Apocalypse 3:9 - Ma Zhiklè

⁹ Na haha i woy a i gi aman ndohi te gi njèngè ma Sadan, man ta gaɗa, nga ndohi Juif, a ta goɗ a ncèkèlma, a ta da shkè, a ta kèlèhai a deɓ sak ngaya, a ta suna ara man i woy ka.

Mofa New Testament

⁹ Na haha i woy a i gi aman ndohi te gi njèngè ma SaƋan, man ta gaƋa, nga ndohi Juif, a ta goƋ a ncèkèlma, a ta da shkè, a ta kèlèhai a deɓ sak ngaya, a ta suna ara man i woy ka.

Apocalypse 3:9 ပူးပေါင်းရင်းမြစ်များ

Esther 8:17

Te kokwar staɗ staɗ tèlèba, a sam staɗ staɗ tèlèba, man ma bai a ndika a pa, ndohi Juif ta wuffè, ndav ta langlangaʼa, ta gu ngolala, ta ɓica a sam skwi nʼndai. Ndohi kumba te va ndohi nte deɓa ta nde ta a Juifhai. Zlau ndohi Juif a ndza ta.

Exode 11:8

Te deɓaʼa ndohi ngaya haha ta da shkè a sam ga, ta da kèlèhi a deb sak ga, a ta gada: Jè-keɗa kokwar haha, kinè a ndohi ngaya tèlèba – te deɓaʼa i woy a i dè. A Moise a njèkeda gi Pharaon a pa a ndav.

Esaie 43:4

A géɗ man ka ara skwi man gani a pa kumba a sam di ga, skwi mbe-laʼa, a i woy ka a ndav ga, i vi kokwar-bi-hai a géɗ ngaya, a ndohi herkeda te di nshèffè ngaya.

Esaie 45:14

Ndo nzi pèc pècèk a gaɗa: Skwi ntul mizlinè ndohi Egypte, a gani kokwar Ethiopie a ndohi Saba, ngur-gurhiaʼa, a dè a sam ngaya, a gi a skwi ngaya. Ta dè a verzi ngaya a cèlèlèu te sak, ta da kèlèhi a deɓ sak ngaya, a ta kuɗi a sam ngaya: Zhiklè a zhè, sèi a sam ngaya genè Israel, a sam ngiɗè azɓai, Zhiklè ngiɗè azɓai.

Esaie 49:23

Bihi ta gre kinè, ngwozi bi ta gre kinè a wa. Ta da tücahi a herkeda a sam di ngaya, a ta nèkèɗè lokotor auda a deɓ sak ngaya. Te deɓaʼa ka da suna, iyè Ndo nzi pèc pècèk; ndohi man ta pi ndav a iyè, ta ngècè hori a di azɓai.

Esaie 60:14

Wud ndohi man ta zumda ka gèɗ a di ta shkè a sam ngaya a gurmbèzh. Tengaʼa tèlèba man ta derɗe ka, ta da kèlèhi a deɓ sak ngaya, a ta baha ka ‘kokwar Ndo nzi pèc pècèk’ – ‘Sion Zhiklè Israel nkezlaʼa’.

Jean 17:23

Iyè te tengaʼa, ka te iyè, aman ta gi a nstaɗ, jèlèlèʼa; a herkeda da suna, ka nzlindekayè, ka woy ta a ndav ngaya, lèmèlèmè ara man ka woy iyè a ndav ngaya.

Apocalypse 2:9

I sun matakwan ngaya a ntèwèshè ngaya; aman ka ndo mèshèlè genè. I sun ndohi man ta derɗe ka, man ta gaɗa, nga ndohi Juif, aman ta ndohi Juif ka ɓai, ta ndohi gi njèngè ma Sadan.

I Samuel 2:36

Njèkèɗi ndohi te gi ngaya, a di ta shkè a ta kèlèhai a deɓ sak na, a ta woy dala staɗ, a movar kètè, a ta gaɗa: Kam, kam, vay mizlinè mvi skwi a Zhiklè, ko mizlinè mèmè, a i ngècè skwi nʼndi kètè.