Colossiens 1:10 - Ma Zhiklè

¹⁰ a kin nzi ara man Bai Yèsu a woyaʼa, ara man ambaha, pèc pècèk, a skwi man amba staɗ staɗ tèlèba, a shkè auda te mizlinè kine, a kin grè a ma ma te nshin Zhiklè;

Mofa New Testament

¹⁰ a kin nzi ara man Bai Yèsu a woya'a, ara man ambaba, pèc pècèk, a skwi man amba staƋ staƋ tèlèba, a shkè auda te mizlinè kine, a kin grè a ma ma te nshin Zhiklè;

Colossiens 1:10 ပူးပေါင်းရင်းမြစ်များ

Proverbes 16:7

Aman Ndo nzi pèc pècèk a wuffè a gèɗ civèɗ ndo ngiɗè, a gi aman ko mayamhi nengaʼa ta tsi gumi a vna.

Esaie 53:11

A géɗ man a ngeza te matakwan, a da wuffè. Matakwan nengaʼa, ɓèl ga, ndo nzuraʼa, a va ta ngi-zuraʼa a ndohi kumba, a da zhüɓ mali tengaʼa.

Daniel 12:4

Ka Daniel, ngheda ma haha, pizleda ɗèlèwèr a pa, ha pats nʼndikèma skwai. Ta kumba ta da wuzhèʼa, a ta ngècè maya te pa.

Michée 4:5

Ndohi herkeda tèlèba ta jèjèr zhi-klèhi ta. Aman nga, nga jèjèr Ndo nzi pèc pècèk a mèdèp.

Habakuk 2:14

Aman nshin nʼnjèl Ndo nzi pèc pècèk a da ndhè herkeda, ara iyam man a ndha te woyam mbiaʼa.

Jean 15:16

Kinè nʼngatskayè auda ka ɓai. Aman i par kinè, a i ge kinè, aman nyi nshèffè kinè da zhè, a nyi nshèffè kinè a nzi dai, a skwi ko mèmè kin jhèɗè te ri Bab ga a nzlembaɗ ga, a da va kinè.

Jean 15:8

Gar haha nʼnjèl Bab ga, aman nyi nshèffè kinè a zhè kumba, a kin ndi a golahi ga.

Jean 17:3

Na haha nshèffè a mèdèp, aman ta sen ka, ka Zhiklè nzuraʼa staɗgenè, a nengaʼa man ka zlündo, Yèsu Kristi.

Romans 1:13

I woya aman kin suna, dalahimam ga: pats ngiɗè i huro i gaɗa i dè a sam kinè, aman i ngècè skwi ntul mizlinè ga a sam kinè ba, lèmèlèmè ara man a sam ndohi herkeda ngiɗè; aman i ngatsa ria di ɓai.

Romans 4:12

Lèmèlèmè nʼngaʼa a bab ndohi man ngwon nʼngela, ndohi man ta hér nʼngél ngwon genè ka ɓai, aman ta jèjèr ncè-a-ndav man a zhè halaʼa te Abraham, bab nga, aman a ngela ngwon di ɓai.

Romans 6:4

Gar haha te baptême, nara man ta re nga a vèvèɗ a nda nengaʼa. Aman lèmèlèmè ara Kristi a nslambaɗkaɗauda te va ndohi mʼmetsaʼa, a sam nʼnjèl Bab na, lèmèlèmè nga, sèi nga dè te nshèffè mɓuaʼa.

2 Corinthians 2:14

Nga shid gèɗ a Zhiklè, aman nga tsi sabi pèc pècèk te Kristi, a nshin nengaʼa a zhkè hongaʼa a sam tèlèba te nga.

2 Corinthians 4:6

Aman Zhiklè man a ngaɗa na skwi nhél sam: Hulko gèɗ auda te ruva! Nengaʼa a nhul sam te ndav nga, aman te nga, sam nhelaʼa a ngrédè auda, a nga slaha a nga shin nʼnjèl Zhiklè a sam di Yèsu Kristi.

2 Corinthians 5:9

A géɗ nasa nga gi maya maya, aman nga nzi a nshèffè ara man ambaha Zhiklè, ko nga te ngwi ma, ko nga te va nga haha dai.

2 Corinthians 9:8

Zhiklè a slaha a va kinè pombai a vata ba, aman te skwi tèlèba kin ngézhè, a kin ngots skwi mèshèlè, a kin slaha kin gi mizlinè man amba a vna,

Ephésiens 1:17

Zhiklè Bi nga Yèsu Kristi, Bab nʼnjèlè, da va kinè Mèzhèɓ nshin maya, da ngreda kine skwi auda, te nshin nengaʼa.

Ephésiens 2:10

Aman nga skwi ri na, nʼngaʼa te Yèsu Kristi, aman nga gi mizlinè man amba, man Zhiklè a ntila nshèlèkuraʼa, a woya a nga giaʼa.

Ephésiens 4:1

Gar haha i fa kinè ma a gèɗ, iyè ndo dangai a géɗ Bai Yèsu: Va-nza a maya, ara man kin njèl Zhiklè man a baha kinè.

Ephésiens 4:13

ha nga tèlèba nga staɗ te ncè-a-ndav, te nshin kra Zhiklè; a nga ga a ndo nshfaʼa, man skwi Kristi tèlèba nʼngaʼa jèlalaʼa a sam nengaʼa.

Ephésiens 5:10

Va-wor skwi man ambaha Bi Zhiklè!

