Colossiens 3:25 - Ma Zhiklè

²⁵ Ndo man a gi zuraʼa azɓai, a ngècè skwi lèmèlèmè ara man a gau. Zhiklè a pèr ndo mpèrè azɓai.

Mofa New Testament

²⁵ Ndo man a gi zura'a azɓai, a ngècè skwi lèmèlèmè ara man a gau. Zhiklè a pèr ndo mpèrè azɓai.

Colossiens 3:25 ပူးပေါင်းရင်းမြစ်များ

II Samuel 14:14

Nga da metsi nga tèlèba; nga lèmèlèmè ara iyam man ta bada a herkeda, a ta slaha ta cèkèlè te deɓaʼa asaɓai. Aman ndo man ta kwolaʼa, Zhiklè a woya a ngedassa nshèffè nengaʼa azɓai, a woya aman a nza dra ɓai.

II Chroniques 19:7

Anai va-gu zlau Ndo nzi pèc pècèk, va-gu maya a géɗ skwi man kin giaʼa, aman mali az a sam Ndo nzi pèc pècèk, Zhiklè nga, ɓai; nengaʼa a pèr ndo mpèrè azɓai, a woy skwi mbali ɓai.

Job 34:19

Nengaʼa man a pi a wud bihai azɓai, a ndohi mèshèlè a ndohi ntawassaʼa azbai, ta tèlèba ri nengaʼa a ngau.

Job 37:24

A géɗ nengaʼa ndohi ta gi zlauaʼa. Ta tèlèba ta hur a ta gada: A fa ta gèɗ a ndohi maya azɓai.

Lèv. 19:15

Kin ngwoda kita bai! Ka por ndo mpèrè a sam kita bai, ko mbelaw ndo, ko ndo mbiaʼa. Sèi ka gi kita nslamagi ngaya zuraʼa.

Matthew 16:27

Kra-ndo a di a shkè a nʼnjèl Bab na, a nda golahi nengaʼa. Te deɓaʼa a da va na ndo staɗ staɗ tèlèba te di skwi man a gau.

Luke 20:21

A ta dzhoɗo; Ndo njèngè ma, nga suna, ka gèɗè ma a ka senda nga zuraʼa. Ka gi zlau ndo azɓai, sèi ka njè civèɗ Zhiklè zuraʼa.

Actes 10:34

A Pierre a hüno ngèɗè: Anai i rka a vava, Zhiklè a pèr ndo mpèrè azɓai;

Romans 2:11

Aman Zhiklè a pèr ndo mpèrè azɓai.

2 Corinthians 5:10

Aman nga tèlèba, sèi nga da zlècè a sam nʼnzi kita Kristi, a sam man ndo staɗ staɗ a ngè-cèʼa, gar amba, gar ambaɓai, ara man a gu a pats nshèffè na tʼherkeda.

Ephésiens 6:8

Va-suna: Skwi man amba staɗ staɗ tèlèba, man ndo a giaʼa, a ngècè a deɓa a sam Bi Zhiklè, ko ɓèlè, ko kra ngwai.

Ephésiens 6:9

Kinè, bihai, va-gu lèmèlèmè, kin guv ndo ɓai! Kin suna, Bi kinè a tengaʼa ba a zhè te zhiklè te géɗèʼa. Nengaʼa a pèr ndo mpèrè azɓai.

Deutéronome 1:17

Kin por ndo mpèrè a sam kita ɓai! Va-fu zlembaɗ a ma mbelaw ndohi lèmèlèmè ara ma ndohi mbibihiaʼa. Kin gu zlau ndo ɓai; aman ma kita a Zhiklè. Kita man a fena wuɗi kinè, va-ckoɗa a sam ga, a i tsnaʼa.

Deutéronome 10:17

Aman Ndo nzi pèc pècèk, Zhiklè kinè, Zhiklè a géɗ zhiklèhi tèlèba, Zhiklè mbiaʼa, man wuɗi na zhè, man wuɗitpa, man a pèr ndo mpèrè azɓai, a cè skwi man ta rubè a vna azɓai;

Colossiens 4:1

Kinè bihai, skwi man a ɓèlèlihi kinè, va-va ta! Kin suna, bi kinè ba a zhè te zhiklè te géɗèʼa.

1 Thessalonians 4:6

Ko staɗ da beza zlawa ɓai, da ngwoda ri a kramam na te skwi haha ɓai. Zhiklè a da pela gèɗ skwi tèlèba, ara man nga gaɗa kinè, a nga ngreda kinè nshèlèkuraʼa.

2 Thessalonians 1:6

Nengaʼa kita nzuraʼa a sam Zhiklè, aman a pela ta ndohi man ta ga kinè matakwan, a matakwan.

Philémon 1:18

Aman a ngu mali a sam ngaya, man godèrè ngaya a gèɗ na, na géɗ ga. Iyè Paul, i Windo ma haha a ri ga, i woya a i pilèʼa.

Hébreux 2:2

Aman ma man golahi Zhiklè ta vau a nʼngots wuɗai, a ndohi malihi tèlèba, a ndohi mèdègèɗ, ta ngots di man a ta;

1 Peter 1:17

Aman kin baha na nengaʼa, man a pèr ndo a mpèrè a sam kita azɓai: ‘Bab nga’, va-nza a maya te nshèffè kinè a zlau, man kin tʼherkeda dai.

Jude 1:16

Tengahi ndohi man ko skwi mèmè ambaha ta ɓai, ta kuɗi a va, a ta jèjèr ntétékè tengaʼa. Ta gèɗ ma nfi va, a ta shi-bèndè ndo, aman ta ngècè skwai.