Colossiens 3:12 - Ma Zhiklè

¹² Gar haha kin ndohi man Zhiklè a mpar ta, ndohi nkezlaʼa, ndohi man a woy ta, va-feda skwi haha a va: nsi ndo te va, ndav nlüɓekwaʼa, mʼmèndè gèɗ a hai, ndav amba, nzhèr skwia dai.

Mofa New Testament

¹² Gar haha kin ndohi man Zhiklè a mpar ta, ndohi nkezla'a, ndohi man a woy ta, vafeda skwi haha a va: nsi ndo te va, ndav nlüɓekwa'a, m'mènde gèƋ a hai, ndav amba, nzhèr skwia dai.

Colossiens 3:12 ပူးပေါင်းရင်းမြစ်များ

Esaie 42:1

Na haha ɓèl ga, man i gshè va a vna, man i ngotskoɗauda, man ndav ga a wuffè kumba a gèɗ nengaʼa. I va na Mèzhèɓ ga a gèɗ, a nengaʼa a da njè ta ma nzuraʼa a ndohi herkeda.

Esaie 45:4

I baha ka a nzlembaɗ ngaya a géɗ Jacob, ɓèl ga, a géɗ Jérusalem, man i ngotskoɗauda. I va ka nzlembaɗ mbiaʼa, man ka senyè di ɓai.

Esaie 63:15

Paka di te zhiklè, te gi ngaya nkezlaʼa, nʼnzalaʼa, a herkeda! Srak ngaya tema, wuɗi ngaya tema? Mwoy-ndo ngaya mbia tema? Nga se ka te va azɓi ɗè? Nga da se ka te va genè!

Esaie 65:22

Ta da rèm gi a ndohi ngiɗè ta nzi a pa azɓai. Ta gi gi lak a ndohi ngiɗè ta ndi nyiè azɓai. Mvi ndohi ga, a gi ara mvi wof, a ndohi man i par ta ta gi mizlinè a skwi man ri tengaʼa a ngau.

Esaie 65:9

I gi a ndohi ta shkè auda te verzi Jacob, a ndo nʼndi za ga te ndev ndohi Juda. Ndohi man i par ta ta ngècèʼa, a ɓèlèlihi ga ta nzi a pa.

Jérémie 31:20

Ephraim kra ga mbelaʼa, kra ga man i wuffè a géɗ nengaʼa, man pèc pècèk i slefiaʼa, i woya a i hérèʼa, di ɗè? Ndav ga a gudzi a géɗ nengaʼa, a siyè te va, a vava, Ndo nzi pèc pècèk a gaɗa.

Jérémie 31:3

Ndo nzi pèc pècèk a ngudoko ta va a di dra. I woy ka a ndav a mèdèp; gar haha i va ka pombai a ma ma.

Ezéchiel 16:8

A i beza a tsagi ngaya zaʼa, a i rka tiɗè sam man ta tsaka ka di ma, i kalda dawar ga a géɗ ngaya, a i nghede ka, man ka adai, a i mbaɗa ka, a nga derzla ma a ka, a ka gaʼa a skwi ga, Bi Zhiklè a gaɗa.

Matthew 24:22

Aman Zhiklè nda takossa patshi sa ɓai, ar ndo a mbélè azɓai. Aman a géɗ ndohi man Zhiklè a mpar ta, a da tokossa patshi sa.

Matthew 24:24

Aman kristihi ncèkèlma, a ndohi nhadka ma ncèkèlma ta da slèmbèɗè, a ta ngreda skwi malwuɗi mbiaʼa, a nrkedai, aman ta pèkètède ta ndohi mparahiaʼa ba, man ta slaha.

Matthew 24:31

A nengaʼa a di a zlinde ta golahi nengaʼa, a ta tsi tolom mbiaʼa, a ta ɓic ta ndohi mparahiaʼa, te tsagi herkeda faɗ, te verzi gai, ndè a verzi gi ngiɗè.

Marc 13:20

Aman Zhikiè a ntakossa patshi sa ɓai, ar ndo a mbélè azɓai. Aman a géɗ ndohi man Zhiklè a mpar ta, a ntakossa patshi sa.

Marc 13:22

Aman Kristihi ncèkèlma, a ndohi nhadka ncèkèlma ta da slèmbèɗè, a ta da ngreda skwi malwuɗai a nrkedai, man ta pèkètèdè ndohi man Zhikiè a mpar ta, man ta slaha.

Marc 13:27

Te deɓaʼa a da zlinde ta golahi nengaʼa, a ta ɓic ta ndohi man a mpar ta te tsagi herkeda faɗ, te verzi zhikiè, a ndè a verzi zhikiè ngiɗè.

Luke 1:78

a géɗ man nga si Zhiklè te va. Te nengaʼa skwi man a vangka te géɗèʼa a mshkè a sam nga,

Luke 18:7

A Zhiklè a takaha ta ndohi man a parka ta, azɓi dè, man ta tsi riaʼa a pats a vaɗ? A gi ndawali a ntakaha ta dè?

