Apocalypse 22:17 - Ma Zhiklè

¹⁷ A Mèzhèɓ Zhiklè a medemi ta gada: Washkè! A ndo man a tsenaʼa, da goɗ: Washkè! A ndo man iyam a dza na, da shkè. Ko wawa man a woyaʼa, da co iyam nshèffè, ambalai.

Mofa New Testament

¹⁷ A Mèzhèɓ Zhiklè a medemi ta gaƋa: Washkè! A ndo man a tsena'a, da goƋ: Washkè! A ndo man iyam a dza na, da shkè. Ko wawa man a woya'a, da co iyam nshèffè, ambalai.

Apocalypse 22:17 ပူးပေါင်းရင်းမြစ်များ

Psaumes 34:8

Gol Ndo nzi pèc pècèk a nzi a tsagi tengaʼa man ta gi zlau Zhiklè, a mbel ta.

Esaie 12:3

Kin da géj iyam te nlèlè mʼmbel ndo a mwuffè.

Esaie 2:3

a ndohi man verzi ta tsaɗ a vata ta dè a pa a ta gaɗa: Vo-washkè, ngo-dokoya a za Ndo nzi pèc pècèk, a gi Zhiklè Jacob, aman a da ngra nga civèɗ nengaʼa, a nga bizhè a pa. Aman ma kita a shkè te Sion, ma Ndo nzi pèc pècèk a shkète Jérusalem.

Esaie 2:5

Ndohi gi Jacob, vo-washkè, ngo-dokoya te va skwi nhél sam Ndo nzi pèc pècèk!

Jérémie 50:5

Ta da jhèɗèʼa: Sion tema? Ta da pi di a civèɗ na. Vo-washkè, ngo-humdokoy va a Ndo nzi pèc pècèk, a nderzlè-ma nengaʼa a pca nga a gèɗ te deɓaʼa asaɓai!

Ezéchiel 47:1

Te deɓaʼa a ndiyè a deɓa a ntamagi gi Zhiklè. A i rka iyam a hakaɗauda tʼhwaɗ ntamagai, te civèɗ mvèng pats. Ntamagi Zhiklè man a ma mwinèʼa a civèɗ mvèng pats. A iyam a nhakaɗauda tʼhwaɗ zlazlar gi Zhiklè à tsagai, a sam mvi skwi a Zhiklè, te civèɗ man a dukwaɗ.

Michée 4:2

Ndohi nte deɓa ta shkè dra a ta gaɗa: Vo-wash-kè, ngo-dokoya a géɗ za Ndo nzi pèc pècèk, a gi Zhiklè Jacob, aman a senda nga civèɗ nengaʼa, a nga dè a civèɗ nengaʼa. Ma kita a da shkè te Sion. Ma Ndo nzi pèc pècèk a shkè te Jérusalem.

Jean 1:37

A golahi nengaʼa cèw ta tsena ngèɗè nengaʼa, a ta dzodzor Yèsu.

Jean 4:10

A Yèsu a mʼmbeɗa na a ma: Aman agassa ka sun skwi man Zhiklè a vi a ndohai, a ka sun nengaʼa man a gaɗa ka: Ɓedzay iyam a i siaʼa, ar ka jhèɗè nengaʼa, a nengaʼa a nva ka iyam nshèffè.

Jean 4:11

A ngwoz a ngaɗa na: Bai, skwi man a ka kèl iyam a vna, azɓai; thal iyam nra a vata. Ka ngècè iyam nshèffè tema?

Jean 4:14

Aman ndo man a si iyam man i va na, iyam a da dza na te deɓaʼa asaɓai a mèdèp. Aman iyam man i viaʼa, a da gi te ndav nengaʼa ara nlèlè iyam nshèffè man ahi a mèdèp.

Jean 4:29

Vo-washkè, va-rka ndo ngiɗè man a gaɗayè skwi tèlèba man i gau. Nengaʼa Kristi ka ɓi ɗè?

Jean 7:37

A pats ndiv ngolala nʼnɗuzoʼa, Yèsu a nzlatsa, a mboho, a ngaɗa: Ko wawa man iyam a dza na, da shke a sam ga, a nsiaʼa!

Romans 3:24

a ta ngots ngi-zuraʼa te pombi nengaʼa, a géɗ Yèsu Kristi, man skwi mpil gèɗ; a géɗ mizlinè ndohi ka ɓai.

1 Corinthians 2:12

Nga ngatsa Mèzhèɓ herkeda ka ɓai, aman Mèzhèɓ man a shkè te Bi Zhiklè, aman nga slaha nga sun skwi man Zhiklè a mva nga te pombi nengaʼa.

Apocalypse 14:13

A i tsena ngèɗè te zhiklè, man a gaɗayè: Windo! Mwuffè a sam ndohi man ta mets ta te Kristi. Mèzhèɓ Zhiklè a gaɗa: Ani haha ta shèk va te mizlinè tengaʼa. Aman skwi man ta gau, a dzadzar ta te deɓa.

Apocalypse 2:7

Ndo man zlembaɗ na a zhè, da tsena ma man Mèzhèɓ Zhiklè a gaɗa ta mpi ndohi Zhiklè: Ndo man nʼngaʼa a ngulaʼa, a da ndi wof nshèffè man a zhè a sam Bi Zhiklè mbelaʼa.

Apocalypse 21:2

A i rka kokwar nkezlaʼa, Jérusalem mɓuaʼa, man a shkèhai te zhiklè, ndzazla ara medemai man a dè a sam ntsima.

Apocalypse 21:6

A ngaɗayè: Nʼnga ma! Iyè i Alpha a Oméga, nhinkaɗ skwai a nʼndikèma skwai. I war i va na iyam nsai te nlèlè iyam nshèffè, a ndo man iyam a dza na, da su ambalai.

Apocalypse 21:9

Staɗ te va golahi Zhiklè tsaraɗ a mshkè a sam ga, nengaʼa man a ngots kokwi tsaraɗ, nʼndha a nʼndikèma matakwan mbiaʼa tsaraɗ a ngaɗayè: Washkè, i war i ngra ka medemi kra tambak.

Apocalypse 22:1

Te deɓaʼa a nʼngray woyam mbiaʼa a iyam nshèffè nkéɗècèʼa, man a shkè auda a sam nʼnzi Bi Zhiklè a kra tambak.

Apocalypse 22:16

Iyè, Yèsu, i zlinde ta golahi ga a ma malwuɗi ar haha a sam kinè, a ta ngra ta mpi ndohi Zhiklè. Iyè zluzlor verzi David, mavar prèk man a hél sam.

Apocalypse 7:17

aman kra tambak te ndev sam nʼnzi bai a da war ta, a de ta a sam nlèlè a iyam nshèffe, a Zhiklè a da saha ta kuɗa auda a dai.