Daniel 12:13 - Ma Zhiklè

¹³ Aman ka, do, sok va ngaya! A pats nʼndikèma skwai ka da slèmbèdè a ka da ngècè man a ngaya.

Daniel 12:13 ပူးပေါင်းရင်းမြစ်များ

Psaumes 1:5

Gar haha ndohi ambaɓihiaʼa ta slaha a ta zlècè a sam kita azɓai. A sam man ndohi nzuraʼa ta ɓica a pa, ndohi malai ta slaha a ta nzi a pa ɓai.

Psaumes 16:5

Ndo nzi pèc pècèk, nengaʼa skwi nʼndi gi ga, ncèk ga. Ka tilay di man a ga.

Psaumes 16:9

Gar haha i wuffè, a ndav ga a gi langlangaʼa. Ko va ga a nza na.

Exode 33:14

A Ndo nzi pèc pècèk a mʼmbeɗa na a ma Moise: I dè a ma ngaya. I woy a i de ka a sam nshèk va.

Daniel 12:3

Ndohi man maya ta zhè, ta da hel sam ara pats a giɗfèk; a ndohi man ta de ta ndohi kumba a sam ngi-zuraʼa, ta da hel sam ara bantihai, a ma ma a mèdèp.

Daniel 12:4

Ka Daniel, ngheda ma haha, pizleda ɗèlèwèr a pa, ha pats nʼndikèma skwai. Ta kumba ta da wuzhèʼa, a ta ngècè maya te pa.

Zacharie 3:7

Zhiklè bi mbiaʼa a gaɗa: Aman ka woy a ka dè a civèɗ ga, a ka da gi skwi tèlèba man i gaɗa ka, ka da kwèr gi ga a ka gi kita ndohi ga, a i ge ka a ndo nshèlèkuraʼa te va ndohi haha.

Matthew 19:28

Yèsu a ngaɗa ta: A vava, i gaɗa kinè: Kinè, aman kin dzadzarkayè: a pats man herkeda a gi a mɓuaʼa, aman kra-ndo a nzi a géɗ sam nʼnzi bi nʼnjèl na, kinè ba kin da nzi a géɗ sam nʼnzi bi 12, a kin da ga ta kita a verzi ndohi Israel 12.

Luke 21:36

Anai va-nza a dai, va-tsu ri pèc pècèk, aman kin zli va kinè auda a sam skwi haha tèlèba man a di a shkè, a kin slaha a kin zlècè a sam kra-ndo.

2 Corinthians 5:1

Nga suna: aman gi nga ntʼherkeda haha, nengaʼa va nga, mʼmbeɗ na, nga ngots gi man Zhiklè a nɗüzlo, gi man ri ndo a ngu ka ɓai, man a nzi te zhiklè te géɗèʼa a mèdèp.

2 Thessalonians 1:7

Aman a kinè, man kin si matakwan, a va kinè nshèk va a nda nga, aman Bai Yèsu a da gudko va a dai te zhiklè, a golahi nengaʼa man wuɗi ta a zhè,

Apocalypse 14:13

A i tsena ngèɗè te zhiklè, man a gaɗayè: Windo! Mwuffè a sam ndohi man ta mets ta te Kristi. Mèzhèɓ Zhiklè a gaɗa: Ani haha ta shèk va te mizlinè tengaʼa. Aman skwi man ta gau, a dzadzar ta te deɓa.