Apocalypse 3:3 - Ma Zhiklè

³ Gar haha huro, ara man ka ngotso, ara man ka tsenaʼa. Fu gèɗèʼa, a ka ngwode ndav! Aman ka nzi a di azɓai, i da shkè ara ndo metsar, ka shin sam tèkè man i da shkè azɓi fèt.

Mofa New Testament

³ Gar haha huro, ara man ka ngotso, ara man ka tsena'a. Fu gèƋè'a, a ka ngwode ndav! Aman ka nzi a di azɓai, i da shkè ara ndo metsar, ka shin sam tèkè man i da shkè azɓi fèt.

Apocalypse 3:3 ပူးပေါင်းရင်းမြစ်များ

Ezéchiel 20:43

Te pa kin da hér civèɗ kinè a skwi tè-lèba man kin gau, man kin lizhè va kinè a vna, a ndara kinè a géɗ skwi man ambaɓi tèlèba man kin gau.

Ezéchiel 36:31

Te deɓaʼa kin da hér civèɗ kinè man ambaɓai, a skwi man ambaɓiaʼa man kin gau a ndara kinè, a géɗ mali kinè a skwi hori man kin gau.

Matthew 25:13

Ani haha va-nza a dai, aman kin sun patsaʼa a samaʼa ɓai.

Marc 13:33

Va-gu maya, va-nza a dai, va-tsu rai, te man kin sun pats man skwi haha a shkè ɓai.

Marc 13:36

A da shkè a nasa nasa, a nda ngats kinè, kin nzhuna.

1 Thessalonians 5:2

Aman kinè a ri kinè kin sun a vava, pats Bai Yèsu a di a shkè ara ndo metsar a vaɗ.

1 Timothy 6:20

Timothée, ɓür skwi man ka ngots te ncè-a-ndav, kazla ngay auda a sam tsaval ambalai, man ambaɓai, man Mèzhèɓ Zhiklè az a pa ɓai, a sam gèjau a géɗ njè-ma ncèkèlma!

2 Timothy 1:13

Gso va a ma mʼmbel ndo, man ka tsena a sam ga, a ka lèmdè va ngaya a vna, te ncè-a-ndav, te mwoy-ndo Yèsu Kristi.

Hébreux 2:1

Gar haha sèi nga gshè va holholaʼa a ma mbelaʼa, man nga tsenaʼa, man ɓai nga da pèkèt nga a zlawa a sam nʼndikèma nga.

2 Peter 1:13

Aman i hur amba, aman i hadka kinè ma a gèɗ, a i piɗèkwud kinè, man i zhè a nshèffè haha tʼherkeda dai.

2 Peter 3:1

Na haha ɗèlèwèr macecèwaʼa man i winda kinè, dalahimam ga, te nengaʼa i hadka kinè ma a gèɗ zaʼa, a i piɗèkwuda maya kinè nzuraʼa.

2 Peter 3:10

Aman pats Bi Zhiklè a shkè ara ndo metsar. Te deɓaʼa giɗfèk a tuw na toa, skwi ntil herkeda a ndiv na a sam vogwa mbiaʼa, a herkeda a skwi a géɗ herkeda, vogwa a da ndiaʼa.

Apocalypse 16:15

Na haha i shkè ara ndo metsar. Mwuffè a sam nengaʼa man a nzi a dai, a maslaka a va, man a dè adi azɓai, a ta rka hori nengaʼa man adi azɓai.

Apocalypse 2:25

Aman skwi man kin ngotso, va-ɓüro, ha i shkè.

Apocalypse 2:5

Hur sam man ka men ngaya a deɓa te pa, ngwode ndav ngaya, a ka gu skwi man ka gu nshèlèkura zaʼa. Man ɓai i shkè, a i cè skwi nfi vogwa ngaya auda a sam nʼnzi na.

Apocalypse 22:7

Na haha, i shkè ndul ndul. Mwuffe a sam nengaʼa man a fi gèɗ a ma man ɗèlèwèr haha a hodkoɗai.

Apocalypse 3:11

Na haha, i shkè ndul ndul; ɓür skwi man ka ngotso, ndo ngiɗè da cèma ka mpèɗè gèɗ ngaya ɓai!

Apocalypse 3:19

Ndohi man i woy ta a ndav ga, i ngatsa ta maya a ndzoan, a i ngez ta. Gar haha nzala va ngaya, a ka ngwode ndav ngaya!

Apocalypse 3:2

Nza a dai, va na wuɗi a njè-kèɗiaʼa te ndav ngaya man a woya a metsi na. I ngots mizlinè ngaya a slra na di a Zhiklè ga zura ɓai.