Colossiens 1:23 - Ma Zhiklè

²³ Aman sèi kin nzi taraʼa te ncè-a-ndav, a kin dè a ma ma, a kin gidè va azɓai, a kin jèkeda nzhèr ma mbelaʼa te ndav azɓai, man kin tsenaʼa, a ta njèʼa a géɗ herkeda tèlèba. Iyè Paul, i gaʼa a ndo mizlinè nengaʼa.

Mofa New Testament

²³ Aman sèi kin nzi tara'a te ncè-a-ndav, a kin dè a ma ma, a kin gidè va azɓai, a kin jèkeda nzhèr ma mbela'a te ndav azɓai, man kin tsena'a, a ta njè'a a gèƌ herkeda tèlèba. Iyè Paul, i ga'a a ndo mizlinè nenga'a.

Colossiens 1:23 ပူးပေါင်းရင်းမြစ်များ

Psaumes 125:5

Aman tengaʼa man ta bez ta zlawa a civèɗ tengaʼa ndzaraʼa, Ndo nzi pèc pècèk da zede ta a nda ndohi malihai. Gumi da zhè a géɗ Israel!

Lamentations de Jérémie 3:66

Ka da paraha ta a ndav, a ka gedas ta aussa tʼhwaɗ giɗfèk.

Ezéchiel 18:26

Aman ndo nzuraʼa a njèkeda ngi-zuraʼa nengaʼa, a gi skwi nzura ka bai, a metsi na, a metsi na a géɗ mali man a gau.

Sophonie 1:6

Ta tèlèba man ta ngwoda na deɓa a Ndo nzi pèc pècèk, a ta woy a ta tsi ri a nengaʼa ɓai.

Marc 16:15

Te deɓaʼa a ngaɗa ta: Vo-do a gèɗ herkeda tèlèba, va-njè ta ma mbelaʼa a ndohi herkeda tèlèba!

Luke 22:32

Aman iyè, i tsi ri a géɗ ngaya, aman ncè-a-ndav ngaya a ndivè azɓai. A ka, aman pats ngiɗè ka menkada deɓa, ka va ta wuɗi a kramamhi ngaya.

Luke 6:48

Nengaʼa lèmèlèmè ara ndo man a rèm gai, a ri vèvèɗ, a pi verzi gi nengaʼa a géɗ pra. A iyam mbiaʼa a hai, a tsi gai, a slaha man a mbeɗè azɓai, te man verzi nengaʼa nra amba.

Jean 15:6

Aman ndo a nzi te iyè ka ɓai, ta kaldaussa ara ri wof, a gwèr na, a ta ɓiceda vogwa, a vogwa a nʼndeda ma.

Actes 1:17

ndo nfeda ta ma a ndohi man ta gso Yèsu. Nengaʼa staɗ te va nga, a nʼngots mizlinè Zhiklè haha a nda nga.

Actes 1:25

man ka woya a ncè mizlinè Zhiklè, a mizlinè ndo sak, man Judas a njè-keda, man a nzeda nshèffè na.

Actes 1:8

Aman Mèzhèɓ Zhiklè nkezlaʼa a shkè-hai a gèɗ kinè, kin da ngècè wuɗai, a kin ndi a ndohi malwuɗihi ga te kokwar Jérusalem, te kokwar Judée tèlèba, te kokwar Samarie, ha ndè a verzi herkeda.

Actes 11:23

Nengaʼa, aman a mshkè, a nrka pombi Zhiklè, a wuffè, a bid ta tèlèba, aman ta nzi taraʼa a sam Bai Yèsu.

Actes 14:22

a ta va ta wuɗi a golahi Yèsu, a ta bid ta, aman ta nzi taraʼa te ncè-a-ndav tengaʼa. Ta gaɗa, sèi nga bi-zhè a ndev skwi man wuɗitpa kumba, ga nga dè a kokwar Bi Zhiklè.

Actes 2:5

Te kokwar Jérusalem ndohi Juif ta zhè, man ta gi zlau Zhiklè, man ta shkè te verzi ndohi herkeda tsaɗ tsaɗ.

Actes 20:24

Aman i hera ɓai, i rka nshèffè ga ara skwi mèshèlè ka ɓai, i woya man i ndeva nhi ga genè a mwuffe, a mizlinè man i ngots te ri Bi Yèsu, a i gi malwuɗi ma mbelaʼa a pombi Zhiklè.

Actes 26:16

Aman i gudko ka va a dai, aman i ge ka a ndo mizlinè ga, a ndo malwuɗi skwi tèlè man ka rkaʼa, skwi man i da ngra ka.

Actes 4:12

Skwi mʼmbel ndo te ndo ngiɗè azɓai, tʼhwaɗ giɗfèk nzlembaɗ ngiɗè azɓai, man ta vi a ndohai, aman nga mbel nga.

Romans 10:18

Aman i gaɗa: Ta tsena ɓi ɗè? Halau, ma tengaʼa nslhaʼa, a nzlazlama tʼherkeda tèlèba, ha ndè a verzi herkeda.

