Apocalypse 21:22 - Ma Zhiklè

²² A i rka gi Zhiklè te pa ɓai; aman Bi Zhiklè, Bi wuɗi tèlèba, a kra tambak, nasa gi Zhiklè tengaʼa.

Mofa New Testament

²² A i rka gi Zhiklè te pa ɓai; aman Bi Zhiklè, Bi wuƌi tèlèba, a kra tambak, nasa gi Zhiklè tenga'a.

Apocalypse 21:22 ပူးပေါင်းရင်းမြစ်များ

I Rois 8:27

Aman a vava Zhiklè a da nzi a sam ndohi tʼherkeda dè? Ko sam te giɗfèkihai, kala a géɗèʼa, a slra ka ɓai, azɓa gi man nga rama ka haha dè?

II Chroniques 2:6

Aman nslaha a nrèm gi a nengaʼa wa? Ko sam te giɗfèk, kala a géɗèʼa, a slra na ɓai. I wa, aman a i rèm gi nengaʼa? Sèi man i ndara na ɓurdi genè kla!

II Chroniques 6:18

Aman a vava Zhiklè a da nzi a sam ndohi tʼherkeda dè? Ko sam te giɗfèk, kala a géɗèʼa, a slra ka ɓai, azɓa gi man nga rama ka haha dè?

Esaie 66:1

Ndo nzi pèc pècèk a gada: Gidfèk sam nʼnzi bi ga, a herkeda skwi nfi sak ga. Gi mè, man kin woy a kin gayè? Sama tema, man i nzi a pa?

Matthew 24:2

A Yèsu a ngaɗa ta: Kin rka skwi haha tèlèba ka ɓi ɗè? A vava i gaɗa kinè: Ko kwa staɗ a da nzi a géɗ ngiɗè azɓai, ta da mbeɗ ta tèlèba.

Jean 10:30

Nga a Bab ga, nga staɗgenè.

Jean 13:32

Aman Zhiklè nʼnzala te nengaʼa, Zhi-klè ba a da njèl Yèsu a ri na ndul ndul.

Jean 4:21

Yèsu a ngaɗa na: Ngwoz, co ma ga! Patsaʼa a di a shkè, aman kin da tsi ri a Bab Zhiklè a géɗ za ka ɓai, te kokwar Jérusalem ka ɓai.

Jean 4:23

Aman patsaʼa a shkè, ani a zhè ma, aman ndohi man ta tsi ri Zhiklè zuraʼa, ta tsi ri a Bab Zhiklè te Mèzhèɓ Zhiklè, a nzuraʼa. Aman Bab ga a woya a ta tsi ri arsa.

Colossiens 1:19

Ambaha Zhiklè, aman skwi na tèlèba a zhè te nengaʼa.

Colossiens 2:9

Aman te Kristi skwi Zhiklè tèlèba a zhè a vava.

Apocalypse 1:8

Iyè, i Alpha a Oméga, Bi Zhiklè a gaɗa, nengaʼa man a zhè antanta, man a zhè zlèzlèa, man a di a shkè, Bi wuɗai tèlèba.

Apocalypse 11:17

Nga shid gèɗ, Bi Zhiklè, Zhiklè wuɗi tèlèba, man ka zhè, ka nza daga zlèzlèa, a géɗ man ka gi Bai a nʼnjèlè ngaya mbiaʼa.

Apocalypse 14:4

Nasa ndohi man ta lizha va ta a ngwozi ɓai, a ta ɓür va ta, ta sossur ɓai, a ta dè a verzi kra tambak a sam tèlè man a dè a pa. Ndohi haha ta sumka ta a deɓa te va ndohai, a tsuvomhi Zhiklè, a tsuvomhi kra tambak.

Apocalypse 15:3

a ta slu dimèsh Moise, ɓèl Zhiklè, a dimèsh kra tambak, a ta gaɗa: Skwi man ka gau, skwi mbiaʼa, skwi nrkedai, Bi Zhiklè, Bi wuɗi tèlèba! Civèɗ ngaya nzuraʼa a vava, ka Bi ndohi herkeda.

Apocalypse 16:14

Mèzhèɓhi sa, madzagihai, a ta gi nrkedai. A ta de ta a sam bihi herkeda tèlèba, aman ta ɓic ta, a pats var mbiaʼa man a Bi Zhiklè, Zhiklè wuɗi tèlèba.

Apocalypse 16:7

A i tsena sam mvi skwi a Zhiklè man a bèhè: A vava, Bi Zhiklè, Zhiklè wuɗi tèlèba, kita ngaya amba zuraʼa.

Apocalypse 19:15

Kafahi gwèsh wètwè-tèʼa a shkè auda te ma na, man a bazl ta ndohi herkeda, a da war ta a gada züdo, a nkèlè skwi te klok nʼndha a skwi nsi ndzoan Bi Zhiklè mbiaʼa, a Zhiklè wuɗi tèlèba.

Apocalypse 4:8

Skwi faɗ staɗ staɗ tèlèba ta ngots kelpasl mokwa, a di kumba tʼhwaɗaʼa, a ta ngots sam nshèk va ɓai, a pats a vaɗ, a ta gaɗa: Nkezlaʼa, nkezlaʼa, nkezlaʼa, Bi Zhiklè, Bi wuɗi tèlèba, man a zhè zlèzlèa, man a zhè antanta, man a di a shkè.

Apocalypse 5:6

A i rka kra tambak te ndev sam nʼnzi bai a skwihi faɗ a nshèffè, a ndohi nhalaʼa; kra tambak sa ara man ta zlama na daʼai ma, a drom tsaraɗ, a di tsaraɗ. Nasa Mèzhèɓhi Zhiklè tsaraɗ man ta zlinde ta a herkeda tèlèba.

Apocalypse 7:15

A géɗ nengaʼa ta zhè a ma sam nʼnzi bi Zhiklè, a ta takaha a pats a vaɗ te gi Zhiklè nengaʼa. A nengaʼa man a nzi a géɗ sam nʼnzi bai a da nza ta a dai.

Apocalypse 7:17

aman kra tambak te ndev sam nʼnzi bai a da war ta, a de ta a sam nlèlè a iyam nshèffe, a Zhiklè a da saha ta kuɗa auda a dai.