Daniel 11:36 - Ma Zhiklè

³⁶ Bai a gi skwi ara man ndav nengaʼa a woyaʼa, a da grè gèɗ, a fi va, a sam zhi-klèhi mèmè, a da fi va a sam Zhiklè a géɗ zhiklèhi tèlèba. A da gèɗè ma nfi va, ha pats nʼndikèma ndzoan Zhiklè, te man skwi man a ngaɗdahai a gai.

Daniel 11:36 ပူးပေါင်းရင်းမြစ်များ

Psaumes 136:2

Va-shüd gèɗ a Bi Zhiklè, Zhiklè a géɗ zhiklèhai aman pombi nengaʼa a nzi a mèdèp.

Psaumes 33:10

Ndo nzi pèc pècèk a gedassa skwi man ndohi herkeda ta hérèʼa; a skwi man kokwar-bihai ta woy a ta giaʼa, a ndeda a skwi ambalai.

Proverbes 19:21

Ndo a hér skwi man a woya a ngia kumba; aman sèi skwi man Ndo nzi pèc pècèk a woyaʼa, a gai.

Esaie 10:23

A géɗ ngédèsh ta, a géɗ pats man a da gedas ta, Zhiklè a nhuro nengaʼa a géɗ herkeda tèlèba.

Esaie 10:25

Njèkè kèshkata, ndzoan nengaʼa klèng. Ndzoan ga a di a gedas ta.

Esaie 10:5

Wobau a géɗ ndohi Assyrie! I fu a gada mbèzl va ga, a mènèwèd man i ndèh ndohi a vna.

Esaie 14:13

Ka goɗ te ndav ngaya: i war i tivè a zhiklè, te pa i da til sam nʼnzi ga te géɗèʼa, a géɗ bantihi Zhiklè, a i nzi a géɗ sam nʼnzi ɓai a balak Zhiklè te géɗèʼa.

Esaie 14:14

I woya a i tivè a géɗèʼa, a géɗ vanihai, a i gi lèmèlèmè ara Zhiklè te géɗèʼa.

Esaie 26:20

Ndohi ga, vo-do a gi kinè, va-pizlè ntamagi te deɓ kinè, va-ngheda va kètè, ha ndzoan a ndev na.

Esaie 30:33

Ta laɓa vogwa klèng ma, ta ngela a ta ɓica shègwa kumba, a vogwa a gi a vata. Aman Ndo nzi pèc pècèk a ftèʼa, a vècè vogwa a zlèzlèmèʼa.

Esaie 46:10

Tʼhinkaɗ na i njè kinè skwi man a da gai; halaʼa, man nʼnga di ɓai. I gaɗa: Skwi man i huro, i giaʼa; skwi man i woya a i giaʼa, i rufaʼa.

Esaie 57:9

Ko do a sam Mèlèk a ka faɗa na mbar a ɓurdi a va; ka zlinde ta ndohi sak ngaya dra, a hai a sam mʼmetsai.

Ezéchiel 28:2

Ka ndo, gaɗa na kra bi Tyr: Bi Zhiklè a gaɗa: Ka fi va, a ka gaɗa: Iyè Zhiklè, iyè a géɗ sam nʼnzi bi Zhiklè te ndev iyam mbiaʼa! Aman ka ndo; ka zhiklè ka bai. Ka lèmdè va ngaya a Zhiklè.

Ezéchiel 35:13

Kin slambaɗkay a va, kin goɗ ma ambaɓiaʼa a géɗ ga. I tsena mbelembela ba!

Daniel 11:16

A ndo ngi var a vna, a da gi ara man ndav nengaʼa a woyaʼa, ndo a slaha a nzlècè a sam nengaʼa azɓai. A da nzi te kokwar nkezlaʼa, skwi ngedassaʼa te ri nengaʼa tèlèba.

Daniel 11:3

A bi ngulaʼa a shkè, a gi bi wuɗai, a gi ara man ndav nengaʼa a woyaʼa.

Daniel 11:37

A hér zhiklèhi babhi na azɓai, a hér zhiklè, man a wuffedè ngwozi, ka ɓai, a fi va a sam ta tèlèba.

Daniel 12:7

A i tsena ma ndo man maslaka ntsentsai a va, te wud woyam ngiɗè, man a mpeda ri na cèw a zhiklè. A mʼmbaɗa a nzlembaɗ Zhiklè man a nzi a nshèffê a mèdèp: Te deɓ nʼnzi a zhè, za nʼnzi a zhè zaʼa, za nʼnzi a zhè a rètaʼa zaʼa. Aman wuɗi ndo ngedassa ndohi nkezlaʼa a ndev na ma, skwi haha tèlèba a gai.

Daniel 2:47

A bai a nhüno a ngaɗa na Daniel: A vava, Zhiklè kinè, Zhiklè a géɗ zhiklèhi tèlèba, bai a géɗ bihi tèlèba, nengaʼa man a sun skwi nʼnghedaʼa, a géɗ man ka slaha ka ngreda verzia haha.

Daniel 4:35

Ndohi a géɗ herkeda tèlèba ara skwi ambalai. A gi ara man a woyaʼa a sam golahi Zhiklè, a sam ndohi tʼherkeda. Ndo a slaha a ngedassa skwi man ri nengaʼa a ngau azɓai, a ngaɗa na: Ka gi a haha mè.

