Apocalypse 5:9 - Ma Zhiklè

⁹ A ta slu dimèsh mɓuaʼa, a ta gaɗa: Ka amba, ka slaha a ka cè ɗèlèwèr, a ka pelasla skwi mpizlè ntkotsaʼa, a géɗ man ta zlama ka daʼai, ka sumka ta ndohi te verzi tsaɗ tsaɗ, a daʼai ta tsaɗ tsaɗ, ndohi kokwar a ndohi herkeda tsaɗ tsaɗ tèlèba a deɓa a Zhiklè, a Pombaz ngaya,

Mofa New Testament

⁹ A ta slu dimèsh mɓua"a, a ta gaƋa: Ka amba, ka slaha a ka cè Ƌèlèwèr, a ka pelasla skwi mpizlè ntkotsa'a, agèƋ man tazlama kaƋa"ai, ka sumka ta ndohi te verzi tsaƋ tsaƋ, a da"ai ta tsaƋ tsaƋ, ndohi kokwar a ndohi herkeda tsaƋ tsaƋ tèlèba a deɓa a Zhiklè, a pombaz ngaya,

Apocalypse 5:9 ပူးပေါင်းရင်းမြစ်များ

Psaumes 144:9

Bi Zhiklè, i woy a i sla ka dimèsh mɓuaʼa, i sli a deɓ ganzavar man mar a pa 10;

Psaumes 149:1

Alléluia! Va-slu dimèsh mɓuaʼa a Ndo nzi pèc pècèk, mpi ndohi Zhiklè tèlèba da slau nengaʼa!

Psaumes 33:3

Va-sla na dimèsh mɓuaʼa, vo-kol ganga nkèlè!

Psaumes 40:3

A nckay auda te vèvèɗ ngédèshè, te draɓ, a mpay sak ga a pra, a mbatseday sak ga a hi zuraʼa,

Psaumes 96:1

Va-sla na dimèsh mɓuaʼa a Ndo nzi pèc pècèk! Herkeda tèlèba va-sla na dimèsh a Ndo nzi pèc pècèk!

Psaumes 98:1

Psaume. Va-sla na dimèsh mɓuaʼa a Ndo nzi pèc pècèk, aman nengaʼa a ngau nrke-dai a ri mandi na, ri nengaʼa nkezlaʼa!

Esaie 42:10

Va-sla na dimèsh mɓuaʼa a Ndo nzi pèc pècèk! Vo-slubordo ha ndè a verzi herkeda! Iyam mbiaʼa a skwi tèlè te pa, herkeda nte ndev iyam a ndohi man ta te pa, do slubordo Ndo nzi pèc pècèk!

Daniel 3:4

A ndo mbèhè a mboho a wuɗai: Kinè, ndohai, te verzi tsaɗ tsaɗ, a nèʼèn tsaɗ tsaɗ, bai a njè kinè ma a gèɗ ar haha:

Daniel 4:1

A bi Nebucadnetsar a nzlündo ma a sam ndohi tʼherkeda tèlèba, ndohi a nèʼèn tsaɗ tsaɗ tèlèba: Zhiklè da va kinè gumi a ma ma!

Daniel 5:19

A sam wuɗi nʼnjèl nengaʼa man a va na, ndohi herkeda te verzi tsaɗ tsaɗ, a nèʼèn tsaɗ tsaɗ, ta gu zlau, ta gudzau a sam nengaʼa. Nengaʼa a nkeda ndo man a woyaʼa, a njèka na nshèffè a ndo man a woyaʼa, a gra na gèɗ a ndo man a woyaʼa, a manda na gèɗ a hi a ndo man a woyaʼa.

Daniel 6:25

Te deɓaʼa bi Darius a nzlündo ɗèlèwèr a sam ndohi tèlèba, te verzi tsaɗ tsaɗ, a nèʼèn tsaɗ tsaɗ a géɗ herkeda tèlèba:

Matthew 20:28

Lèmèlèmè kra-ndo a mshkè aman ndohi ta takaha ka ɓai; a mshkè, aman a takaha ta ndohai, a vi nshèffè nengaʼa a skwi mpil gèɗ a géɗ ndohi kumba.

Matthew 26:28

Aman na haha Pombaz ga, Pombaz nderzlè-ma, man mbadahai, a mprè mali ndohi kumba.

Actes 20:28

Anai sèi kin gi maya a géɗ va kinè, a géɗ rèwè tèlèba, te ndev tengaʼa Mèzhèɓ Zhiklè nkezlaʼa a nʼnge kinè a ndohi nwar ta, aman kin wèr mpi ndohi Zhiklè, man a sumkaɗa deɓa a Pombaz va nengaʼa.

1 Corinthians 6:20

Aman Zhiklè a sumka kinè a deɓa a gani kumba. Gar haha vo-slubordo Zhiklè te va kinè!

1 Corinthians 7:23

Zhiklè a sumka kinè a deɓa a gani kumba. Kin nda a bèl ndohi bai!

Ephésiens 1:7

Yèsu a mpela gèɗ nga a Pombaz na, a mpra nga malai te pombi nengaʼa mbiaʼa,

Ephésiens 5:19

Va-goɗ ma te ndev kinè a dimèsh Psaumes a dimèsh nslébèrdè Zhiklè; va-wuffa te ndav kinè ngummaʼa ara ganzavar a sam Bi Zhiklè.

