Daniel 1:19 - Ma Zhiklè

¹⁹ A bai a ntsau tsaval a nda tengaʼa. Daniel, Hanania, Mishael a Azaria ta fen ta gwolakia ngiɗè tèlèba. A ta hüno mizlinè te gi bai.

Daniel 1:19 ပူးပေါင်းရင်းမြစ်များ

Genèse 41:46

Mvi Joseph 30, aman a nzlatsa a sam Pharaon, bi Egypte. Aman a nslambaɗa te gi Pharaon, a shèwèlè te Egypte tèlèba.

I Rois 17:1

A Elie, ndo Thishbé, te Galaad, a ngaɗa na Achab: Ara man Ndo nzi pèc pècèk, Zhiklè Israel, a zhè, man i gi mizlinè nengaʼa, a mvi a mvai a haha, iyam a shkè azɓai, minmèn a gshè géɗ sam azɓai, sèi man i da goɗa.

Proverbes 22:29

Aman ka rka ndo ngiɗè man a sun maya mizlinè, nengaʼa a slaha a ngi mizlinè te gi bai, a woy mizlinè te gi ndo ambali ɓai.

Jérémie 15:19

Gar haha Ndo nzi pèc pècèk a gaɗa: Aman ka menkaɗa deɓa, ka slaha ka zlècè a sam ga zaʼa. Aman ka gèɗè ma mbelaʼa, ma ambaɓia ka ɓai, i va ka ma ga a ma ngaya zaʼa. Sèi ndohi haha ta shkè a sam ngaya; ko do a sam tengaʼa ɓai!

Daniel 1:18

Tidè samaʼa man ta zlècè a sam bai, tsuvom ntokotasl bai a nde ta a sam Nebucadnetsar.

Daniel 1:4

te verzi bai a ndohi mbibihiaʼa, a gi bai; man va tengaʼa daɓaraʼa, va tengaʼa nsuɗa nekeɗaʼa, maya ta zhè, ta wosla a ta slebau maya, aman aranta ta slaha ta gi mizlinè te gi bai, a ta da shin ɗèlèwèr a daʼai Chaldée.

Daniel 1:5

Bai a va ta skwi nʼndai pèc pècèk te va skwi nʼndi nengaʼa, te va zom man a siaʼa; a woya man a senda ta mvi makar, a ta da gi mizlinè bai te deɓaʼa.

Daniel 1:6

Te va tengaʼa, wudahi Juda: Daniel, Hanania, Mishael a Azaria.

Daniel 1:7

Tsuvom ntokotasl-bihai a mva ta nzlembaɗ mɓuaʼa. Daniel, a baha na Beltshatsar; Hanania a baha na Shadrac; Mishael a baha na Méshac; Azaria a baha na Abed-Nego.

Daniel 2:13

A géɗ ma bai, aman ta da bazl ta ndohi maya, ta hoss Daniel a mandalahi na, a ta woy a ta bazl ta a vaʼa.

Daniel 3:29

Gar haha i njè kinè ma ga a gèɗ: Ko wawa – ndo man verzi na mèmè, tʼherkeda nangwa nangwa, a nèʼèn mèmè – man a derɗa Zhiklè Shadrac a Méshac a Abed-Nego, ta wotsaʼa a ta duma gi nengaʼa, a nde na mongoɓa. Aman Zhiklè ngiɗè azɓai, man a mbel ndo arsa, sèi nengaʼa.