Colossiens 3:13 - Ma Zhiklè

¹³ Va-lèɓèslè a va kinè, ngiɗè a sam ngiɗè, va-pra malai, ngiɗè a ngiɗè, man ma a zhè te ndev kinè. Lèmèlèmè ara Bi Zhiklè a mpra kinè malai, va-gu lèmèlèmè.

Mofa New Testament

¹³ Valèɓèslè a va kinè, ngiƋè a sam ngiƋè, vapra malai, ngiƋè a ngiƋè, man ma a zhè te ndev kinè. Lèmèlèmè ara Bi Zhiklè a mpra kinè malai, vagu lèmèlèmè.

Colossiens 3:13 ပူးပေါင်းရင်းမြစ်များ

Proverbes 19:11

Ndo man a gi ndav tsam tsam azɓai a ngredè maya na auda. Ndo man a fa na kwa a gèɗ a malai a ngredè nʼnjèl na auda.

Matthew 5:44

Aman iyè, i gaɗa kinè: Va-woy ndohi mayamhi kinè! Va-tsu ri a géɗ ndohi man ta paraha kinè! Va-ga ta skwi man amba a ndohi man ta ga kinè shèwa,

Matthew 6:12

Pra nga mali nga, ara man nga pra mali ndohai man ta gu mali a sam nga.

Marc 11:25

Aman kin zlatsahai, a kin tsi rai, a ma a zhè te ndev kinè a ndo ngiɗè, va-pra na mali na, a Bab kinè ba, man a zhè te zhiklè te géɗèʼa, a prè mali kinè lèmèlèmè.

Luke 11:4

Pra nga mali nga, a nga ba, nga pra mali ndo staɗ staɗ tèlèba, man ta gu mali a sam nga. Ka da nga a sam man a pe nga a wi ɓai!

Luke 23:34

A Yèsu a ngaɗa: Bab ga, pra ta mali ta, amari ta sun skwi man ta gia ɓai. A tengaʼa ta kezla maslaka nengaʼa, a ta gu jimèr a géɗèʼá.

Romans 15:7

Gar haha ngiɗè da co ngiɗè, lèmèlèmè ara Kristi a ce nga a nʼnjèl Zhiklè.

2 Corinthians 2:10

A sam ndo man kin pra na malai, i ba i pra na mali na. Aman i ba, aman i pra malai, i praʼa, a géɗ kinè, a sam di Kristi,

2 Corinthians 6:6

te mɓer va, te nshin skwai, te nzhèr skwi a ma ma, a ndav amba, te Mèzhèɓ nkezlaʼa, te mwoy-ndo a ndav man a vava,

Galates 6:2

Staɗ staɗ da takaha a nzhüɓ skwi man a nzala na ndo ngiɗè, aman ar haha kin gu ara ma kita Kristi.

Ephésiens 4:2

Va-manda gèɗ a hai, a ndav nlüɓekwaʼa, vo-zhor skwi a ma ma, va-lèɓèslè a va kinè, ngiɗè a sam ngiɗè, te mwoy-ndo.

Ephésiens 4:32

Aman va-gu skwi a ndav amba, nlèɓèslè, ngiɗè a ngiɗè, va-pra mali ngiɗè a ngiɗè, lèmèlèmè ara Zhiklè a pra kinè malai te Kristi.

Ephésiens 5:2

Va-woy ndo, lèmèlèmè ara Kristi man a woy kinè! A mvoko va na a ri na a géɗ nga, ara skwi man a va na Zhiklè, a skwi man a zla na Zhiklè, man ambaha Zhiklè.

Colossiens 3:12

Gar haha kin ndohi man Zhiklè a mpar ta, ndohi nkezlaʼa, ndohi man a woy ta, va-feda skwi haha a va: nsi ndo te va, ndav nlüɓekwaʼa, mʼmèndè gèɗ a hai, ndav amba, nzhèr skwia dai.

Jacques 2:13

Ndo man ndo a sia te va azɓai, kita ndo man ndo a sia te va azɓai a gshèʼa. Aman nsi ndo te va a fena kita.

1 Peter 2:21

Aman Zhiklè a baha kinè a pa, te man Kristi ba a nsu matakwan te di man a kinè, a nʼngra kinè skwai, ara man kin jèjèr sam sak na.