Romans 15:16

Pombi nengaʼa a ngyè a ndo mizlinè Yèsu Kristi te ndev ndohi nte deɓa, a i gi mizlinè Zhiklè te ma mbelaʼa, aman ndohi nte deɓa ta ndi a skwi mvi a Zhiklè, man ambaha Zhiklè, ndohi nkezlaʼa te Mèzhèɓ Zhiklè nkezlaʼa.

Romans 2:7

Nshèffè a mèdèp a sam ndohi man ta nza taraʼa te mizlinè man amba, a ta zhèr I nslébèrdè, a nʼnjèlè, a skwi man a gédèshè azɓai.

Romans 5:5

Nzhèrè te ndav a pa nga hori a di azɓai, te man mwoy-ndo Zhiklè a zhè te ndav nga te Mèzhèɓ nengaʼa nkezlaʼa man a mva nga.

1 Corinthians 15:58

Gar haha, dalahimam ga, va-nze taraʼa, kin gudzu ɓai, va-gra te mizlinè Bai Yésu pèc pècèk, te man kin suna, mizlinè kinè a gi ambali te Bai Yèsu azɓai.

1 Corinthians 3:5

Apollos wa? Paul wa? Ndohi mizlinè Zhiklè, man kin co Yèsu a ndav a sam ta, ndo staɗ staɗ ara man Bi Zhiklè a mva na.

2 Corinthians 10:1

Iyè, Paul, i bid kinè a ri ga a ndav nlüɓekwaʼa, a maya man amba te Kristi. Aman i a sam kinè, i gi huyo kokoʼa; aman i dra a sam kinè, i gèɗè a wuɗai.

2 Corinthians 11:23

Tengaʼa ndohi mizlinè Kristi – i gèɗè ara man gèɗ ga nza: I ba holholaʼa! I fen ta a mizlinè. I nza a dangai sak kumba a fena tengaʼa. Ta ndahyè holholaʼa. I beza a ndev matakwan mʼmetsai sak ngam ngam ba.

2 Corinthians 3:6

man a va nga maya, a nga gi mizlinè nderzlè-ma mɓuaʼa, a lamba ɗèlèwèr ka ɓai, aman a Mèzhèɓ. Lamba ma kita a zhidè ndo; aman Mèzhèɓ a vi nshèffè.

2 Corinthians 4:1

Gar haha a géɗ man nga ngots mizline aranta, a nga si Zhiklè te va, nga ngézhè azɓai.

2 Corinthians 6:1

Nga ndohi man nga mbi a mizlinè a nengaʼa, a nga bid kinè, kin co pombi Zhiklè ambali ɓai!

Galates 4:11

I gi zlau, i geda matakwan a va ga a sam kinè ambalai.

Galates 5:5

Nga zhèr ngi-zuraʼa te ndav. Aman sèi nga zhèrèʼa te Mèzhèɓ a ncè-a-ndav.

Galates 5:7

Kin hüno amba amba. Nzlatsede kinè a hi wa, a kin fi gèɗ a ma nzuraʼa azɓai?

Galates 6:9

Ngo-gokoy skwi man amba, a nga ngézhè azɓai. Aman nga jèkeda ɓai, a pats nasa a di nga da ɓicè skwai.

Ephésiens 1:18

Da wina di kinè, aman kin shin skwi man kin zhèrè te ndav, man a baha kinè a pa, a nʼnjèl skwi Zhiklè mbiaʼa man kin da ngècèʼa man a va ta ndohi nengaʼa.

Ephésiens 2:21

A géɗ nengaʼa gi tèlèba a grè a ma ma. Nengaʼa a gshèʼa, aman a gi a gi Zhiklè nkezlaʼa te Bai Yèsu.

Ephésiens 3:17

Aman Kristi da nza te ndav kinè te ncè-a-ndav, a mwoy-ndo kinè a gi ara zluzlor man a gidè azɓai gedeng-gedengaʼa.

Ephésiens 4:16

Nengaʼa a gshè va tèlèba, a nfèfènva staɗ a nkèlè ma a nfèfènva ngiɗè, a dérzlè gèɗ vatasl, a nfè-fènva staɗ staɗ tèlèba ta tèkè a va, ara man ta slaha, a va a grè a ma ma, a ɗizlè va na a ri na, te mwoy-ndo.

Deutéronome 2:25

I da pa ta zlau a gèɗ a ndohi a géɗ herkeda tèlèba, a ta gudzi a sam ngaya. Aman ta da tsena labar ma ngaya, ta da gi zlau a ta gudzi langa.

Deutéronome 4:19

Skwi te giɗfèk tèièba, ara pats, kia, bantihai, skwi a giɗfèk tèièba, da pe kinè a wi ɓai, kin tsu ri a tengaʼa ɓai, kin gurɓahi a sam ta ɓai! Ndo nzi pèc pècèk Zhiklè kinè a ngeda a giɗfèk a gèɗ ndohi herkeda tèlèba.

Colossiens 1:25

I gaʼa a ndo mizlinè tengaʼa, ara Zhiklè man a huro, a mvay a rai, a géɗ kinè, aman i ngreda ma Zhiklè tèlèba.

