Daniel 2:18 - Ma Zhiklè

¹⁸ aman ta sia te va, a géɗ skwi man a nʼnghedaʼa a haha, a ta slaha ta bazla nda Daniel a mandalahi na a ndohi maya te Babylone ɓai.

Daniel 2:18 ပူးပေါင်းရင်းမြစ်များ

Genèse 18:28

Gar ndohi nzuraʼa ta gi 50 azɓai, ta gi 45 genè. Ka woy a ka gedassa kokwar tèlèba a gèɗ ndohi man njèkè 5 sa ɗè? A ngaɗa: Aman i ngots 45 te pa, i gédèshè azɓai.

Psaumes 136:26

Va-shüd gèɗ a Bi Zhiklè te géɗèʼa; aman pombi nengaʼa a nzi a mèdèp!

Psaumes 50:15

Tsu ri a iyè a pats mwuɗitpa, a i woy a i mbel ka, a ka, ka da slébèrdyè.

Psaumes 91:15

A bahayè, a i da mbeɗa na a ma, i da zhè a sam na te matakwan, i da ckoɗauda a i feda a sam man ta slébèrdèʼa.

Esaie 37:4

Gar Ndo nzi pèc pècèk, Zhiklè ngaya, a ntsena ma bi sojè bai, man bi Assyrie, bi nengaʼa, a nzlündo, aman a ndérdè Zhiklè man a zhè a nshèffè, – a da ga na skwi ambaɓiaʼa a géɗ ma man Ndo nzi pèc pècèk, Zhiklè ngaya, a ntsenaʼa. Gar haha tsu rai a géɗ njèkèɗihiaʼa man ta zhè a nshèffè dai.

Jérémie 33:3

Bahayè, i da mbeɗa ka a ma, i da ngra ka skwi mbia holholaʼa man ka sun ɓai.

Ezéchiel 36:37

Gar haha Bi Zhiklè a gaɗa: Aman ndohi Israel ta tsi ri a iyè, i céʼa, a i gi skwi haha a sam tengaʼa a vaʼa: a ndohi ta gi a vata ara rèwè tambak.

Daniel 2:23

I shida ka gèɗ, Zhiklè bababhi ga, a i slébèrdè ka, a géɗ man ka ngray maya a ka vay wuɗai. Ka ngray skwi man nga dzhoɗo a sam ngaya, ka ngra nga skwi man bai a dzhoɗo.

Daniel 3:17

Bi nga, Zhiklè nga, man nga tsi ri a nengaʼa, a slaha man a mbel nga ko te vogwa vovar, a slaha a nda mbel nga ko te ri ngaya ba.

Daniel 4:26

Aman a ngaɗa: godozlom wof da nza a pa; kokwar bi ngaya a nzi di genè, ha pats man ka shin wuɗi Zhiklè.

Jonas 1:9

Jonas a ngaɗa ta: I ndo Hébreu, i gi zlau Ndo nzi pèc pècèk, Zhiklè te zhiklè te géɗèʼa, man a ngu iyam mbiaʼa a herkeda.

Mal. 3:18

Te deɓaʼa kin ɗèlè auda te va ndo nzuraʼa a ndo nderɗè Zhiklè zaʼa, te va ndo man a gi mizlinè Zhiklè, a ndo man a gi mizlinè Zhiklè azɓai.

Matthew 18:12

Kin hér mè? Ndo man a ngots tambakihi tèmère, staɗ te va tengaʼa a nzlak na. A njeke ta njèkèɗiaʼa 99 a der za ka ɓi dè, amari a dè a woy nengaʼa man a zlak na?

Matthew 18:19

A vava i gaɗa kinè zaʼa: Aman cèw te ndev kinè ta humda ma ta a géɗ herkeda, skwi ko mèmè man ta tsi rai a géɗèʼa, Bab ga te zhiklè a da va ta.

Actes 12:4

Aman a ngso, a mfeda a gi dangai, a mva ta a ri sojèhi, sojèhi faɗ a faɗ man ta ɓerèʼa pèc pècèk. A nhuro, a woya a nzlatseda a sam ndohi te deɓ ngolala Pâque.

Romans 15:30

Dalahimam ga, i fa kinè ma a gèɗ, te Bi nga Yèsu Kristi, te mwoy-ndo te Mèzhèɓ, va-takahayè a ngi var te ntsi ri a sam Zhiklè a géɗ ga,

2 Peter 2:9

Bi Zhiklè a suna, ara man a slaha a mpre ta ndohi man ta woy civèɗ na, auda te skwi man a pe ta a wai, ara man a pe ta ndohi nzura ka ɓai, a hai, ha pats kita, aman a da ga ta kita.

I Samuel 17:37

David a ngaɗa: Ndo nzi pèc pècèk man a mbelyè te ri marizhèlè a kokoya, a da mbelyè te ri ndo Philistie haha ba. A Saul a ngaɗa na David: Do, Ndo nzi pèc pècèk da zhè a ka!