Romans 1:7

Zhiklè a woy kinè tèlèba, a baha kinè a ndohi nengaʼa nkezlaʼa: Pombai a nda kinè, a gumi te Zhiklè, Bab nga, a Bi Yèsu Kristi.

Romans 13:14

Aman va-feda Bi Yèsu Kristi a va, a kin war di va kinè, aman kin dzodzor ntétékè nengaʼa ɓai!

Romans 9:11

Aman wudahi ta ye di ɓai, a ta ga skwi man ambaɓai a skwi man amba di ɓai – ara man Zhiklè a hur a woya a ngiaʼa,

1 Corinthians 13:4

Mwoy-ndo a ndav a zhèr skwia dai, a ndav amba. Mwoy-ndo a ndav a tétékè skwi azɓai. Mwoy-ndo a ndav a grè gèɗ azɓai, a fi va azɓai,

2 Corinthians 6:6

te mɓer va, te nshin skwai, te nzhèr skwi a ma ma, a ndav amba, te Mèzhèɓ nkezlaʼa, te mwoy-ndo a ndav man a vava,

Galates 5:6

Aman te Kristi Yèsu, ko ngwon nʼngela, ko ngwon nʼngel ɓai, skwi ambalai; sèi ncè-a-ndav te mwoy-ndo.

Ephésiens 1:4

Aman te Yèsu, a mpar nga mpèrè, man herkeda nʼnge di ɓai, aman nga gi a ndohi nkezlaʼa, mali nga azɓai a sam di na, te mwoy-ndo nengaʼa,

Ephésiens 4:2

Va-manda gèɗ a hai, a ndav nlüɓekwaʼa, vo-zhor skwi a ma ma, va-lèɓèslè a va kinè, ngiɗè a sam ngiɗè, te mwoy-ndo.

Ephésiens 4:24

va-feda skwi mɓuaʼa a va, man nʼngaʼa ara Zhiklè man a woyaʼa, a ndo nzuraʼa, amba, nkezlaʼa.

Ephésiens 4:32

Aman va-gu skwi a ndav amba, nlèɓèslè, ngiɗè a ngiɗè, va-pra mali ngiɗè a ngiɗè, lèmèlèmè ara Zhiklè a pra kinè malai te Kristi.

Philippiens 1:8

Bi Zhiklè a suna, mpataka kinè a keɗyè a vata, te mwoy-ndo Yèsu Kristi.

Colossiens 3:10

A kin feda ndo mɓuaʼa a va, man a nʼnge kinè a ndo mɓuaʼa, man a sun skwi Zhiklè tèlèba.

1 Thessalonians 5:15

Va-gu maya, ko ndo staɗ da menda skwi man ambaɓai a deɓa a skwi man ambaɓi ɓai. Aman pèc pècèk va-hau a verzi skwi man amba, te ndev kinè ba, a sam ndo staɗ staɗ tèlèba.

2 Timothy 1:9

Zhiklè, nengaʼa a mʼmbel nga, a mbaha nga, a géɗ skwi man nga gu ka ɓai, aman a géɗ man a hur te ndav na, a géɗ pombi man a va nga te Yèsu Kristi, man herkeda nʼnge di ɓai.

2 Timothy 2:10

Gar haha i zuɓ skwi tèlè, a géɗ ndohi man Zhiklè a mpar ta, aman tengaʼa ba ta ndikè a sam mbelaʼa a nʼnjèlè man a ndivè azɓai a mèdèp, te Yèsu Kristi.

Titus 1:1

Paul ɓèl Zhiklè, ndo sak Yèsu Kristi, aman i de ta ndohi man Zhiklè a mpar ta, a civèɗ Zhiklè, a ta cè a ndav, a ta shin ma nzuraʼa man a de nga,

1 Peter 1:2

man Zhiklè, Bab nga, a mpar ta ara man a hur halaʼa te Mèzhèɓ nengaʼa, a ta pi ndav a nengaʼa, ta pana a pombaz Yèsu Kristi. Zhiklè da va kinè pombai a gumi kumba!

2 Peter 1:10

Gar haha, dalahimam ga, va-gu maya a vata, aman kin nzi te skwi man Zhiklè a baha kinè a pa, man a par kinè a mpèrè a pa. Aman kin gi ar haha, kin kèlèhi azɓai.

1 John 4:19

Nga woyaʼa, te man nengaʼa a nwoy nga nshèlèkuraʼa.

2 John 1:13

Wudahi demam ngaya, nengaʼa man Zhiklè a ngotskoɗauda, ta ga kinè mbalai.

Apocalypse 17:14

Ta da gi wuɗi a kra tambak, a kra tambak a da gi a ngul ta, aman nengaʼa mbiaʼa a géɗ mbibihiaʼa, bai a géɗ bihai, a ndohi man ta dzodzora, man Zhiklè a baha ta, a mpar ta mpèrè, a ta lèɓèslè, ta mbi a ngi a ngula a nda nengaʼa.