Apocalypse 3:10 - Ma Zhiklè

¹⁰ A géɗ man ka ɓür ma ga, a ka zhèr skwi a dai, i ba i woy a i ɓir ka a sam njkédè ndo, man a di a shkè a géɗ ndohi herkeda tèlèba.

Mofa New Testament

¹⁰ A géƌ man ka ɓür ma ga, a ka zhèr skwi a dai, i ba i woy a i ɓir ka a sam njkédè ndo, man a di a shkè a géƌ ndohi herkeda tèlèba.

Apocalypse 3:10 ပူးပေါင်းရင်းမြစ်များ

Esaie 24:17

Zlau, vèvèɗ, skwi nslawama kinè sak a guv kinè, ndohi herkeda!

Daniel 12:10

Ta kumba Zhiklè a jkede ta, a ɗèl ta, a pan ta. Ndohi nderɗe Zhiklè, ta gi skwi man ambaha Zhiklè ɓai. Ndo man a derɗe Zhiklè a sun ɓai, aman ndohi man maya ta zhè, ta suna.

Zacharie 13:9

Tengaʼa man ta nza, i woya a i wosl ta a vogwa ara man ta wèsl verzhègenè a guro. Ta da tsi ri a nzlembaɗ ga, a i cè ntsi ri tengaʼa. I gaɗa: Ta ndohi ga, a tengaʼa ta da gaɗa: Ndo nzi pèc pècèk, Zhiklè nga.

Matthew 24:14

Ma mbelaʼa haha man a kokwar-Bi-Zhiklè, ta da njèʼa a géɗ herkeda tèlèba, a gi a skwi malwuɗi a sam ndohi herkeda tèlèba. Te deɓaʼa ndikèma skwai a shkè.

Matthew 26:41

Va-nza a dai, va-tsu rai, aman skwa da pe kinè a wi ɓai. Mè-zhèɓ a woya a ngi amba, aman wuɗi ndo azɓai.

Matthew 6:13

Ka de nga a sam man a pe nga a wi ɓai, aman ɓer nga te ri nengaʼa man ambaɓai. Aman kokwar-bi a ngaya, a wuɗai, a nʼnjèlè, pèc pècèk a mèdèp ba. Amen.

Marc 14:9

A vava i gada kinè, tʼherkeda tèlèba man ta da njè ma mbelaʼa, ta da gèɗè skwi man ngwoz haha a gau, a ta da hérèʼa.

Luke 2:1

A pats nasa Bi Auguste a mbaha ta ndohi tèlèba, aman a nger ta.

Jean 17:6

I ngreda ta nzlembaɗ ngaya a ndohi man ka vayè tʼherkeda. Tengaʼa a ngaya, a ka pay a iyè, a ta fu gèɗ a ma ngaya.

Romans 1:8

Nshèlèkuraʼa i gi susai a Zhiklè ga te Yèsu Kristi a géɗ kin tèlèba; aman herkeda tèlèba a ntsena labar ma ncè-a-ndav kinè.

1 Corinthians 10:13

Skwi ngiɗè a pe kinè a wi azɓai, sèi skwi ndohai. Aman Bi Zhiklè nlèɓèslèa, aman a gi man skwi mpe kinè a wai a fena wuɗi kinè azɓai, a gi civèɗ aman skwi mpe kinè a wai a di a ndiv na, aman kin slaha a kin zhüɓèʼa.

Ephésiens 6:13

Gar haha vo-co skwi var Zhiklè tèlèba, aman kin slaha a kin gi slagama a pats man ambaɓai, a kin ɓir dal var kinè.

2 Timothy 2:12

Aman nga zhèr skwi a ma ma, nga da gi bai a nda nengaʼa. Aman nga gaɗa: nga sun nengaʼa ɓai, nengaʼa ba a di a gaɗa: i sen kinè ɓai.

Jacques 3:12

Dalahimam ga, kslor a slaha a nyi tsna ɗè? Hawan a slaha a nyi wondar ɗè? Lèmèlèmè nlèlè iyam staɗ a slaha a ngwèdè iyam nwurzekzekaʼa a iyam mbelaʼa azɓai.

1 Peter 4:12

Kinè dalahimam ga, kin rzl kin ɓai a géɗ skwi mwuɗitpa man a ga kinè antanta, aman ta pe kinè a wi tsaɗ tsaɗ. Kin hur ɓai: skwi haha nkèkèkè?

2 Peter 2:9

Bi Zhiklè a suna, ara man a slaha a mpre ta ndohi man ta woy civèɗ na, auda te skwi man a pe ta a wai, ara man a pe ta ndohi nzura ka ɓai, a hai, ha pats kita, aman a da ga ta kita.

