Daniel 2:4 - Ma Zhiklè

⁴ Ndohi Chaldée ta gada na bai, a daʼai aramée: Bai, Zhiklè da va ka nshèffè a ma ma! Njè nga nshunè ngaya, nga ɓèlèlihi ngaya, a nga da ngra ka verziaʼa.

Daniel 2:4 ပူးပေါင်းရင်းမြစ်များ

Genèse 31:47

A Laban a mbaha na Jegar-Sahadutha, a Jacob a mbaha na Galed.

Genèse 41:8

A prèk a gshè gèɗ. A nzlündo a sam ndohi maya a ndohi kilèa te kokwar Egypte tèlèba, a nʼngra ta nshunè nengaʼa; ndo azbai man a slaha a nʼngra na verzi nshunè nengaʼa.

I Rois 1:25

A vava a patsna a mdo a mzloho zlèhai a wud zlèhi ngraʼa, a tambakihi kumba aman a va na Zhiklè. A mbaha ta wudahi bai, bihi sojè, a Abiathar, ndo mvi skwi a Zhiklè, a pa. A ta ndi skwai, a ta si skwai, a sam na. A ta gaɗa: Nshèffè Adonia do do a ma ma!

I Rois 1:31

A Batshéba a nkalahi a deɓ sak nengaʼa, a ngurɓahai, a ntseda medi a herkeda a sam bai, a ngaɗa: David, bi ga, a woy nshèffè ngaya a nzi a mèdèp!

II Rois 18:26

Eliakim, kra Hilkija, Shebna a Joach, ta gada na Rabshaké: Ka gaɗa ta ɓèlèlihi ngaya a daʼai Aram, nga tsenaʼa. Ka gada nga a daʼai Juda ɓai, man ɓai ndohi a ma zlazlar kokwar tèlèba ta tsenaʼa.

Esdras 4:7

Te va man Artaherhes a zhè, Bishlam, Mithredath, Thabeel a njèkèdi ndohi man ta mba a mizlinè, ta Windo ɗèlèwèr a sam Artaherhes, bi Perse. Ta Windo ɗèlèwèr a daʼai Aramée, a ta jongo a daʼai Aramée.

Néhémie 2:3

a i gaɗa na bai: Bi da zhè a nshèffè! Di ga a gi beswutaʼa azɓi èhèmè? Kokwar man ta rda babhi ga a pa, ngedas na, vogwa a nʼndeda ntamagi kokwar a ma.

Esaie 36:11

Eliakim, Shebna a Joach, ta gada na bi sojè ɓai: Gaɗa ta ɓèlèlihi ngaya a daʼai aramée, nga cinèʼa. Ka gaɗa nga a daʼai judée ɓai, mah ɓai ndohi a ma zlazlar kokwar tèlèba ta tsenaʼa.

Esaie 44:25

I gedassa ta njè-ma ndohi vri aussa. I ndede ta ndohi mpi kwa a madaɗauhai, a i wushede ta ndohi maya aussa, a i ndeda skwi man ta slebda ta ndohai a skwi nrzlaʼa.

Daniel 1:4

te verzi bai a ndohi mbibihiaʼa, a gi bai; man va tengaʼa daɓaraʼa, va tengaʼa nsuɗa nekeɗaʼa, maya ta zhè, ta wosla a ta slebau maya, aman aranta ta slaha ta gi mizlinè te gi bai, a ta da shin ɗèlèwèr a daʼai Chaldée.

Daniel 2:7

A ta mbeɗa na a ma macecèwaʼa; a ta gada na: Bai da njè nga nshunè, nga ɓèlèlihi ngaya, a nga da ngra ka verziaʼa.

Daniel 3:9

Ta hüno a ta gaɗa na bi Nebucadnetsar: Bai, Zhiklè da va ka nshèffè a ma ma!

Daniel 4:19

A Daniel, man ta baha na Beltshatsar, a mpu di kurzlaʼa, a skwi man a hérèʼa, a mpra na zlau a va. Bai a ngaɗa: Beltshatsar, ka gu zlau nshunè a verzi nengaʼa ɓai! A Beltshatsar a nhüno a ngaɗa: Bi ga, da gu a sam mayamhi ngaya ara nshun ngaya; da gu a sam ndohi shèwa ngaya!

Daniel 4:7

A ndohi mʼmbèh skwai a ndohi kilèa a ndohi Chaldée a ndohi ndèl bantai ta shkè. I njè ta nshun ga; aman ta slaha ta ngray verzia ɓai.

Daniel 4:9

Beltshatsar, bi ndohi nsun skwai. Skwi nʼnghedaʼa ngiɗè azɓai man a fa ka borom a ma. Tsena skwi man i rka te nshunè, ngray verziaʼa.

Daniel 5:10

A géɗ mbèhè bai a ndohi nengaʼa mbibihiaʼa, mam bai a mshkè a gi man ta gi ngolala te pa. A nhüno a ngaɗa: Bai, nshèffè ngaya da nza a ma ma! Ka hur gèɗ zlau ɓai!

Daniel 5:8

Te deɓaʼa ndohi maya bai tèlèba ta shkè, aman ta slaha ta jèngè ɓai, a ta ngra na verziaʼa a bi ɓai.

Daniel 6:21

Daniel a mʼmbeɗka na a ma bai: Zhiklè da va na nshèffè a bi a ma ma!

Daniel 6:6

A ndohi mbibihiaʼa matsa a bihi kokwarhai ta ɓica va a sam bai, a ta gada na: Bi Darius, nshèffê ngaya do do a ma ma a mèdèp!

Daniel 6:7

Ndohi mbibihiaʼa te kokwar-bi ngaya tèlèba, a nda ngomnahai, a nda bihi kokwarhai, a nda ndohi ncèmma, a nda bihi sojè, ta humda ma ta, bai da vau ma bi nengaʼa ngiɗè staɗ: Ko wawa man tʼhwaɗ mʼmèn 30 a tsi ri a sam zhiklè ngiɗè, a sam ndo ngiɗè, a sam ngaya, bai, staɗgenè ka ɓai, sèi ta da kalda a gi marizhèlè.

Matthew 21:9

Ndohi nhayaʼa to do a ma, ndohi nhayaʼa ta dzodzor te deɓa, a ta boho a wuɗai: Va-nzala kra David! Nga slébèrdè nengaʼa man a shkè haha, a nzlembaɗ Bi Zhiklè. Nʼnjèlè te zhiklè te géɗèʼa!

I Samuel 10:24

Samuel a ngaɗa ta ndohi tèlèba: Kin rka ndo man Ndo nzi pèc pècèk a ngotskoɗauda dè? Ndo ngar nengaʼa azɓai te ndev ndohi tèlèba. A ndohi tèlèba ta wuffè a ta boho: Zhiklè da va ka nshèffè a ma ma!