Colossiens 3:17 - Ma Zhiklè

¹⁷ Skwi tèlèba man kin giaʼa, ko a ma, ko a mizlinè, va-gu tèlèba a nzlembaɗ Bai Yèsu Kristi. Va-shüd gèɗ a Bab Zhiklè te nengaʼa!

Mofa New Testament

¹⁷ Skwi tèlèba man kin gia'a, ko a ma, ko a mizlinè, vagu tèlèba a nzlembaƌ Bai Yèsu Kristi. Vashüd gèƌ a Bab Zhiklè te nenga'a!

Colossiens 3:17 ပူးပေါင်းရင်းမြစ်များ

I Rois 18:32

A ndizla kwa a ngi a sam mvi skwi a Zhiklè a nzlembaɗ Ndo nzi pèc pècèk, a ntèuda sam mvi skwi a Zhiklè a vèvèɗ, samaʼa aman ta zleki dau guv guv ri cèw.

Proverbes 3:6

Hur nengaʼa a civèɗ ngaya tèlèba, a nengaʼa a da lèmdè ka civèɗ ngaya fèhèʼa.

Michée 4:5

Ndohi herkeda tèlèba ta jèjèr zhi-klèhi ta. Aman nga, nga jèjèr Ndo nzi pèc pècèk a mèdèp.

Matthew 28:19

Anai vo-do, va-ge ta ndohi herkeda tèlèba a golahi ga, va-ga ta bap-tême a nzlembaɗ Bab Zhiklè, a nzlembaɗ kra Zhiklè, a nzlembaɗ Mèzhèɓ Zhiklè nkezlaʼa.

Actes 19:17

A skwi haha, ndohi tèlèba man ta nza te kokwar Ephèse, ta tsenaʼa, ndohi Juif a ndohi man Juif ka ɓai; a zlau a ndza ta tèlèba, a ta slubordo nzlembaɗ Bi Yèsu a vata.

Actes 4:30

Ged ri ngaya, aman ndohi ta mbel ta, a ta rka nrkedi a skwi man nʼngreda auda a nzlembaɗ Yèsu, ndo mizline ngaya nkezlaʼa.

Romans 1:8

Nshèlèkuraʼa i gi susai a Zhiklè ga te Yèsu Kristi a géɗ kin tèlèba; aman herkeda tèlèba a ntsena labar ma ncè-a-ndav kinè.

1 Corinthians 10:31

Ko kin ndi skwai, ko kin si skwai, skwi ko mèmè man kin giaʼa, va-gau tèlèba, aman kin slébèrdè Zhiklè.

Ephésiens 1:17

Zhiklè Bi nga Yèsu Kristi, Bab nʼnjèlè, da va kinè Mèzhèɓ nshin maya, da ngreda kine skwi auda, te nshin nengaʼa.

Ephésiens 5:20

Va-shüd gèɗ pèc pècèk a géɗ skwi tèlèba, a sam Bab Zhiklè, a nzlembaɗ Bi nga Yèsu Kristi.

Philippiens 1:11

a nyiè kinè ngutsuɓaʼa te ngi-zuraʼa man a shkè te Yèsu Kristi, a da zhè a nslébèrdè a nshid gèɗ a Bi Zhiklè a vna.

Philippiens 2:11

A nèʼèn tèlè ta ngrédèʼa, Yèsu Kristi Bai, a nʼnjèl Zhiklè, Bab na.

Colossiens 1:12

Gar haha va shüd gèɗ a Bab nga, man a til kinè, aman kin slaha a kin ngècè skwi Zhiklè a nda ndohi Zhiklè a sam nhelaʼa.

Colossiens 2:7

Ncè-a-ndav kinè da ga ara zluzlor gedeng-gedengaʼa, a kin dè a ma ma, a kin nzi dai te pa, ara man ta njè kinè. Va-shüd gèɗ a géɗ nengaʼa kumba!

Colossiens 3:15

Gumi Kristi da gu bi te ndav kinè; Zhiklè a mbaha kinè a pa, te va staɗ. Va-shüd gèɗ!

Colossiens 3:23

Skwi tèlèba man kin giaʼa, va-gau a ndav tèlèba, ara man a Bi Zhiklè, a ndohi genè ka ɓai.

1 Thessalonians 1:1

Paul a Silvain a Timothée, a sam mpi ndohi Zhiklè te Thessalonique, a nzlembaɗ Bab Zhiklè, a Bai Yèsu Kristi: Pombai a gumai da zhè a nda kinè!

1 Thessalonians 5:18

Va-gu susai a géɗ skwi tèlèba. Aman skwi haha Zhiklè a woy kin giaʼa te Yèsu Kristi.

2 Thessalonians 2:17

da büdo ndav kinè, da va kinè wuɗai te mizlinè, te ma kinè man amba tèlèba.

Hébreux 1:5

Aman gol Zhiklè nangwa, man Bi Zhiklè a ngaɗa na: Ka kra ga, a patsna i fe ka? A vaʼa: I ndi a bab nengaʼa, a nengaʼa a ndi a kra ga?

Hébreux 13:15

Gar haha ngo-vokoy skwi nshid gèɗ a Zhiklè pèc pècèk; nasa ma nga, man a ngrédè nzlembaɗ nengaʼa.

1 Peter 2:5

Kinè ara kwahi nshèffè, man ta gi gi Mèzhèɓ Zhiklè a vna, kinè ndohi mvi skwi a Zhiklè nkezlaʼa, man ta zli skwi te Mèzhèɓ a Zhiklè, man te Yèsu Kristi ta ambaha Zhiklè.

1 Peter 2:9

Kinè verzi ndohi man Zhiklè a baha kinè, ndohi mvi skwi a Zhiklè, Bi mbiaʼa; kinè ndohi halaʼa, ndohi man a kwor ta. Kinè skwi nslébèrdè nengaʼa, man a baha kinè auda te ruva a sam nhél sam nengaʼa mbelaʼa.

1 Peter 4:11

Ndo man a gèɗ ma, da goɗo ara ma Zhiklè. Ndo man a ngots mizlinè Zhiklè, da gau ara man a slaha, ara man Zhiklè a va na wuɗai. Te skwi tèlèba, va-gau aman kin slébèrdè Zhiklè te Yèsu Kristi. Nʼnjèlè a wuɗai a nengaʼa, te nhinkaɗ na a ma ma a mèdèp. Amen.

1 John 2:23

Ko wawa man a cèkèlma a géɗ kra Zhiklè, a nʼngatsa bab Zhiklè ɓai lèmèlèmè. Ko wawa man a ngreda kra Zhiklè auda, a nʼngots Bab Zhiklè ba.

1 John 3:18

Wudahi ga, ngo-woyokoy va nga a ma genè ka ɓai, a ngèɗè genè ka ɓai, aman a skwi man nga giaʼa a nzuraʼa.