Daniel 5:19

A sam wuɗi nʼnjèl nengaʼa man a va na, ndohi herkeda te verzi tsaɗ tsaɗ, a nèʼèn tsaɗ tsaɗ, ta gu zlau, ta gudzau a sam nengaʼa. Nengaʼa a nkeda ndo man a woyaʼa, a njèka na nshèffè a ndo man a woyaʼa, a gra na gèɗ a ndo man a woyaʼa, a manda na gèɗ a hi a ndo man a woyaʼa.

Daniel 5:20

Aman ndav nengaʼa a fi va, ha gèɗ na a nze na, ta kolkoɗauda te bai. A ta cèma na wuɗi nengaʼa.

Daniel 7:8

I wor drom; na haha drom ngiɗè nkèshèa a nftska te pa, a dromhi ngiɗè makar ta proslkoɗauda te pa a samaʼa. Di nengaʼa a zhè, ara di ndo; ma nengaʼa man a gèɗè ma mbiaʼa.

Daniel 8:19

Te deɓaʼa a ngaɗa: Na haha I ngra ka skwi man a di a gai a pats ndzoan te deɓaʼa. Nshunè a goɗ a géɗ ndikè-ma skwai.

Daniel 8:4

I rka drok a kèl gèɗ te civèɗ nkèl pats, te civèɗ man a tsagi a tsagai. Ko skwi dak mèmè a slaha a nzlècè a sam na ɓai. Ndo a mbelè auda te ri wuɗi nengaʼa azɓai. A gu ara man a woyaʼa, a nʼnga a mbiaʼa.

Zacharie 11:16

Na haha i da baha na ndo nwèr skwai te kokwar haha: a hèsh tambak man a ze na azɓai, a helka ta tambakihi man ta zlak ta azɓai, a va ta zungwa a sam skwi man sak mpasla azɓai, a wara na di a skwi man skwa a dza na, azɓai. A ndi zluèɗ ngraʼa, a pelasla ta kotèkwèr tengaʼa aussa.

Jean 5:30

I slaha a i gi skwi a géɗ ga ɓai; i bèzlè kita, ara man i tsenaʼa. Kita ga nzuraʼa. I woy skwi ara man iyè i woya ka ɓai, aman skwi man nengaʼa man a zlindekayè a woyaʼa.

Jean 6:38

I shkè te zhiklè, a i gi skwi ara ndav ga man a woya ka ɓai. I shkè, aman i gi skwi man nengaʼa man a zlindekayè a woyaʼa.

Actes 4:28

a ta gu skwi man ri ngaya a woya a ngiaʼa a ka herda hai.

Deutéronome 10:17

Aman Ndo nzi pèc pècèk, Zhiklè kinè, Zhiklè a géɗ zhiklèhi tèlèba, Zhiklè mbiaʼa, man wuɗi na zhè, man wuɗitpa, man a pèr ndo mpèrè azɓai, a cè skwi man ta rubè a vna azɓai;

2 Thessalonians 2:3

Va-gau, aman ko staɗ da pe kinè a wi ɓai, pal ba. Aman patsaʼa a shkè di azɓai, sèi ndohi ta gi mèdègèɗ a sam Zhiklè holholaʼa, a ndo malai mbiaʼa a ngredekaɗ na auda, nengaʼa ndo ngedas ndo.

2 Thessalonians 2:4

Nengaʼa mayam, man a fi va a géɗ skwi Zhiklè tèlèba, a géɗ ntsi ri Zhiklè ba, a nzi a hai te gi Zhiklè, a da fi va na a Zhiklè.

2 Thessalonians 2:8

Te deɓaʼa tsam tsam ndo nderdè Zhiklè a da gudko va, a Bai Yèsu a di a keɗaʼa a nshèffè man a shkè auda te ma na; ngedè va Yèsu a zeda langa.

Josué 22:22

Zhiklè a géɗ zhi-klèhi tèlèba. Ndo nzi pèc pècèk, Zhiklè a géɗ zhiklèhai. Ndo nzi pèc pècèk a suna, a ndohi Israel ba ta suna: Nga rom sam mvi skwi a Zhiklè a géɗ man nga Sala na va a gèɗ a nga jèkeda Ndo nzi pèc pècèk ɓai – man ɓai, da takaha nga a patsna ɓai!

Apocalypse 10:7

aman ta da cinèʼa man gol Zhiklè matsaraɗaʼa a da tsi tolom, skwi man Zhiklè a ngheda, a ndikeda, ara man a njè ta ɓèlèlihi nengaʼa a ndohi nhadka ma nengaʼa.

Apocalypse 12:14

A ta va na kelpasl Vezi mbiaʼa cèw a ngwoz, aman a slaha a nhi na a hèshèkèɗ, a sam nʼnzi na. Te pa ta va na skwi nʼndi mvi staɗ, a mvi ngiɗè cèw a rètaʼa, dra a sam zhüzhok.

Apocalypse 13:1

A i rka skwi dak ngiɗè man a shkè auda te va iyam mbiaʼa, a drom kula te gèɗ; a géɗ dromhi na skwi mpèɗè gèɗ kula; a géɗ gèɗhi nengaʼa staɗ staɗ, nzlembaɗ ndérɗè Zhiklè a pa.

Apocalypse 17:17

Aman Zhiklè a ngra ta te ndav ta arsa, a ta rufa skwi man a huro, ara man a woya a ngiaʼa, a ta vi wuɗi-bi tengaʼa a skwi dak ha ma Zhiklè tèlèba nʼndika ma.

Apocalypse 17:3

A ndiyè a hèshèkèɗ te Mèzhèɓ. A i rka ngwoz nʼnza a deɓ skwi dak, ngi na ara vèvèzh, a nzlembaɗ nderɗe Zhiklè kumba, a gèɗhi tsaraɗ a dromhi kula.