Apocalypse 8:12 - Ma Zhiklè

¹² A gol Zhiklè mafaɗaʼa a ntsu tolom: a ntsu pats man ta kezla makar, a kia a bantihai man ta kezla makar, a ta ngwode ta a ruva. Ko pats ko vaɗ man ta kezla makar, a nze na.

Mofa New Testament

¹² A gol Zhiklè mafaƋa'a a ntsu tolom: a ntsu pats man ta kezla makar, a kia a bantihai man ta kezla makar, a ta ngwode ta a ruva. Ko pats ko vaƌ man ta kezla makar, a nze na.

Apocalypse 8:12 ပူးပေါင်းရင်းမြစ်များ

Esaie 13:10

Bantihai te giɗfèk a ntèkocèk ba ta hél sam asaɓai. Pats a shkè auda, a hél sam asaɓai, kia ba a hél sam asaɓai.

Esaie 24:23

Kia a gi hori a ndo na tibèr; pats a nde na zhiklè syem. A Ndo nzi pèc pècèk a gi ɓai a géɗ za Sion, a gi ɓai te kokwar Jérusalem. A nʼnjèlè a zhè a sam di ndohi nengaʼa nhalaʼa.

Jérémie 4:23

I pu di a herkeda, ntil ɓai kurndazlndazlaʼa. I pu di a zhiklè, aman skwi nhél sam na asaɓai.

Joel 2:10

Herkeda a gudzai a ma tengaʼa, giɗfèk a gidè va, pats a kia ta nde ta a ruva, bantihai ta hel sam azɓai.

Joel 2:31

Pats a da ngwèdè va na a ruva, a kia a da ngwèdè va na a Pombaz; te deɓaʼa pats kita Ndo nzi pèc pècèk a shkè, pats mbiaʼa, mwuɗitpa.

Joel 3:15

Pats a kia ta nde ta a ruva, a bantihai ta hél sam asaɓai.

Amos 8:9

A pats nasa a da gi, a pats a kèlè a géɗ pats, Bi Zhiklè Ndo nzi pèc pècèk a gaɗa. A ruva a gi a géɗ herkeda man pats tʼuda.

Matthew 24:29

Te deɓ matakwan sa, a nasa nasa pats a dè na zhiklè, a kia a hel sam asaɓai, a bantihai ta wush ta hai, a wuɗi te zhiklè te géɗèʼa a wurɗeko va.

Matthew 27:45

Aman a géɗ pats, ruva a ngau a géɗ herkeda tèlèba, ha pats tsafkata.

Marc 13:24

Te ndev nasa, te deɓ matakwan, pats a dè na a zhikiè, a kia a hél sam asaɓai,

Marc 15:33

A gèɗ pats, ruva a ngau a géɗ herkeda tèlèba, ha pats tsafkata. A pats tsafkata Yèsu a mboho a wuɗai:

Luke 21:25

Te va pats, a kia, a bantihai, skwi ngiɗè a rkè, a ndohi a géɗ herkeda ta da gi zlau, a ta sun man ta gia ɓai. Woyam mbiaʼa a da hubètè, a gi tskuduf-tskudufaʼa,

Actes 2:20

Pats a da ngwèdè va na a ruva, a kia a da ngwèdè va na a Pombaz; te deɓaʼa pats kita Bi Zhiklè a shkè, pats mbiaʼa a nʼnjèlè.

2 Corinthians 4:4

a sam ndohi man ta ca a ndav ɓai, man madzagai a pizlèma ta di ta a ruva, aman ta slaha a ta rka skwi nhél sam man a zhè te ma mbelaʼa te nʼnjèlè Kristi ɓai. Kristi, nengaʼa va Zhiklè.

Apocalypse 12:4

Hutor na a mpatseda bantihi te zhiklè, man ta kezla makar aussa, a nwushede ta a hai a herkeda. A skwi man nara kedam matsa a nzlatsa a sam ngwoz man a ɗish va, a woya a ndeda kra man a da yiaʼa a ma.

Apocalypse 16:10

A gol Zhiklè mazlamaʼa a mbada kokwi na a géɗ sam nʼnzi bi skwi dak. A kokwar-bi nengaʼa a nʼnde na a ruva, a ta jè nèʼèn ta te skwi ndza ta,

Apocalypse 6:12

A i rkaʼa: man a mpelasla skwi mpizlè ntkotsaʼa mamokwaʼa, herkeda a ngudzau kumba, pats a nʼnde na a ruva téɗèɗikɗikaʼa, a ki a nʼnde na a Pombaz,

Apocalypse 9:15

A ta pre ta golahi Zhiklè faɗ man ta tila a samaʼa, a patsaʼa, a ki sa, a vi sa, aman ta bazl ta ndohi herkeda, man ta kezla makar.

Apocalypse 9:18

A skwi ngedassa makar haha, ndohi herkeda man ta kezla makar, ta bazl ta te va vogwa a vodzok a skwi nvècè vogwa, man a shkè auda te ma tengaʼa.