Ephésiens 5:15

Gar haha, va-gu maya a géɗ nshèffè kinè, ara ndohi nrzla ka ɓai, aman ara ndohi maya.

Ephésiens 5:2

Va-woy ndo, lèmèlèmè ara Kristi man a woy kinè! A mvoko va na a ri na a géɗ nga, ara skwi man a va na Zhiklè, a skwi man a zla na Zhiklè, man ambaha Zhiklè.

Philippiens 1:11

a nyiè kinè ngutsuɓaʼa te ngi-zuraʼa man a shkè te Yèsu Kristi, a da zhè a nslébèrdè a nshid gèɗ a Bi Zhiklè a vna.

Philippiens 1:27

Va-nza a maya te nshèffè kinè, aman kin nzala ma mbelaʼa te Kristi! Ko i dè a i rka kinè, ko i az a sam kinè ɓai, i da tsena ma kinè, kin nzi taraʼa te Mèzhèɓ nstaɗ, a kin gi var a nda nga a ndav staɗ, a géɗ ncè ma mbelaʼa a ndav.

Philippiens 4:18

Aman antanta i ngreda kinè, ara man i ngots skwi tèlèba, kumba, a njèkèɗiaʼa a zhè. I tèkwèn skwi asaɓai, a géɗ skwi kinè man amba, man i ngots te ri Epaphrodite: ara skwi man kin va na Zhiklè man a wuffè a gèɗèʼa, ambaha, man a cèʼa.

Colossiens 2:19

Nengaʼa a gsa va a Kristi, man gèɗ, ka ɓai. A géɗ Kristi, va ngsa zuraʼa, a nderzlè gèɗ vatasl a marhi ba, a va a ngrè amba amba, ara man Zhiklè a woyaʼa.

Colossiens 2:6

Ara man kin co Bai Yèsu Kristi, vo-do a ma ma te nengaʼa!

Colossiens 3:20

Kinè wudahai, va-tsena ma bab a mam kinè te skwi tèlèba; aman kin gi arsa, ambaha Bi Zhiklè.

Colossiens 4:5

Va-nza a maya a sam di ndohi nte deɓa, va-hera na gèɗ a va mizlinè pèc pècèk!

1 Thessalonians 2:12

A nga fa kinè ma a gèɗ, aman sèi kin nza a kin nzala Bi Zhiklè, man a baha kinè a sam kokwar-Bi nengaʼa, a sam nʼnjèl nengaʼa.

1 Thessalonians 4:1

A vaʼa, dalahimam nga, nga bid kinè, nga fa kinè ma a gèɗ, te Bai Yèsu: Ara man kin ngotso a sam nga, vo-do arsa, ambaha Zhiklè. Skwi man kin giaʼa, va-gu holholaʼa a ma ma.

2 Timothy 2:4

Aman ndo var man amba, a hér gèɗ ngwi na azɓai, aman a hér skwi man ambaha ndo nkworo.

Titus 3:1

Fa ta ma a gèɗ, aman ta manda gèɗ ta a hai a sam bihai a gomnahai, a ta fi gèɗ a ma tengaʼa, a ta gi mizlinè man amba tèlèba,

Titus 3:14

A woy ndohi nga ba da slebau, da gu mizlinè man amba, a ta takaha ta ndohi ngiɗè a vna, a skwi mbelaʼa a shkè auda te ncè-a-ndav tengaʼa.

Hébreux 11:5

A géɗ ncè-a-ndav, Zhiklè a nco Enoch, mʼmetsahi ɓai, a ta ngatsa a géɗ herkeda ɓai, aman Zhiklè a mco. Ga Zhiklè a ncèʼa, a nʼngra na, ka ambahayè.

Hébreux 13:16

Mvi skwai, a ngi skwi man amba a sam ndohi ngiɗè, da pca kinè a gèɗ ɓai; aman mvi skwi arsa, ambaha Zhiklè.

Hébreux 13:21

da va kinè maya, aman te skwi man amba tèlèba kin gi ara man a woyaʼa. Da gu skwi man ambaha te ndav nga, te Yèsu Kristi. A Yèsu, nʼnjèlè pèc pècèk a mèdèp. Amen.

2 Peter 1:8

Aman skwihi haha a sam kinè, a kin ngots tèlèba a vata, ta ɓir kinè, aman kin nzi a deli azɓai, aman kin gi a dèngwèr azɓai, te nshin Bi nga Yèsu Kristi.

2 Peter 3:18

Va-gra a ma ma te pombai, te nshin Bi nga a Ndo mʼmbel nga Yèsu Kristi. Nʼnjèlè a nengaʼa antanta, a ma ma, a mèdèp! Amen!

1 John 3:22

a skwi ko mèmè man nga jhèɗèʼa, nga ngècèʼa te ri nengaʼa, a géɗ man nga fi gèɗ a ma nkwèr nengaʼa, a nga gi skwi man ambaha.

1 John 5:20

Aman nga suna, kra Zhiklè a mshkè, a mva nga maya, aman nga sun nengaʼa, man nzuraʼa a vava. Nga te nengaʼa man nzuraʼa a vava, te Yèsu Kristi, kra nengaʼa. Nengaʼa Zhiklè nzuraʼa, nengaʼa nshèffè a mèdèp.

3 John 1:6

Ta ngreda mwoy-ndo ngaya a sam di mpi ndohi Zhiklè. Ka gi amba, aman ka feda ta ma, ara man ambaha Zhiklè.