèdèp. Kokwar-bi nengaʼa a gédèshè azɓai, ngi-bi nengaʼa a nèfè asaɓai.

Daniel 6:27

Nengaʼa a mbél ndo, a preko ndo auda, a ngreda skwi auda, a gi nrkedai te zhiklè te géɗèʼa, tʼherkeda ba. Nengaʼa man a mbelko Daniel auda te ma marizhèlè.

Daniel 7:27

Wuɗai, a wuɗi-bai, a nʼnjèlè kokwar-bihi tʼhwaɗ giɗfèk tèlèba ta da va ta ndohi Zhiklè nkezlaʼa. Wuɗi-bi tengaʼa a nzi a mèdèp, a kokwar-bihi tèlèba ta da gi a ɓèl ta, a ta fi gèɗ a ma tengaʼa.

Daniel 8:25

A maya nʼngwèdè ndo nengaʼa a da gedassa ndohi nkezlaʼa, a slaha a ngwode ta a maya na. A ngrè gèɗ kumba. Tsam-tsam a gedas ta ndohi kumba. A slambaɗa na va a bi a géɗ bihai, aman ta da tsedahai, ri ndo a ngia ka ɓai.

Michée 4:7

Ndohi vedal i ge ta a tser ndohai, a ndohi man ta venda gèɗ ta ta ndi a kokwar-bi mbiaʼa. Ndo nzi pèc pècèk a gi bi tengaʼa a géɗ za Sion, a hinè antanta a ma ma a mèdèp.

Aggée 2:22

i kèldè sam nʼnzi bihi a hai, a i gedassa wuɗi kokwar-bi ndohi herkeda. I da zukda kiki var a i wushede ndohi man a deɓa a hai, a plèsh a ndohi man a deɓ plèsh ta wushahai, a ta bèzlè va ta a tsakwal.

Aggée 2:7

A i gudzeda ndohi herkeda, a ndohi herkeda tèlèba ta da hulkoɗi skwi mèshèlè a gi man i da gi a haha a nʼnjèlè, Zhiklè bi mbiaʼa a gaɗa.

Matthew 28:18

A Yèsu a mshkè a sam ta, a ngaɗa ta: Wuɗi tèlèba te zhiklè ba, tʼherkeda ba, nte ri ga.

Jean 12:34

A ndohi ta gaɗa na: Nga tsena te ma kita Zhiklè, Kristi a nzi a mèdèp. Ka, ka gaɗ ke: Sèi ta zlècèdè krando. Kra-ndo haha wa?

Hébreux 12:28

Gar haha, aman nga ngècè kokwar-bi man a gidè va azɓai, ngo-shüdokoy gèɗ, ngo-gokoy mizlinè Zhiklè, ara man ambaha, a nslébèrdèʼa a zlau.

Apocalypse 11:15

A gol Zhiklè matsaraɗaʼa a ntsu tolom: a ngèɗè mbiaʼa a ntsenka te zhiklè, man a gaɗa: Ta va na kokwar-bihi herkeda a ri a Bi Zhiklè, a Kristi nengaʼa. Nengaʼa a gi Bai a ma ma a mèdèp.

Apocalypse 2:27

A nengaʼa a da war ta a gada züdo, a da bazl ta ara shiɗèfihai.