Colossiens 2:7

Ncè-a-ndav kinè da ga ara zluzlor gedeng-gedengaʼa, a kin dè a ma ma, a kin nzi dai te pa, ara man ta njè kinè. Va-shüd gèɗ a géɗ nengaʼa kumba!

1 Thessalonians 3:3

Ko staɗ da ngeza ɓai te matakwan haha! Aman kin suna, sèi nga si matakwan ndèzl.

1 Thessalonians 3:5

Gar haha i slaha a i ɗishè a ma ma asaɓai, a i zlindè a sam kinè, aman i cinè ma ncè-a-ndav kinè: ndo mpi ndo a wai a pe kinè a wi ɗè, nga gu mizlinè ambali ɗè?

1 Thessalonians 5:8

Aman nga, ndohi pats, nga da nza a zom te gèɗ ɓai, Slarba man a ndav, nengaʼa ncè-a-ndav a mwoy-ndo; a dzokwom te gèɗ, nengaʼa skwi mʼmbel nga man nga zhèrè te ndav.

2 Thessalonians 2:16

Aman nengaʼa, Bi nga Yèsu Kristi, a Zhiklè, Bab nga, man a woy nga a ndav na, a va nga skwi mbid nga man a nzi dai a mèdèp, a skwi man nga zhèrè te ndav,

1 Timothy 1:12

I shid gèɗ a Kristi Yèsu, Bi nga, nengaʼa man a mvay wuɗai, te man a rkayè, i lèɓèslèʼa, aman a vay mizlinè nengaʼa.

1 Timothy 2:7

Ta fiyè a ndo njè ma Zhiklè, a ndo sak, aman i senda ta ncè-a-ndav a ma nzuraʼa a ndohi herkeda – i gèɗè zuraʼa, i cèkèlma azɓai.

1 Timothy 3:16

Skwi man nʼngheda a civèɗ Zhiklè, skwi mbiaʼa a vava: Zhiklè a ngudko va a dai ara ndo, a nʼngreda auda zuraʼa te Mèzhèɓ Zhiklè, a ngudoko ta va a dai a golahi Zhiklè. Ta njo nengaʼa a sam ndohi herkeda, a ndohi herkeda ta co a ndav, a Zhiklè a ndaʼa a sam nʼnjèl nengaʼa.

Titus 3:7

Aman te pombi nengaʼa nga ngots ngi-zuraʼa, nga gaʼa a ndohi nʼndi nshèffe a mèdèp, te nzhèrè te ndav.

Hébreux 10:38

Aman ndo nzuraʼa a sam di ga, a da nzi a nshèffè a géɗ ncè-a-ndav. Aman ndo man a men na a deɓa, ambahayè ɓai.

Hébreux 3:14

Aman nga gaʼa a ndohi man nga humda a nda Kristi, aman sèi man ndav nga a pa pèc pècèk taraʼa, te nhinkaɗ skwai, a ndè a ma ma ha nʼndikèma skwai.

Hébreux 3:6

Aman Kristi nlèɓèslèʼa, nengaʼa kra gi nengaʼa. Nga, gi nengaʼa, aman nga gshè va a nʼnjèl skwi man nga zhèrè te ndav, a nga fi gèɗ a vna, ha ndikèmaʼa.

Hébreux 4:14

Aman nga ngots bi ndohi mvi skwi a Zhiklè aranta, Yèsu, kra Bi Zhiklè, man a beza a ndev zhiklè te géɗèʼa, ngo-gsokoy va a ma Zhiklè nga!

Hébreux 6:19

A nengaʼa nga ngots skwi ngsa nga ndav nga zuraʼa, man a ngwèdè va azɓai, a bazla civèɗ a maslaka ntamagai a sam nkezlaʼa,

1 Peter 1:3

Susai a Zhiklè, Bab Bi nga Yèsu Kristi, man nga su te va, man a yeka nga macecèwaʼa a nshèffè te nslambaɗkaɗ Yèsu Kristi auda te ndev ndohi mʼmetsaʼa; te nzhèrè te ndav,

1 Peter 1:5

a kinè man a géɗ ncè-a-ndav, wuɗi Zhiklè a ɓer kinè a sam mʼmbel ndo, man ntila, man a di a gudko va a dai a pats ndikèma skwai.

1 John 2:27

A Mèzhèɓ Zhiklè man kin ngotso te ri nengaʼa a nzi a sam kinè; ko man ndo ngiɗè a slebda kinè ɓai, Mèzhèɓ man kin ngotso a senda kinè skwi tèlèba, zuraʼa, ncèkèlma ka ɓai. Ara man Mèzhèɓ Zhiklè a senda kinè, va-nza te nengaʼa!

Apocalypse 2:10

Ka gu zlau matakwan man ka da sia ɓai! Na haha bi madzagai a da pe ta matrehiaʼa te ndev kinè a dangai, aman a jkédè kinè, a kin si matakwan mʼmèn kula. Nza a nlèɓèslè, ha ka metsi ngaya, a i da va ka mpèɗè gèɗ nshèffè.