Apocalypse 21:8 - Ma Zhiklè

⁸ Aman ndohi zlau, a ndohi man ta ca a ndav ɓai, a metsarhai, a ndohi nkéɗè ndo, a ndohi mphömè, a ndohi mʼmbèh skwai, a ndohi vrai, a ndohi ncèkèlma tèlèba, skwi man ta ngècèʼa nte vèvèɗ vogwa, man vogwa a skwi nvècè vogwa te pa: nasa mʼmetsi macecèwaʼa.

Mofa New Testament

⁸ Aman ndohi zlau, a ndohi man ta ca a ndav ɓai, a metsarhai, a ndohi nkédè ndo, a ndohi mphömè, a ndohi m'mbèh skwai, a ndohi vrai, a ndohi ncòkèlma tèlèba, skwi man ta ngècè'a nte vèvèd vogwa, man vogwa a skwi nvècè vogwa te pa: nasa m'metsi macecèwa'a.

Apocalypse 21:8 ပူးပေါင်းရင်းမြစ်များ

Proverbes 19:5

Ndo malwuɗi ncèkèlma a ngècè kita na. Ndo ncèkèlma a mbelè azɓai, ta gshèʼa.

Proverbes 19:9

Ndo malwuɗi ncèkèlma a ngècè kita na. Ndo nhèdè ncèkèlma a gédèsh na.

Esaie 51:12

Iyè man i bid kinè. Ka wa man ka gi zlau ndohai, ndohi man ta bèzl ta gene, a ta ndev ta ara kuza?

Esaie 57:11

Ka ga zlau ɓai, ka ga hori ndo ngiɗè ɓai, ka tsokol ma, ka heryè ɓai. Katʼka ɓai! I nza tètè, i pizlè di ga; a géɗ nengaʼa ka ga zlau ga ɓai.

Esaie 9:15

A ndohi ncè ta ma ndohi haha, ta nde ta a ndohi mpe ta a wai, a ta zede ta ndohi man ta cè ta ma.

Mal. 3:5

I herdeka kinè va a i gi kita, a i gi a ndo malwuɗi nwoslaʼa a géɗ ndohi mʼmbèh skwai, a géɗ ndohi mphömè, a géɗ ndohi mʼmbèɗè a ncèkèlma, a géɗ ndohi man ta ga ta matakwan a ndohi mizlinè ta, a ngwozi mazihai, a wud dikai, ndo mbrok, a géɗ ndohi tèlèba man ta gi zlau ga azɓai, Zhiklè bi mbiaʼa a gaɗa.

Matthew 10:28

Kin gu zlau tengaʼa man ta keɗa va kinè ɓai; aman ta slaha ta zede nshèffè kinè azɓai. Aman va-gu zlau nengaʼa nshèlèkuraʼa, man a slaha a ngé-dèshè nshèffè a va kinè cèw ba a sam vogwa kita.

Matthew 25:25

I gu zlau, a i do man i nghede Suli ngaya a vèvèɗ. Skwi ngaya anai!

Matthew 8:26

Yèsu a ngaɗa ta: Kinè ndohi man kin co a ndav a vata ɓai! Kin gi zlau kata èhèmè?

Marc 9:44

[a sam man meturɗai tengaʼa ta metsi azɓai, a sam vogwa man a mbècè azɓai a mèdèp].

Jean 8:44

Kinè wudahi bi madzagai, bab kinè, a kin jèjèr ntétékè nengaʼa. Nengaʼa ndo nkeɗe ndo te nhinkaɗ na, a nzi te ma nzuraʼa azɓai, a ma nzuraʼa a te ndav na ɓai. Aman a cèkèlma, di man a na. Nengaʼa ndo ncèkèlma, bab ncèkèlma.

Deutéronome 20:8

Bihi ndohi var ta dè a ma ma, a ta gaɗa ta ndohai: Ngi zlau wa, a ngi slagama azɓi wa? Do do, da mena a deɓa a gi na, man ɓai kramamhi na ta da gi zlau lèmèlèmè ara nengaʼa.

2 Thessalonians 2:9

Aman ndo nderdè Zhiklè a di a slèmbèɗè a wuɗi Sadan, a wuɗihi ncèkèlma tsaɗ tsaɗ,

1 Timothy 4:2

a ma mberzlalahaʼa a ndohi njèngè ncèkèlma, mèzhèɓ ndav ta nsassaya.

