Daniel 2:23 - Ma Zhiklè

²³ I shida ka gèɗ, Zhiklè bababhi ga, a i slébèrdè ka, a géɗ man ka ngray maya a ka vay wuɗai. Ka ngray skwi man nga dzhoɗo a sam ngaya, ka ngra nga skwi man bai a dzhoɗo.

Daniel 2:23 ပူးပေါင်းရင်းမြစ်များ

Genèse 18:17

A Ndo nzi pèc pècèk a mhuro: I ngheda skwi man i woy a i giaʼa a sam Abraham dè?

Genèse 31:42

Aman Bi Zhiklè bab ga, Zhiklè Abraham, nengaʼa man Isaac a gi zlauaʼa, az a sam ga ɓai, ar i dè ga antanta, skwa a te ri ɓai. Aman Zhiklè a nrka matakwan ga, a mizlinè man i gau a ri ga, a patsna a vaɗ a mbazla kita nga.

I Rois 18:36

Tidè samaʼa man ta vi skwi a Zhiklè, Elie ndo nhadka ma Zhiklè, a nherdeka va, a ntsu rai: Ndo nzi pèc pècèk, Zhiklè Abraham, Isaac a Israel, ngreda ta a patsna, aman ka Zhiklè Israel, a iyè i ɓèl ngaya, a i gi skwi haha tèlèba ara man ka gadayè.

I Rois 8:57

Ndo nzi pèc pècèk, Zhiklè nga, da zhè a nda nga, ara man a zhè a nda babhi nga te va nasa. Da jèk nga ɓai, da kwol nga ɓai,

I Chroniques 29:10

A nshüd gèɗ a Ndo nzi pèc pècèk, a sam di mpi ndohi tèlèba, a ngaɗa: Ndo nzi pèc pècèk, Zhiklè Israel, bab nga, i shida ka gèɗ tʼhinèkad na a mèdèp!

I Chroniques 29:13

Anai, Zhiklè nga, nga shida ka gèɗ, nga slébèrdè nzlembaɗ ngaya mbelaʼa.

II Chroniques 20:6

A ngaɗa: Ndo nzi pèc pècèk, Zhiklè babhi nga, ka Zhiklè te zhiklè ka bi dè? Ka gi bai a géɗ kokwar bihi herkeda ka bi dè? Ka man wuɗi ri ngaya a zhè, a nʼngots wuɗai man a fena ngiɗè tèlèba.

Psaumes 21:2

Ndo nzi pèc pècèk, bai a wuffè a gèɗ wuɗi ngaya, a gèɗ skwi man ka takaha a vna; a wuffè a vata.

Psaumes 21:4

Ko do a sam na a mpshè ma a manam, ka pada na gèɗ a guro.

Psaumes 25:14

Tengaʼa man ta gi zlau Ndo nzi pèc pècèk, Zhiklè a ngra ta ma nengaʼa man a zhè te ndav na a njè ta nderzlè-ma nengaʼa.

Psaumes 50:14

Skwi man Zhiklè a woy a ka va na: nshid gèɗ, a ka gi ara man ka gaɗa na hi a Zhiklè te géɗèʼa.

Exode 3:15

A Zhiklè a ngaɗa na Moise a vaʼa: Ka da gada ta ndohi Israel ar haha: Ndo nzi pèc pècèk, Zhiklè bababhi kinè, Zhiklè Abraham, Zhiklè Isaac, Zhiklè Jacob, a nzlindekayè a sam kinè. Nasa nzlembaɗ ga a mèdèp, a i woy a ta bahayè a nzlembaɗaʼa te verzi verzi ndohi tè-lèba.

Proverbes 21:22

Ndo maya a gi ngulaʼa te kokwar mbiaʼa, a mbeɗa zlazlar man ta gshè va a vna.

Proverbes 24:5

Ndo maya a fena ndo wuɗai. Ndo man a hér maya a fena ndo man a gi skwi a wuɗai.

Proverbes 8:14

I sun ngredè maya, i hér skwi man a ma, i sun skwai, wudi ga a zhè.

Ecclésiaste 7:19

Maya a va na wuɗi a ndo maya, a fena bihi kula te kokwar mbiaʼa.

Ecclésiaste 9:16

A i gaɗa: maya a fena wuɗai. Aman maya ndo ntawassaʼa ta kwolaʼa, ta fi gèɗ a ma nengaʼa azɓai.

Ecclésiaste 9:18

Maya a fena skwi var. Ndo staɗ man a gi malai a gedèsh skwi man amba kumba.

Esaie 12:1

A pats nasa ka da gada: Ndo nzi pèc pècèk, i shida ka gèɗ! Ka gu ndav a géɗ ga, te deɓaʼa ka jèkeda ngi ndav, a ka bidyè.

Jérémie 33:3

Bahayè, i da mbeɗa ka a ma, i da ngra ka skwi mbia holholaʼa man ka sun ɓai.

Daniel 1:17

A golahi nfaɗa sa, Zhiklè a mva ta maya nshin ɗèlèwèr tèlèba, a maya tsaɗ tsaɗ. Daniel a slaha a ngredè skwi man a di a shkè, a ngredè verzi nshunè tsaɗ tsaɗ tèlèba.

Daniel 2:18

aman ta sia te va, a géɗ skwi man a nʼnghedaʼa a haha, a ta slaha ta bazla nda Daniel a mandalahi na a ndohi maya te Babylone ɓai.

Amos 3:7

Bi Zhiklè Ndo nzi pèc pècèk a gi skwi ngidè azɓai, sèi a ngreda ta skwi man a woya a ngiaʼa a ndohi nhadka ma, ɓèlèlihi na.

Matthew 11:25

A pats nasa Yèsu a nhüno a ngaɗa: I shida ka gèɗ, Bab ga, Bi zhiklè a Bi herkeda, aman ka nghede skwi haha a sam ndohi maya, a ndohi man ta sun skwi te gèɗ; ka nzedkoɗauda a sam ndohi man ta gre di ɓai.

Luke 10:21

A pats nasa Yèsu a wuffè te Mèzhèɓ nengaʼa nkezlaʼa, a ngaɗa: I shida ka gèɗ, Bab ga, Bi zhiklè a Bi herkeda, aman ke nghede skwi haha a sam ndohi maya, a ndohi man ta sun skwi te gèɗ, a ka ngredkodauda a sam ndohi man ta gre di ɓai. Halau, Bab ga, aman arsa ambaha ka.

Jean 11:41

A ta cama na ngezlambar auda te ma gi dzavai. A Yèsu a mpu di a zhiklè, a ngaɗa: Bab ga, i shida ka gèɗ, aman ka co ma ga.

Jean 15:15

Anai i baha kinè bèlèlihi ka ɓai. Aman ɓèlè a sun skwi man bab nengaʼa a gia ɓai. Aman i baha kinè mandalahi ga, aman skwi tèlèba man i tsena te ma Bab ga, i ngreda kinè.

Apocalypse 1:1

Na haha ma nʼngrédè Yèsu Kristi auda. Bi Zhiklè a mva na, da ngreda ta ɓèlèlihi nengaʼa skwi man a da gi ndul ndul. A nzlindekoɗi gol nengaʼa, man a ngra na Jean, ɓèl nengaʼa.

Apocalypse 5:5

A ndo nhalaʼa staɗ a ngaɗayè: Ka kuɗ ɓai! Na haha, marizhèlè te verzi Judée, zluzlor David, nʼngaʼa a ngulaʼa, a da winè ɗèlèwèr a skwi mpizlè ntkotsaʼa a pa tsaraɗ.