Apocalypse 4:8 - Ma Zhiklè

⁸ Skwi faɗ staɗ staɗ tèlèba ta ngots kelpasl mokwa, a di kumba tʼhwaɗaʼa, a ta ngots sam nshèk va ɓai, a pats a vaɗ, a ta gaɗa: Nkezlaʼa, nkezlaʼa, nkezlaʼa, Bi Zhiklè, Bi wuɗi tèlèba, man a zhè zlèzlèa, man a zhè antanta, man a di a shkè.

Mofa New Testament

⁸ Skwi faƋ staƋ staƋ tèlèba ta ngots kelpasl mokwa, a di kumba t'hwaƋa'a, a ta ngots sam nshèk va ɓai, a pats a vaƋ, a ta gaƋa: Nkezla'a, nkezla'a, nkezla'a, Bi Zhiklè, Bi wuƌi tèlèba, man a zhè zlèzlèa, man a zhè antanta, man a di a shkè.

Apocalypse 4:8 ပူးပေါင်းရင်းမြစ်များ

Genèse 17:1

Aman mvi Abram 99, Ndo nzi pèc pècèk a ngudoko na va a dai, a ngaɗa na: I Zhiklè Bi wuɗai. Gso civèɗ ga, a ka nza zuraʼa,

Psaumes 91:1

Ndo man a nzi a sam man Zhiklè te géɗèʼa a nghedaʼa a hwaɗaʼa, ndo man a nzi a mèzhèɓ Zhiklè Bi wuɗai,

Exode 15:11

Te va zhiklèhai, nlèmdè va a ka wa, Ndo nzi pèc pècèk? Nʼnjèl ngaya mbiaʼa, nkezlaʼa, ka wuɗitpa te skwi mbiaʼa man ka giaʼa, te nrkedi ngaya man ka ngreda.

Exode 3:14

A Zhiklè a ngaɗa na Moise: I nengaʼa man i zhè. A ngaɗa na á vaʼa: Ka da gada ta ndohi Israel ar haha: Nengaʼa man nzlembaɗ na ‘i zhè’, a nzlindekayè a sam kinè.

Esaie 13:6

Va-kuɗau! Aman pats kita Ndo nzi pèc pècèk a zhè ndul ndul, a shkè a ngé-dèshè ndo, a wuɗi nengaʼa, Bi wuɗai.

Esaie 62:1

I slaha a i nzi tètè azɓai a géɗ Sion. I nzeda verzi a hi azɓai a géɗ Jérusalem, ha pats man ngi-zura nengaʼa a hél sam ara pats wushèr, a skwi mʼmbel ndo nengaʼa a gi ara skwi ntiv vogwa.

Ezéchiel 1:18

Züdo man nara sak mota, di nɗaha a pa, a sak mota faɗ tèlèba.

Ezéchiel 1:5

Nte ndevaʼa, skwi faɗ a nshèffê, ngi va ta ara ndo.

Ezéchiel 1:6

Gèɗ staɗ staɗ tèlèba, medi faɗ, kelpasl faɗ.

Ezéchiel 10:12

Va chérubimhai tèlèba, deɓ ta, ri ta, kelpasl ta, a skwi nara sak mota, di nɗaha a pa tèlèba, ta faɗ tèlèba lèmèlèmè.

Joel 1:15

Wobau a pats nasa! Pats Ndo nzi pèc pècèk a zhè ndul ndul. A shkè ara skwi ngedassa skwai te ri Bi Zhiklè wuɗai.

Actes 20:31

Gar haha sèi va-nza a dai, a kin hur ara man i jèka ɓai, mvi makar, a pats a vaɗ, a i büd ndo staɗ staɗ a kuda a dai.

2 Corinthians 6:18

a i gi a Bab kinè, a kin gi a wudahi a dalahi ga, Bi Zhiklè wuɗi tèlèba a gaɗa.

1 Thessalonians 2:9

Dalahimam nga, va-hur mizlinè nga, a ntulè nga, ara man a pats a vaɗ nga gu mizlinè, a nga rzla kinè va a gèɗ ɓai, ko a ndo staɗ, a nga nju ma mbelaʼa man a Zhiklè a sam kinè.

1 Timothy 4:16

Ɓür ndav ngaya ɓür njè-ma ngaya, gso va a skwi haha! Aman ka gi arsa, ka mbél ngaya, a ka mbel ta ndohi man ta tsena ma ngaya.

2 Timothy 4:2

Nju ma Zhiklè, gu malwuɗi nengaʼa, ko a sam man amba, ko a sam man ambaɓai: ngatsa na maya a ndo, guv ta, bid ta, a nzhèr skwia dai, a mizlinè nʼnjè ma.

Hébreux 13:8

Yèsu Kristi lèmèlèmè ara madatsa, a patsna, a mèdèp.

Apocalypse 1:4

Jean a gaɗa ta mpi ndohi Zhiklè tsaraɗ te kokwar Asie: Pombai da zhè a nda kinè, a gumai te nengaʼa, man a zhè antanta, man a zhè zlèzlèa, man a di a shkè, te Mèzhèɓhi tsaraɗ ba, man ta zhè a sam nʼnzi bi nengaʼa,

Apocalypse 1:8

Iyè, i Alpha a Oméga, Bi Zhiklè a gaɗa, nengaʼa man a zhè antanta, man a zhè zlèzlèa, man a di a shkè, Bi wuɗai tèlèba.

Apocalypse 11:17

Nga shid gèɗ, Bi Zhiklè, Zhiklè wuɗi tèlèba, man ka zhè, ka nza daga zlèzlèa, a géɗ man ka gi Bai a nʼnjèlè ngaya mbiaʼa.

