Apocalypse 9:21 - Ma Zhiklè

²¹ A ta ngwodko ndav ta ɓai te nkéɗ ndo, mʼmbèh skwai, mphömè ta, a metsar ta.

Mofa New Testament

²¹ A ta ngwodko ndav ta ɓai te nkéƌ ndo, m'mbèh skwai, mphömè ta, a metsar ta.

Apocalypse 9:21 ပူးပေါင်းရင်းမြစ်များ

Esaie 47:12

Washkè a mpi kwa ngaya, a mʼmbèh skwi ngaya tèlèba, man ka gu wuɗi a géɗèʼa te gol ngaya. Gar ta slaha a ta takaha ka, gar ta slaha a ta va ka wuɗai.

Esaie 47:9

Skwi ncèw haha a da gi a sam ngaya a pats staɗ: ka delai, ka da ndi a ngwoz mazai, tèlè a gi a sam ngaya, ko ka mbèh skwi kumba, ko ka pi kwa kumba.

Esaie 57:3

Aman kinè, wud ngwoz ngwozla, verzi ndohi mphömè, verzi fali dam, vo-washkè!

Daniel 11:33

Te va ndohi man maya ta a zhè, ta ngatsa ta maya a ndohi ngiɗè. Aman nʼnzi kètè, matakwan a da ga ta: tsakwal a bazl ta, a vogwa, a ɓèlè, a metsar.

Mal. 3:5

I herdeka kinè va a i gi kita, a i gi a ndo malwuɗi nwoslaʼa a géɗ ndohi mʼmbèh skwai, a géɗ ndohi mphömè, a géɗ ndohi mʼmbèɗè a ncèkèlma, a géɗ ndohi man ta ga ta matakwan a ndohi mizlinè ta, a ngwozi mazihai, a wud dikai, ndo mbrok, a géɗ ndohi tèlèba man ta gi zlau ga azɓai, Zhiklè bi mbiaʼa a gaɗa.

Matthew 15:19

Te ndav ndo, skwi ambaɓai man a hérèʼa a shkè auda: nked ndo, mphömè, nda ngwoz a nguraʼa ta gi baki a dala, ngi metsar, malwuɗi ncèkèlma, ntsi derngasl.

2 Corinthians 12:21

I gi zlau man i dè zaʼa, Zhiklè a da pay hori a dai a sam kinè, a i lèyè a gèɗ ndohi kumba, man ta gu malai te va nasa, a ta ngwode ndav ta ɓai, a géɗ skwi man ta lizha va ta a vna, man ta beza zlawa a ta gu mphömè.

Galates 5:20

ngi vrai, mʼmbèh skwai, ngi mayam, ngi ndav, srak, ndzoan, mbèzl va, tiflè man a kezla ta ndohai, njèjèr ma civèɗ Zhiklè ngiɗè,

Apocalypse 13:13

A nʼngreda skwi mbiaʼa tsaɗ tsaɗ, a gi aman vogwa a kalkaɗahai te zhiklè a géɗ herkeda, a sam di ndohai.

Apocalypse 13:15

A ta gu aman mèzhèɓ skwi dak a shèffè, a slaha a ngèɗè, a ngi aman ta bazl ta ndohi tèlèba man ta tsi ri a mèzhèɓ skwi dak azɓai.

Apocalypse 13:7

A ta va na wuɗi-bai, aman a gi var a shèwa a ndohi Zhiklè, aman a gi a ngul ta. A ta va na wuɗai a géɗ verzi ndohi tèlèba, a ndohi kokwar, a ndohi a daʼai ta tsaɗ tsaɗ, a ndohi herkeda tèlèba.

Apocalypse 14:8

A gol Zhiklè macecèwaʼa a ndzudzorko te deɓa, a ngaɗa: Babylone, kokwar mbiaʼa, mʼmbeɗ na; aman nengaʼa a ngu aman ndohi herkeda tèlèba ta sau skwi nsi ndzoan a mphömè nengaʼa.

Apocalypse 16:6

Tengaʼa sa a mbada Pombaz ndohi nhadka ma; a ka, ka va ta Pombaz aman a ta siaʼa. Amba aman ta ngotso arsa.

Apocalypse 17:2

man bihi herkeda ta gu mphömè a vna. Mphömè man ta gu a vna a nkeɗ ta ara zom.

Apocalypse 17:4

Ngwoz a maslaka nduzoa a vèvèzh a va, mbè te pa a guro a kwahi mbelaʼa, a skwi ngiɗè ara jimkaya, a kokwi guro te rai, nʼndha a skwi man a ndèrè ndo, a skwi nlizhèʼa a mphömè na.

Apocalypse 17:5

A medi nengaʼa mwindèʼa nzlembaɗ ngiɗè, man ndo a sun verzia ɓai: Babylone mbiaʼa, mam mphömè, mam skwi tèlèba man a ndèrè ndo a géɗ herkeda.

Apocalypse 18:3

Aman ndohi herkeda tèlèba ta sau skwi mphömè nengaʼa, a bihi herkeda ta gu mphömè a nengaʼa, a ndohi gani tʼherkeda ta gu a ndohi mèshèlè te nwèl va nengaʼa.

Apocalypse 19:2

Aman kita nengaʼa amba zuraʼa, aman a ga na kita a gèɗ a ngwoz mphömè mbiaʼa, man a gedassa herkeda a mphömè nengaʼa, a pil ɓèlèlihi nengaʼa man a bazlaʼa, a ri na.

Apocalypse 21:8

Aman ndohi zlau, a ndohi man ta ca a ndav ɓai, a metsarhai, a ndohi nkéɗè ndo, a ndohi mphömè, a ndohi mʼmbèh skwai, a ndohi vrai, a ndohi ncèkèlma tèlèba, skwi man ta ngècèʼa nte vèvèɗ vogwa, man vogwa a skwi nvècè vogwa te pa: nasa mʼmetsi macecèwaʼa.

Apocalypse 22:15

Kdadihai, ndohi mʼmbèh skwai, ndohi mphömè, ndohi nkeɗ ndo, ndohi vrai, ndo staɗ staɗ tèlèba man a cèkèlma te ngèɗè, te skwi man ta giaʼa, ta tʼuda.

Apocalypse 9:20

Njèkèɗi ndohi man ta bazl ta ɓai a skwi ngedassa haha, ta ngwode ndav ta ɓai a ta gu skwi ta genè, a ta jèka ntsi ri a bi mazdagi ɓai; ta tsu ri a zhiklèhi man ta gu a guro, a verzhègenè, a züdo, a kwa, a wof, man ta rka di ɓi genè, man ta tsena zlembaɗ ɓai, ta dè a sak azɓai.