Titus 1:16

Ta gaɗa, nga sun Zhiklè, aman te skwi man ta giaʼa, ta ngwè-dèʼa. Tengaʼa ndohi man ta ndara na Zhiklè, a ta fi gèɗ a ma nengaʼa azɓai, a mizlinè man amba ko staɗ ta slaha a ta gia ɓai.

Hébreux 12:24

a sam Yèsu, man ta bezda na nderzlè-ma mɓuaʼa a rai, a sam pombaz man nguca a pa, man a gèɗè amba holholaʼa, a fena pombaz Abel.

Hébreux 13:4

Va-slubordo nʼnzi nda baki a ngwoz, kin lizhè sam mènèe kinè ɓai, aman Zhiklè a da ga ta kita a ndohi ngi baki a dala, a ndohi mphömè.

1 John 2:22

Ndo ncèkèlma wa, sèi nengaʼa man a cèkèlma, a gaɗa, Yèsu, nengaʼa Kristi ka ɓai? Nengaʼa mayam Kristi, a cèkèlma a géɗ Bab Zhiklè a kra Zhiklè.

1 John 3:15

Ndo man a gi shèwa a kramam nengaʼa, nara ndo nkeɗ ndo. A kin suna, nshèffè man a ndivè azɓai a mèdèp, a te ndav ndo nkeɗ ndo ɓai.

1 John 5:10

Ndo man a nco kra Zhiklè a ndav, a nʼngots malwuɗi te ndav na. Ndo man a cè Bi Zhiklè a ndav na azɓai, a ga Zhiklè a ndo ncèkèlma, te man a nco malwuɗi nengaʼa man a vau a géɗ kra nengaʼa ɓai.

Apocalypse 14:10

sèi a si kokwi ndzoan Zhiklè a géɗagèɗ; a ta da ga na matakwan a vogwa man skwi nvècè vogwa te pa, a sam di golahi Zhiklè nkezlaʼa, a sam di kra tambak.

Apocalypse 19:20

A ta gso skwi dak a nda ndo nhadka ncèkèlma man a gu nrkedi a sam di na, man a pe ta ndohi man lamba skwi dak a va, a wai, aman ta tsi ri a skwi man ta roma ara skwi dak. A ta wushede ta cèw ba a vèvèɗ vogwa, man skwi nvècè vogwa te pa, a di tʼuda.

Apocalypse 2:11

Ndo man zlembaɗ na a zhè, da tsena ma man Mèzhèɓ Zhiklè a gaɗa ta mpi ndohi Zhiklè: Ndo man nʼngaʼa a ngulaʼa, skwa a da dza na a sam mʼmetsi macecèwaʼa azɓai.

Apocalypse 2:2

I sun skwi man ka giaʼa, a skwi man ka va na va ma, a nzhèr skwi a di ngaya, ara man ka cè ta ndohi ambaɓihiaʼa azɓai, a ka jkede ta ndohi man ta gaɗa: nga ndohi sak, a ka ngats ta te ncèkèlma, ta ndohi sak ka ɓai.

Apocalypse 21:27

Ko skwi nlizhèa, ta da ckoɗa a pa azɓi fèt; ndo man a gi skwi man a ndèrè ndo, ndo ncèkelma, a dè a pa azɓi fèt, aman sèi tengaʼa man ta winde ta a ɗèlèwèr nshèffè kra tambak.

Apocalypse 22:15

Kdadihai, ndohi mʼmbèh skwai, ndohi mphömè, ndohi nkeɗ ndo, ndohi vrai, ndo staɗ staɗ tèlèba man a cèkèlma te ngèɗè, te skwi man ta giaʼa, ta tʼuda.

Apocalypse 9:17

A i rka ara te nshunè, plèshihi var a ndohi a deɓ plèshihi a limbèt mpeplèsh a nkokurikra a va, man vogwa te pa. Gèɗ plèshihai ara gèɗ marizhèlè, te ma tengaʼa vogwa a vodzok a skwi nvècè vogwa a shkè auda.

Apocalypse 9:21

A ta ngwodko ndav ta ɓai te nkéɗ ndo, mʼmbèh skwai, mphömè ta, a metsar ta.

Juges 7:3

Anai sèi ka bèhè, a ka gaɗa ta ndohai: Ko wawa man a gi zlau, a gudzai, do do a deɓa a ngwai, da hu na za Galaad! A ndohi 22.000 ta men ta a deɓa; njèkè ndohi 10.000.