Apocalypse 20:3 - Ma Zhiklè

³ a nkalda a vèvèɗ mpèltemtemaʼa, a mpizleda pa a skwi mpizlèʼa, ntkotsa a deɓaʼa, aman a slaha a mpe ta ndohi herkeda a wi asaɓai, ha mvi gozhèm staɗ klèng. Te deɓaʼa ta da prèʼa kèshkata zaʼa.

Mofa New Testament

³ a nkalda a vèvèd mpèltemtema'a, a mpizleda pa a skwi mpizlè'a, ntkotsa a deɓa'a, aman a slaha a mpe ta ndohi herkeda a wi asaɓai, ba mvi gozhèm staƋ klèng. Te deɓa'a ta da prè'a kèshkata za'a.

Apocalypse 20:3 ပူးပေါင်းရင်းမြစ်များ

Psaumes 90:4

Mvi dumbok dumbok, a sam di ngaya ara pats staɗ genè, man a nʼndev na adatsa, ara nʼngwèdè nzhun staɗ.

Daniel 6:17

A ta cko kwa a ta pizlè na ma a vèvèɗ a pa. A bai a ndè na ma a pa a tèslri nengaʼa, a tèslri ndohi nengaʼa mbibihiaʼa, aman ta slaha ta gi maya ngiɗè a géɗ Daniel azɓai.

Matthew 24:24

Aman kristihi ncèkèlma, a ndohi nhadka ma ncèkèlma ta da slèmbèɗè, a ta ngreda skwi malwuɗi mbiaʼa, a nrkedai, aman ta pèkètède ta ndohi mparahiaʼa ba, man ta slaha.

Matthew 27:66

A tengaʼa to do, a ta tsapa gi dzavai, a ta pu sojèhai, a ta ɓer gi dzavi a nda ta.

Marc 4:15

Tengahi ngiɗè, ta ara zolom civèɗ, man a wusheda ma Zhiklè a pa. A ta tsena ma, aman tsam tsam Sadan a shkè, a helama ta maʼa man nwusha a ndav ta.

Luke 8:31

A ta tsu riaʼa: Ka da gaɗa nga, aman nga dè a vèvèɗ pèltemtemaʼa ɓai!

2 Corinthians 11:3

Aman i gi zlau, lèmèlèmè ara zhüzhok a mpeda Eve a wai a maya na, nhér gèɗ kinè nzuraʼa a nlèɓèslèa te Kristi, a da gedas na.

2 Peter 3:8

Aman skwi staɗ va-hur pèc pècèk, dalahimam gai A sam di Bi Zhiklè pats staɗ nara mvi gozhèm, mvi gozhèm nara pats staɗ.

Apocalypse 12:9

A ta kalda skwi man nara kedam matsa aussa, zhüzhok nzlèzlèa, man nzlembaɗ na madzagai a Sadan, man a peda herkeda tèlèba a wai. Ta kalda a herkeda a nda golahi nengaʼa.

Apocalypse 13:14

A mpe ta ndohi a géɗ herkeda a wai a skwi man a slaha a ngrédè tsaɗ tsaɗ a sam di skwi dak. A ngaɗa ta ndohi a géɗ herkeda, aman ta gi mèzhèɓ skwi dak, a mblè kafahi gwèsh a va, man a mbel na zaʼa.

Apocalypse 17:2

man bihi herkeda ta gu mphömè a vna. Mphömè man ta gu a vna a nkeɗ ta ara zom.

Apocalypse 17:8

Skwi dak man ka rkaʼa, a zhè a matsa, ani asaɓai, a da skè auda zaʼa te vèvèɗ mpèltemtemaʼa, a da hi na a sam ngedassaʼa, a ndohi a géɗ herkeda ta da rzl ta, ndohi man nzlembaɗ ta mwindèa te ɗèlèwèr nshèffè ɓai, daga nhinkaɗ herkeda, aman ta rka skwi dak ara man a nza, antanta asaɓai, a da zhè zaʼa.

Apocalypse 20:1

A i rka gol Zhiklè ngiɗè man a shkè te zhiklè, a skwi mwinè vèvèɗ mpèltemtemaʼa te rai, a cèlèlèu mbiaʼa.