Colossiens 3:23 - Ma Zhiklè

²³ Skwi tèlèba man kin giaʼa, va-gau a ndav tèlèba, ara man a Bi Zhiklè, a ndohi genè ka ɓai.

Mofa New Testament

²³ Skwi tèlèba man kin gia'a, vagau a ndav tèlèba, ara man a Bi Zhiklè, a ndohi genè ka ɓai.

Colossiens 3:23 ပူးပေါင်းရင်းမြစ်များ

II Chroniques 31:21

A ngau a ndav nengaʼa tèlèba, a skwi tèlèba man a gau, a ngau amba, a woy Zhiklè na te mizlinè gi Zhiklè, a géɗ ma kita a ma nkwèr na.

Psaumes 103:1

Man a David. Ndav ga, slubordo Ndo nzi pèc pècèk! A nshèffè ga tèlèba da slubordo nzlembaɗ nengaʼa nkezlaʼa!

Psaumes 119:10

I has ka a ndav ga tèlèba. Takahayè, a i da pèkèt ga auda a civèɗ ma nkwèr ngaya ɓai.

Psaumes 119:145

Ndo nzi pèc pècèk, i baha ka a ndav ga tèlèba, mbeɗkay a ma! A i jèjèr ma ngaya man a de nga.

Psaumes 119:34

Vay maya a gèɗ, a i ɓir ma kita ngaya, a i jèjèrèʼa a ndav ga tèlèba.

Ecclésiaste 9:10

Mizlinè tèlèba man ka ngotso, gu dè te di wuɗi ngaya. A sam mʼmetsai, man ka da dè a pa, mizlinè azɓai, nhér skwi azɓai. Ta sun skwa ɓai, maya ngiɗè azɓai.

Jérémie 3:10

Ar haha, Juda, demam na, man nlèɓèslɓai, a nʼngwodko ndav na a deɓa a sam ga tèlè ɓai, a goɗ a deɓa genè Ndo nzi pèc pècèk a gaɗa.

Matthew 6:16

Aman kin jèkeda skwi nʼndai, kin da gursa di ɓai, ara ndohi nʼngwèdè ndo. Tengaʼa ta min dai, aman ndohi ngiɗè ta rkaʼa, ara man ta jèkeda skwi nʼndai. A vava i gaɗa kinè: Ta ngots skwi ntul ta ma.

Romans 14:6

Ndo man a pèr patshi a mpèrè, a giaʼa a sam di Bi Zhiklè. Ndo man a ndi skwai, a ndiaʼa a sam di Bi Zhiklè, a shid gèɗ a Bi Zhiklè te nengaʼa. Ndo man a ndi skwi azɓai, a ndi azɓai a sam di Bi Zhiklè, a shid gèɗ a Bi Zhiklè lèmèlèmè.

Romans 14:8

Aman nga nzi a nshèffè, nga nzi a nshèffè a géɗ Bi Zhiklè.

Ephésiens 5:22

Ngwozai, va-manda gèɗ a hai a sam bakihi kinè, ara a sam Bi Zhiklè.

Colossiens 3:17

Skwi tèlèba man kin giaʼa, ko a ma, ko a mizlinè, va-gu tèlèba a nzlembaɗ Bai Yèsu Kristi. Va-shüd gèɗ a Bab Zhiklè te nengaʼa!

1 Peter 1:22

A géɗ man ndav kinè mpana, va-fu gèɗ a ma nzuraʼa, va-woy kramam kinè te Kristi! Va-woy va kinè, ngiɗè a ngiɗè, pèc pècèk a ndav tèlè!

1 Peter 2:13

Va-fu gèɗ a ma ndohi mbibihiaʼa tʼherkeda, a géɗ nzlembaɗ Bi Yèsu, ko a ma bi mbiaʼa man a géɗ bihi ngiɗè,

1 Peter 2:15

Gar haha Zhiklè a woyaʼa, aman kin pizlèma ta ma a ndohi nrzlaʼa, a ndohi man ta sun skwa ɓai, a skwi man amba man kin giaʼa.