Apocalypse 21:7 - Ma Zhiklè

⁷ Ndo man nʼngaʼa a ngulaʼa, a da ndi skwi haha tèlèba. Iyè, Zhiklè na, a nengaʼa kra ga.

Mofa New Testament

⁷ Ndo man n'nga'a a ngula`a, a da ndi skwi haha tclcba. lyc, Zhiklè na, a nenga'a kra ga.

Apocalypse 21:7 ပူးပေါင်းရင်းမြစ်များ

Genèse 17:8

A i va ka, a ndohi verzi ngaya, herkeda a haha, man ka a mbrok te pa, kokwar Canaan tèlèba, a ka ngotso a mèdèp, a i ndi a Bi Zhiklè tengaʼa.

II Samuel 7:14

I woy a i gi a bab na, a nengaʼa a gi a kra ga. Aman a nda gu skwi ambaɓiaʼa, i woy a i ngatsa na maya, ara bab wudahi man ta ngézh wudahi a mènèwèd.

Psaumes 89:26

I da gaɗa na, aman a kwèr iyam mbiaʼa, a i va na woyamhai a ri a nengaʼa.

Proverbes 3:35

A slebarde ta ndohi maya, aman a pa ta hori a di a ndohi nrzlaʼa.

Esaie 65:9

I gi a ndohi ta shkè auda te verzi Jacob, a ndo nʼndi za ga te ndev ndohi Juda. Ndohi man i par ta ta ngècèʼa, a ɓèlèlihi ga ta nzi a pa.

Zacharie 8:8

I woya a i de ta a deɓa a ngwai, a ta nzi a Jérusalem, a ta ndi a ndohi ga, a i gi a Zhiklè tengaʼa, nlèɓèslèa a nzuraʼa.

Matthew 19:29

Ko wawa man a jèkeda kramamhi na, man demamhi na, man bab na, a mam na, man ngwoz na, man wud na, man gi dauhi na, man gihi na, a géɗ nzlembaɗ ga, a ngècèʼa a vaʼa kumba. A ta ngècè nshèffè mbiaʼa man a ndiv azɓai a mèdèp.

Matthew 25:21

Bi na a ngaɗa na: Ka gu amba, ɓèl ga nlèɓèslèʼa, man amba. Ka lèɓèsla a géɗ skwi nkèshèʼa. Anai i da ge ka a ndo mɓer skwi mbiaʼa. Do a sam mwuffe bi ngaya!

Matthew 25:34

A bai a da gaɗa ta tengahi nte civèɗ ri mandi na: Vo-washkè, kinè ndohi man Bab ga a pshè kinè ma. Va-ndau kokwar-Bi nengaʼa, man ntila a géɗ kinè te nhinkaɗ herkeda.

Marc 10:17

Aman Yèsu a civèɗ ma, ndo ngiɗè a nhakaɗai, a ngurɓahai a sam na, a ndzhoɗo: Ndo njèngè ma man amba: I da gi be kè, aman i ngècè nshèffe mbiaʼa man a ndev azɓai a mèdèp?

Romans 8:14

Ndohi tèlèba man Mèzhèɓ Zhiklè a de ta, tengaʼa wud Zhiklè.

Romans 8:19

Aman skwi man Zhiklè a gu tèlèba a zhèrèʼa, aman nʼnjèl wudahi Zhiklè a gedkaɗauda.

2 Corinthians 6:16

Gi Zhiklè a vrihai ta hümdè te mè? Aman nga, gi Zhiklè man a zhè a nshèffè. Ara Zhiklè man a gaɗa: I war a i nzi a sam tengaʼa, i shèwèlè te ndev tengaʼa; a i gi a Zhiklè ta, a tengaʼa ta gi a ndohi ga.

2 Corinthians 6:18

a i gi a Bab kinè, a kin gi a wudahi a dalahi ga, Bi Zhiklè wuɗi tèlèba a gaɗa.

Hébreux 8:10

Na haha nderzlè-ma man i woy a i giaʼa, a nda ndohi Israel, te deɓ patshi sa, Bi Zhiklè a gaɗa: I woya man i va ta ma kita ga a ndav tengaʼa, a i winda ta a ndav ta. A i woy a i gi a Zhiklè tengaʼa, a tengaʼa ta gi a ndohi ga.

1 Peter 3:9

Ndo man a ga kinè skwi ambaɓiaʼa, kin menda na a deɓa a skwi ambaɓia ɓai. Ndzoan ba, kin menda a deɓa a ndzoan ɓai; aman va-pshè ta ma katak. Zhiklè a baha kinè a pa, aman kin ngècè mpshè ma.

Apocalypse 2:11

Ndo man zlembaɗ na a zhè, da tsena ma man Mèzhèɓ Zhiklè a gaɗa ta mpi ndohi Zhiklè: Ndo man nʼngaʼa a ngulaʼa, skwa a da dza na a sam mʼmetsi macecèwaʼa azɓai.

Apocalypse 2:17

Ndo man zlembaɗ na a zhè, da tsena ma man Mèzhèɓ Zhiklè a gaɗa ta mpi ndohi Zhiklè: Ndo man nʼngaʼa a ngulaʼa, i woya man i da va na manna nʼnghedaʼa, a i woya man i va na kwa nslekaɗaʼa, a deɓ kwa sa nzlembaɗ ngiɗè mɓuaʼa a zhè, ndo ngiɗè a sun nengaʼa ɓai, sèi nengaʼa man a ngots kwaʼa.

Apocalypse 2:25

Aman skwi man kin ngotso, va-ɓüro, ha i shkè.

Apocalypse 2:7

Ndo man zlembaɗ na a zhè, da tsena ma man Mèzhèɓ Zhiklè a gaɗa ta mpi ndohi Zhiklè: Ndo man nʼngaʼa a ngulaʼa, a da ndi wof nshèffè man a zhè a sam Bi Zhiklè mbelaʼa.

Apocalypse 21:3

A i tsena ngèɗè mbiaʼa a sam nʼnzi bi Zhiklè, man a gaɗa: Na haha, gi Zhiklè a zhè a sam ndohai! Bi Zhiklè a da nzi a sam tengaʼa, a tengaʼa ta da gi a ndohi nengaʼa, Zhiklè a ri na a nzi a sam tengaʼa, Bi Zhiklè ta.

I Samuel 2:8

Mbelaw ndo a ftkoɗauda te mèrwèc, ndo ntawassaʼa a ckoɗauda te va koskosai, aman a nʼnzede ta a va bihai, a va ta sam nʼnzi bi mbiaʼa. Aman skwi ngshè verzi herkeda, a Ndo nzi pèc pècèk. A nfa na herkeda a gèɗ.