Apocalypse 22:5 - Ma Zhiklè

⁵ Vaɗ a da gi asaɓai, ko pitirla, ko pats azɓai, aman Zhiklè, Bai, a da hela ta sam. A ta gi bai a mèdèp.

Mofa New Testament

⁵ Vaƌ a da gi asaɓai, ko pitirla, ko pats azɓai, aman Zhiklè, Bai, a da hela ta sam. A ta gi bai a mèdèp.

Apocalypse 22:5 ပူးပေါင်းရင်းမြစ်များ

Psaumes 36:9

Ta ndi skwi man a zhè a vata te gi ngaya, ta si iyam mbelaʼa.

Psaumes 84:11

Aman pats staɗ te gala ngaya a fena mʼmèn 1.000 a dala. Dara man i zlatsa a ntamagi Zhiklè ga, a géɗ man i nzi te gi ndohi ambaɓihiaʼa tʼhwaɗaʼa.

Esaie 24:23

Kia a gi hori a ndo na tibèr; pats a nde na zhiklè syem. A Ndo nzi pèc pècèk a gi ɓai a géɗ za Sion, a gi ɓai te kokwar Jérusalem. A nʼnjèlè a zhè a sam di ndohi nengaʼa nhalaʼa.

Esaie 30:26

Te deɓaʼa skwi nhél sam kia, lèmèlèmè ara skwi nhèl sam pats. Skwi nhél sam pats ta ta mpats ngiɗè tsaraɗ, a pats staɗ a hél sam te di mʼmèn tsaraɗ; a pats man Ndo nzi pèc pècèk a da mèn mblè ndohi na, a pa na zungwa a va mpaslaʼa.

Daniel 7:18

Ndohi Zhiklè nkezlaʼa ta da ngècè kokwar bai, a nzi te ri tengaʼa a ma ma a mèdèp.

Daniel 7:27

Wuɗai, a wuɗi-bai, a nʼnjèlè kokwar-bihi tʼhwaɗ giɗfèk tèlèba ta da va ta ndohi Zhiklè nkezlaʼa. Wuɗi-bi tengaʼa a nzi a mèdèp, a kokwar-bihi tèlèba ta da gi a ɓèl ta, a ta fi gèɗ a ma tengaʼa.

Zacharie 14:7

Pats nasa, pats azɓai, vaɗ azɓai, a dakwaɗ sam a hélè.

Matthew 19:28

Yèsu a ngaɗa ta: A vava, i gaɗa kinè: Kinè, aman kin dzadzarkayè: a pats man herkeda a gi a mɓuaʼa, aman kra-ndo a nzi a géɗ sam nʼnzi bi nʼnjèl na, kinè ba kin da nzi a géɗ sam nʼnzi bi 12, a kin da ga ta kita a verzi ndohi Israel 12.

Matthew 25:34

A bai a da gaɗa ta tengahi nte civèɗ ri mandi na: Vo-washkè, kinè ndohi man Bab ga a pshè kinè ma. Va-ndau kokwar-Bi nengaʼa, man ntila a géɗ kinè te nhinkaɗ herkeda.

Matthew 25:46

A tengaʼa ta dè matakwan man a ndivè azɓai. Aman ndohi nzuraʼa ta dè a nshèffè mbiaʼa man a ndivè azɓai a mèdèp.

Romans 5:17

Aman a géɗ mali ndo staɗ, mʼmetsi a gi bai, mba bi tengaʼa man ta ngècè pombi mbiaʼa te nshèffè ta, a ngi-zura Zhiklè, a géɗ ndo staɗ, Yèsu Kristi.

2 Timothy 2:12

Aman nga zhèr skwi a ma ma, nga da gi bai a nda nengaʼa. Aman nga gaɗa: nga sun nengaʼa ɓai, nengaʼa ba a di a gaɗa: i sen kinè ɓai.

Apocalypse 11:15

A gol Zhiklè matsaraɗaʼa a ntsu tolom: a ngèɗè mbiaʼa a ntsenka te zhiklè, man a gaɗa: Ta va na kokwar-bihi herkeda a ri a Bi Zhiklè, a Kristi nengaʼa. Nengaʼa a gi Bai a ma ma a mèdèp.

Apocalypse 18:23

vogwa pitirla a da hél sam kokwar ngaya asaɓai, ntsima dalahai ta cinè a sam ngaya asaɓai. Halaʼa ndohi gani ngaya ta bihi a géɗ herkeda, a ka pe ta ndohi herkeda tèlèba a wai a mʼmbèh skwi ngaya,

Apocalypse 20:4

A i rka sam nʼnzi bihai, a ndohi man ta da gi kita, ta nza a pa. A i rka mèzhèɓ nshèffè ndohai, man ta zlama ta daʼai a géɗ malwuɗi Yèsu, a géɗ ma Zhiklè, a tengaʼa man ta tsu ri a skwi dak a skwi man ta gu ara nengaʼa, ɓai, a ta co lamba nengaʼa a medi tengaʼa, a ri tengaʼa, ɓai. A ta ngots nshèffè zaʼa, a ta gu bi a nda Kristi, mvi gozhèm staɗ.

Apocalypse 20:6

Mwuffè a sam ndohai man ta te va ndohi man ta slambaɗkaɗauda nshèlèkuraʼa. Mʼmetsi macecèwaʼa a ngècè wuɗi-bai a géɗ tengaʼa asaɓai. Aman ta gi a ndohi mvi skwi a Zhiklè a sam Kristi, a ta gi bi a nda nengaʼa, mvi gozhèm staɗ.

Apocalypse 21:11

te nʼnjèl Zhiklè. Skwi nhél sam nengaʼa lèmèlèmè ara kwa mbelaʼa holholaʼa, jaspe, man nga pi di te pa cerh-cerhaʼa.

Apocalypse 3:21

Ndo man nʼngaʼa a ngulaʼa, i woy nga da nzi a sam nʼnzi ga a vna, lèmèlèmè ara man i gaʼa a ngulaʼa, a i nza tʼhai a nda Bab ga a sam nʼnzi bi nengaʼa.