Apocalypse 1:9

I, Jean, kramam kinè, ndo man nga mbi a matakwan, a kokwar-bai, a nzhèr skwia dai te Yèsu a nda kinè. I nza te Patmos, herkeda nte ndev iyam, a géɗ ma Zhiklè a ma malwuɗi Yèsu.

Apocalypse 11:10

A ndohi a géɗ herkeda ta wuffè a géɗ tengaʼa, ta gi langlangaʼa, ta vi skwi mbalai a va, aman ndohi nhadka ma cèw haha ta ga ta matakwan a ndohi a géɗ herkeda tèlèba.

Apocalypse 13:10

Ndo man a pe ta ndohi ngiɗè a dangai, a dè a gi dangai lèmèlèmè. Ndo man a keɗa ndo a kafahi gwèsh, ta da kéɗèʼa a kafahi gwèsh lèmèlèmè. Na haha, nzhèr skwia dai a ncè-a-ndav ndohi Zhiklè!

Apocalypse 13:14

A mpe ta ndohi a géɗ herkeda a wai a skwi man a slaha a ngrédè tsaɗ tsaɗ a sam di skwi dak. A ngaɗa ta ndohi a géɗ herkeda, aman ta gi mèzhèɓ skwi dak, a mblè kafahi gwèsh a va, man a mbel na zaʼa.

Apocalypse 13:8

A ndohi tèlèba a géɗ herkeda ta da tsi ri a nengaʼa. Tengaʼa man nzlembaɗ tengaʼa mwindèʼa te ɗèlèwèr nshèffè kra tambak, man ta zlama na daʼai, daga nhinkaɗ herkeda ma, ta tsi ri a nengaʼa azɓai.

Apocalypse 14:12

Na haha ndohi Zhiklè man ta zhèr skwia dai! Na haha tengahi man ta ɓür ma nkwèr Zhiklè, a ncè Yèsu a ndav.

Apocalypse 14:6

A i rka gol Zhiklè ngiɗè, man a hi ara ɗiak te ndev giɗfèk, a nʼngots ma mbelaʼa man a nzi a mèdèp, man a njè ta ndohi a géɗ herkeda tsaɗ tsaɗ tèlèba, a verzi ndohi herkeda, a ndohi a daʼai ta tsaɗ tsaɗ, man ndo genè,

Apocalypse 16:14

Mèzhèɓhi sa, madzagihai, a ta gi nrkedai. A ta de ta a sam bihi herkeda tèlèba, aman ta ɓic ta, a pats var mbiaʼa man a Bi Zhiklè, Zhiklè wuɗi tèlèba.

Apocalypse 17:2

man bihi herkeda ta gu mphömè a vna. Mphömè man ta gu a vna a nkeɗ ta ara zom.

Apocalypse 17:8

Skwi dak man ka rkaʼa, a zhè a matsa, ani asaɓai, a da skè auda zaʼa te vèvèɗ mpèltemtemaʼa, a da hi na a sam ngedassaʼa, a ndohi a géɗ herkeda ta da rzl ta, ndohi man nzlembaɗ ta mwindèa te ɗèlèwèr nshèffè ɓai, daga nhinkaɗ herkeda, aman ta rka skwi dak ara man a nza, antanta asaɓai, a da zhè zaʼa.

Apocalypse 2:10

Ka gu zlau matakwan man ka da sia ɓai! Na haha bi madzagai a da pe ta matrehiaʼa te ndev kinè a dangai, aman a jkédè kinè, a kin si matakwan mʼmèn kula. Nza a nlèɓèslè, ha ka metsi ngaya, a i da va ka mpèɗè gèɗ nshèffè.

Apocalypse 3:8

I sun skwi man ka giaʼa. Na haha i wina ntamagi ngiɗè a sam ngaya, ndo a slaha a mpizlèʼa azɓai. I suna, wuɗi ngaya az a vata ɓai; aman ka ɓür ma ga genè, a ka tsakala ma a géɗ nzlembaɗ ga ɓai.

Apocalypse 6:10

A ta boho a wuɗai, a ta gaɗa: Bai, ka ndo nkezlaʼa, ndo nzuraʼa, nʼnzi tèkè aman ka gi kita azɓai, ka pela Pombaz nga azɓai a sam tengaʼa tʼherkeda?

Apocalypse 8:13

A i rka, a i tsena Vezi man a hi te ndev giɗfèk, man a goɗ ngèɗè a wuɗai: Wobau, wobau, wobau a sam tengaʼa man ta nza a géɗ herkeda, a géɗ njèkèɗi tolom makar, man golahi Zhiklè ngiɗè ta hinè a ta tsia antanta.