Colossiens 1:14 - Ma Zhiklè

¹⁴ te nengaʼa gèɗ nga mpela, mali nga mpraʼa.

Mofa New Testament

¹⁴ te nenga'a gèƋ nga mpela, mali nga mpra'a.

Colossiens 1:14 ပူးပေါင်းရင်းမြစ်များ

Psaumes 130:4

Aman ka, ka prè malai, a ndohi ta gi hu-yokokoʼa a sam ngaya.

Matthew 20:28

Lèmèlèmè kra-ndo a mshkè aman ndohi ta takaha ka ɓai; a mshkè, aman a takaha ta ndohai, a vi nshèffè nengaʼa a skwi mpil gèɗ a géɗ ndohi kumba.

Luke 5:20

Aman Yèsu a rka, ara man ta co a ndav ta, a ngaɗa na: Masli ga, malihi ngaya ta pra ma!

Actes 10:43

Ndohi nhadka ma tèlèba ta gu malwuɗi a géɗ nengaʼa: te nzlembaɗ na mali ndohi tèlèba man ta co a ndav, mpraʼa.

Actes 2:38

A Pierre a ngaɗa ta: Va-ngwoda ndav kinè, va-gu baptême staɗ staɗ tèlèba a nzlembaɗ Yèsu Kristi a mpra mali kinè, a kin ngècè Mèzhèɓ Zhiklè nkezlaʼa.

Actes 20:28

Anai sèi kin gi maya a géɗ va kinè, a géɗ rèwè tèlèba, te ndev tengaʼa Mèzhèɓ Zhiklè nkezlaʼa a nʼnge kinè a ndohi nwar ta, aman kin wèr mpi ndohi Zhiklè, man a sumkaɗa deɓa a Pombaz va nengaʼa.

Actes 26:18

A ka winè di tengaʼa, aman ta menkada deɓa te ruva a sam skwi nhel sam, te wuɗi-bi madzagai a sam Bi Zhiklè, aman ta ngècè mprè mali tengaʼa, a skwi nʼndi gai a nda tengahi tèlèba, man Zhiklè a kezla ta te ncè Zhiklè a ndav.

1 Corinthians 1:30

Kinè a zhè te Yèsu Kristi a géɗ Bi Zhiklè, aman Yèsu a ngi a maya nga, a ge nga a ndohi nzuraʼa, a kezla ndav nga, a Preka nga auda;

Galates 3:13

Aman Kristi a mpreka nga auda te ma kita Zhiklè man a phomde nga, a géɗ man a gaʼa a skwi mphomdaʼa a géɗ nga, ara ɗèlèwèr Zhiklè a gaɗa: Ndo man ta ktsala, mphomda.

Ephésiens 1:7

Yèsu a mpela gèɗ nga a Pombaz na, a mpra nga malai te pombi nengaʼa mbiaʼa,

Ephésiens 4:32

Aman va-gu skwi a ndav amba, nlèɓèslè, ngiɗè a ngiɗè, va-pra mali ngiɗè a ngiɗè, lèmèlèmè ara Zhiklè a pra kinè malai te Kristi.

Ephésiens 5:2

Va-woy ndo, lèmèlèmè ara Kristi man a woy kinè! A mvoko va na a ri na a géɗ nga, ara skwi man a va na Zhiklè, a skwi man a zla na Zhiklè, man ambaha Zhiklè.

Colossiens 2:13

A va kinè nshèffè a nda nengaʼa, kinè man halaʼa kinè ndohi mʼmetsa te ri malai, man ndav kinè ntil ɓai, a mpra nga malai te pombi na.

Colossiens 3:13

Va-lèɓèslè a va kinè, ngiɗè a sam ngiɗè, va-pra malai, ngiɗè a ngiɗè, man ma a zhè te ndev kinè. Lèmèlèmè ara Bi Zhiklè a mpra kinè malai, va-gu lèmèlèmè.

1 Timothy 2:6

Nengaʼa a mvau va na a skwi mpil gèɗ nga tèlèba. Nasa skwi malwuɗai, man nʼndika na ma a sama ma.

Titus 2:14

Yèsu, man a vau va na a géɗ nga, aman a preka nga auda te mali tèlèba, a pènè ndav ndohi nengaʼa, a ta gi gazawa a géɗ mizlinè man amba.

Hébreux 9:12

A mbeza a pa a sam nkezlaʼa sak staɗ, te deɓaʼa klèng; a Pombaz ɓok a wud zlè ka ɓai, aman a Pombaz va nengaʼa, a nʼngatsa nga skwi mʼmbel nga a mèdèp.

Hébreux 9:22

Aman te ma kita, njèkè kèshkata a ngi skwi tèlèba, Pombaz a pènèʼa. Aman pombaz mbadahi ɓai, mprè mali azɓai.

1 Peter 3:18

Aman Kristi ba a mʼmets na a géɗ malihai, sak staɗgenè. Ndo nzuraʼa te di man a ndohi nzura ka ɓai, aman a de nga a sam Zhiklè. Ndohi ta keɗa va nengaʼa; aman Zhiklè a mva na nshèffè te Mèzhèɓ.

1 John 1:9

Aman nga ngreda mali nga auda, nengaʼa nlèɓèslèa a nzuraʼa, aman a pra nga mali nga, a pan nga te skwi man nzura ka ɓai tèlèba.

1 John 2:12

Wudahi ga, i windè kinè, te man malihi kinè ta pra ma, a géɗ nzlembaɗ nengaʼa.

1 John 2:2

Nengaʼa skwi mpil gèɗ malihi nga, malihi nga genè ka ɓai, aman mali herkeda tèlèba.

Apocalypse 1:5

te Yèsu Kristi, ndo malwuɗi nzuraʼa, tsuvomaʼa te nslambaɗkaɗauda te va ndohi mʼmetsaʼa, bai a géɗ bihi herkeda. Nengaʼa man a woy nga a ndav na, a mpreka nga auda te mali nga a Pombaz nengaʼa,

Apocalypse 14:4

Nasa ndohi man ta lizha va ta a ngwozi ɓai, a ta ɓür va ta, ta sossur ɓai, a ta dè a verzi kra tambak a sam tèlè man a dè a pa. Ndohi haha ta sumka ta a deɓa te va ndohai, a tsuvomhi Zhiklè, a tsuvomhi kra tambak.

Apocalypse 5:9

A ta slu dimèsh mɓuaʼa, a ta gaɗa: Ka amba, ka slaha a ka cè ɗèlèwèr, a ka pelasla skwi mpizlè ntkotsaʼa, a géɗ man ta zlama ka daʼai, ka sumka ta ndohi te verzi tsaɗ tsaɗ, a daʼai ta tsaɗ tsaɗ, ndohi kokwar a ndohi herkeda tsaɗ tsaɗ tèlèba a deɓa a Zhiklè, a Pombaz ngaya,