Colossiens 1:14

te nengaʼa gèɗ nga mpela, mali nga mpraʼa.

Colossiens 1:23

Aman sèi kin nzi taraʼa te ncè-a-ndav, a kin dè a ma ma, a kin gidè va azɓai, a kin jèkeda nzhèr ma mbelaʼa te ndav azɓai, man kin tsenaʼa, a ta njèʼa a géɗ herkeda tèlèba. Iyè Paul, i gaʼa a ndo mizlinè nengaʼa.

Titus 2:14

Yèsu, man a vau va na a géɗ nga, aman a preka nga auda te mali tèlèba, a pènè ndav ndohi nengaʼa, a ta gi gazawa a géɗ mizlinè man amba.

Hébreux 11:14

Ndohi man ta gèɗè arsa, ta ngredèʼa, ara man ta woy kokwar-bi ngiɗè.

2 Peter 2:1

Ndohi nhadka ma ncèkèlma ta zhè halaʼa te va ndohai. Lèmèlèmè ara man a sam kinè ba ndohi njèngè ncèkèlma a di ta da shkè. Ta da ndèvèɗ ma tsaɗ tsaɗ. Ta woy a ta gedas kinè. Ta cèkèlma a géɗ Bai Yèsu, man a sumka ta a deɓa, a ta hurdkoɗi kita ngedas ta, tsam tsam, a ri ta.

1 John 1:7

Aman nga dè te ndev sam nhelaʼa, lèmèlèmè ara nengaʼa ba te ndev sam nhelaʼa, nga humda, ngiɗè a ngiɗè. A Pombaz Yèsu, kra nengaʼa, a pan nga te mali staɗ staɗ tèlèba.

1 John 2:2

Nengaʼa skwi mpil gèɗ malihi nga, malihi nga genè ka ɓai, aman mali herkeda tèlèba.

Apocalypse 10:11

Ta gaɗayè: Sèi ka hada ta ma zaʼa a ndohi kokwar a ndohi herkeda a ndohi a daʼai ta tsaɗ tsaɗ kumba, a bihi kumba.

Apocalypse 11:9

Mʼmèn makar a rèta, ndohi tsaɗ tsaɗ te va ndohi kokwar, verzi ndohi tsaɗ tsaɗ, a daʼai ta tsaɗ tsaɗ, a ndohi herkeda tsaɗ tsaɗ ta da rka nckondohi tengaʼa, a ta vi civèɗ azɓai, aman ta re ta.

Apocalypse 13:7

A ta va na wuɗi-bai, aman a gi var a shèwa a ndohi Zhiklè, aman a gi a ngul ta. A ta va na wuɗai a géɗ verzi ndohi tèlèba, a ndohi kokwar, a ndohi a daʼai ta tsaɗ tsaɗ, a ndohi herkeda tèlèba.

Apocalypse 13:8

A ndohi tèlèba a géɗ herkeda ta da tsi ri a nengaʼa. Tengaʼa man nzlembaɗ tengaʼa mwindèʼa te ɗèlèwèr nshèffè kra tambak, man ta zlama na daʼai, daga nhinkaɗ herkeda ma, ta tsi ri a nengaʼa azɓai.

Apocalypse 14:6

A i rka gol Zhiklè ngiɗè, man a hi ara ɗiak te ndev giɗfèk, a nʼngots ma mbelaʼa man a nzi a mèdèp, man a njè ta ndohi a géɗ herkeda tsaɗ tsaɗ tèlèba, a verzi ndohi herkeda, a ndohi a daʼai ta tsaɗ tsaɗ, man ndo genè,

Apocalypse 15:3

a ta slu dimèsh Moise, ɓèl Zhiklè, a dimèsh kra tambak, a ta gaɗa: Skwi man ka gau, skwi mbiaʼa, skwi nrkedai, Bi Zhiklè, Bi wuɗi tèlèba! Civèɗ ngaya nzuraʼa a vava, ka Bi ndohi herkeda.

Apocalypse 17:15

A nengaʼa a ngaɗayè: Iyam man ka rkaʼa, a sam man ngwoz mphömè a nza a pa, nara ndohi herkeda, nhèyè ndohi herkeda, a ndohi verzi tsaɗ tsaɗ, a ndohi man daʼai ta tsaɗ tsaɗ.

Apocalypse 4:11

Bai, Zhiklè nga, ka amba man ta slébèrdè nʼnjèl ngaya a wuɗi ngaya, te man ka gu skwi tèlèba. A géɗ man ka woyaʼa ta zhè, ta gaʼa.

Apocalypse 5:12

a ta boho a wuɗai: Kra tambak, man ta zlama na daʼai, amba, a slaha a ncè wuɗi bai, a mèshèlè, a maya, wuɗai a nslébèrdè, a nʼnjè-lè, a nshid gèɗ.

Apocalypse 5:6

A i rka kra tambak te ndev sam nʼnzi bai a skwihi faɗ a nshèffè, a ndohi nhalaʼa; kra tambak sa ara man ta zlama na daʼai ma, a drom tsaraɗ, a di tsaraɗ. Nasa Mèzhèɓhi Zhiklè tsaraɗ man ta zlinde ta a herkeda tèlèba.