Apocalypse 14:11

A vodzok matakwan tengaʼa a dè a géɗèʼa a ma ma a mèdèp, a tengahi man ta tsi ri a skwi dak a skwi man ta gu ara nengaʼa, a ndohi a lamba nzlemba na a va, ta ngècè nshèk va azɓai, ko a pats ba ko a vaɗ ba.

Apocalypse 14:3

A ta slu dimèsh mɓuaʼa a sam nʼnzi bai, a sam skwihi faɗ a nshèffè, a sam ndohi nhalaʼa, ndo ngiɗè a slaha a nslebi dimèsh ɓai, sèi ndohi 144.000 man ta sumka ta a deɓa tʼherkeda.

Apocalypse 15:3

a ta slu dimèsh Moise, ɓèl Zhiklè, a dimèsh kra tambak, a ta gaɗa: Skwi man ka gau, skwi mbiaʼa, skwi nrkedai, Bi Zhiklè, Bi wuɗi tèlèba! Civèɗ ngaya nzuraʼa a vava, ka Bi ndohi herkeda.

Apocalypse 15:7

Staɗ te va skwihi faɗ a nshèffe a mva ta kokwihi tsaraɗ a ri a golahi tsaraɗ, nʼndha a ndzoan Zhiklè man a nzi a nshèffe te nhinkaɗ na a mèdèp.

Apocalypse 16:14

Mèzhèɓhi sa, madzagihai, a ta gi nrkedai. A ta de ta a sam bihi herkeda tèlèba, aman ta ɓic ta, a pats var mbiaʼa man a Bi Zhiklè, Zhiklè wuɗi tèlèba.

Apocalypse 16:7

A i tsena sam mvi skwi a Zhiklè man a bèhè: A vava, Bi Zhiklè, Zhiklè wuɗi tèlèba, kita ngaya amba zuraʼa.

Apocalypse 19:15

Kafahi gwèsh wètwè-tèʼa a shkè auda te ma na, man a bazl ta ndohi herkeda, a da war ta a gada züdo, a nkèlè skwi te klok nʼndha a skwi nsi ndzoan Bi Zhiklè mbiaʼa, a Zhiklè wuɗi tèlèba.

Apocalypse 19:4

A ndohi nhalaʼa 24, a skwihi faɗ a nshèffè, ta kalahi a deɓ sak nengaʼa, a ta tsu ri a Zhiklè, man a nza a géɗ sam nʼnzi bai, a ta gaɗa: Amen, Alléluya!

Apocalypse 21:22

A i rka gi Zhiklè te pa ɓai; aman Bi Zhiklè, Bi wuɗi tèlèba, a kra tambak, nasa gi Zhiklè tengaʼa.

Apocalypse 3:7

Winda na tsuvom mpi ndohi Zhiklè te kokwar Philadelphie: Nengaʼa man nkezla, ndo nzuraʼa man a ngots skwi mwinè ntamagi man a David, man a winèʼa, ndo ngiɗè a slaha a mpizlè te deɓaʼa ɓai. Man a mpizlèa, ndo ngiɗè a slaha a mwinè te deɓaʼa ɓai. Nengaʼa a goɗ ar haha:

Apocalypse 4:4

Sam nʼnzi bihi 24 ta tèuda sam nʼnzi bi matsa a pa; a géɗ sam nʼnzi bihi ndohi nhalaʼa 24 a pa, a maslaka nslekaɗaʼa, gèɗ mpaɗaʼa a guro.

Apocalypse 4:6

Dal sam nʼnzi bai ara woyam mbiaʼa man a si dai, ara kwa man a si di tsuzli-tsuzliaʼa; te ndev sam nʼnzi bai, a tsagi sam nʼnzi bai skwihi faɗ a nshèffè, a di kumba a ma ba, te deɓa ba.

Apocalypse 4:9

Te va man skwihi sa ta slébèrdè nʼnjèl ndo man a nzi a géɗ sam nʼnzi bai, man a nzi a nshèffè te nhinkaɗ na a mèdèp, a ta shid gèɗ,

Apocalypse 5:6

A i rka kra tambak te ndev sam nʼnzi bai a skwihi faɗ a nshèffè, a ndohi nhalaʼa; kra tambak sa ara man ta zlama na daʼai ma, a drom tsaraɗ, a di tsaraɗ. Nasa Mèzhèɓhi Zhiklè tsaraɗ man ta zlinde ta a herkeda tèlèba.

Apocalypse 6:1

A i rka kra tambak, man a mpelasla skwi mpizlè ntkotsaʼa staɗ te va tsaraɗ, a i tsena staɗ te va skwihi faɗ a nshèffe, man a goɗ ngèɗè ara ntsi iyam: Wash-kè!

Apocalypse 6:6

A i tsena ngèɗè staɗ te va skwihi faɗ a nshèffe, man a gaɗa: dau agoda staɗ te di mvèkè a mizlinè. Salawa agoda makar te di nvèkè a mizlinè. Aman gani mbar a barassa da ngwode ɓai!

Apocalypse 7:11

A golahi Zhiklè tèlèba ta zlatsa a sam nʼnzi bai, a ta tèuda ndohi nhalaʼa a skwihi faɗ a nshèffe a pa, a ta tuzlom ta a hai a sam nʼnzi bai, a ta slubordo Zhiklè,

Apocalypse 7:15

A géɗ nengaʼa ta zhè a ma sam nʼnzi bi Zhiklè, a ta takaha a pats a vaɗ te gi Zhiklè nengaʼa. A nengaʼa man a nzi a géɗ sam nʼnzi bai a da nza ta a dai.