Apocalypse 2:3 - Ma Zhiklè

³ Ka zhèr skwi a dai, a ka zhüɓ skwi nʼnzalaʼa a géɗ nzlembaɗ ga, a ngeza ka ɓai.

Mofa New Testament

³ Ka zhèr skwi a dai, a ka zhüɓ skwi n'nzala'a a géƋ nzlembaƋ ga, a ngeza ka ɓai.

Apocalypse 2:3 ပူးပေါင်းရင်းမြစ်များ

Psaumes 37:7

Nza tètè a sam Ndo nzi pèc pècèk, zhor nengaʼa! Ka gu di a ndo man manam a va ɓai, ko a géɗ ndo nʼngwèdè ndo ma ba.

Psaumes 69:7

Bai, Zhiklè bi mbiaʼa, ndohi man ta pi ndav a ka, a ndohi man ta woy ka, da ngotshori a di a géɗ ga ɓai!

Michée 7:9

I woy a i cè ndzoan Ndo nzi pèc pècèk, te man i gu mali a sam na, ha pats man a nckay auda te kita, a ndiyè a sam skwi nhél sam, a i rka ngi-zuraʼa nengaʼa.

Marc 15:21

A ta fa na a gèɗ a wuɗai a Simon te Cy-rène, Bab Alexandre a Rufus, man a shkè te gi dau na, aman a zhüɓ wof ngézlèl Yèsu.

Luke 14:27

A ndo man a zhüɓ wof ngézlèl na azɓai, a dzadzar-kayè, a slaha a ngi a gol ga ɓai.

Luke 18:1

A ngaɗa ta a ngèlègèɗ-ma: Amba aman kin tsi ri pèc pècèk, a kin ngez ɓai!

Luke 21:19

Aman kin mana ndav kinè a kin dè a ma ma, kin da mbél nshèffè kinè.

Luke 5:5

Simon a mʼmbeɗa na a ma: Bai, nga gu mizlinè daga man a vaɗ tèlèba, nga ngatsa skwa ɓai. Aman a géɗ man ka goɗo, i wusheda lata mènè.

Luke 8:15

Aman nengaʼa a sam mbelaʼa, tengaʼa man ta ɓer ma man ta tsenaʼa, a ndav amba a nzuraʼa, ta yi wuda, a ta nzi dai.

Jean 15:21

Aman skwi haha tèlèba, ta da ga kinè a géɗ nzlembaɗ ga, a géɗ man ta sun nengaʼa man a zlindekayè ɓai.

Romans 12:12

Va-wuffa te nzhèrè te ndav, vo-zhor skwi a dai te matakwan, va-tsu rai, kin ndeva ɓai!

Romans 16:12

Va-ga na mbalai a Tryphène a Tryphose, tengaʼa ta gu mizlinè te Bi Zhiklè. Vaga na mbalai a Perside, nengaʼa man i woya a ndav ga, man a gu mizlinè kumba te Bi Zhiklè.

Romans 2:7

Nshèffè a mèdèp a sam ndohi man ta nza taraʼa te mizlinè man amba, a ta zhèr I nslébèrdè, a nʼnjèlè, a skwi man a gédèshè azɓai.

Romans 8:25

Aman nga zhèr skwi te ndav, man nga rka a di di ɓai, nga nza a nga zhèrè genè.

1 Corinthians 13:7

A fa na kwa a gèɗ skwi tèlèba, a cè skwi tèlè a ndav, a zhèr skwi tèlè te ndav, a zhüɓ skwi tèlèba.

1 Corinthians 16:16

Kinè ba, va-manda gèɗ a hai a sam ndohi ar haha, a sam tengahi tèlèba man ta mbi a mizlinè, a ta ngeza te pa.

2 Corinthians 10:15

Nga jégèr va a géɗ mizlinè ndo ngiɗè azɓai; aman nga zhèrè te ndav, ara man ncè-a-ndav kinè a grè a ma ma, kin slebarde nga ba, ara mizlinè man nga gau.

2 Corinthians 11:23

Tengaʼa ndohi mizlinè Kristi – i gèɗè ara man gèɗ ga nza: I ba holholaʼa! I fen ta a mizlinè. I nza a dangai sak kumba a fena tengaʼa. Ta ndahyè holholaʼa. I beza a ndev matakwan mʼmetsai sak ngam ngam ba.

2 Corinthians 4:1

Gar haha a géɗ man nga ngots mizline aranta, a nga si Zhiklè te va, nga ngézhè azɓai.

2 Corinthians 4:16

Gar haha nga ngézhè azɓai; aman ko va nga a gédèsh na, ndav nga a gi a mɓuaʼa pèc pècèk.

2 Corinthians 5:9

A géɗ nasa nga gi maya maya, aman nga nzi a nshèffè ara man ambaha Zhiklè, ko nga te ngwi ma, ko nga te va nga haha dai.

2 Corinthians 6:5

a sam man ta ndah nga, te gi dangai, a sam nrubai, man ntulè a keɗ nga, te nʼnzi a dai, a ntiɗè a mai,

Galates 6:2

Staɗ staɗ da takaha a nzhüɓ skwi man a nzala na ndo ngiɗè, aman ar haha kin gu ara ma kita Kristi.

Galates 6:9

Ngo-gokoy skwi man amba, a nga ngézhè azɓai. Aman nga jèkeda ɓai, a pats nasa a di nga da ɓicè skwai.

Philippiens 2:16

a ma nshèffè te rai. Aranta kinè ara skwi njégèr va ga a pats Kristi, man a ngrédè auda, i hau ambali ka ɓai,

Philippiens 4:3

A vava ka ba, ndo ntakahayè nlèɓèslèa, sèi ka takaha ta ngwozi haha. Ta takahayè a ngi gèjau a géɗ ma mbelaʼa, a nda Clément, a ndohi ntakahayè ngiɗè, man nzlembaɗ ta a zhè te ɗèlèwèr nshèffè.

Colossiens 1:11

kin nzala, a wuɗai, ara wuɗi nʼnjèl nengaʼa tèlèba, aman kin dè a ma ma te nzhèr skwi a dai, a mwuffe.

1 Thessalonians 1:3

a nga hér mizlinè kinè te ncè-a-ndav pèc pècèk, a mizlinè kinè te mwoy-ndo a ndav, ara man kin nzi te nzhèr Bi nga Yèsu Kristi te ndav, a sam Zhiklè, Bab nga.

1 Thessalonians 2:9

Dalahimam nga, va-hur mizlinè nga, a ntulè nga, ara man a pats a vaɗ nga gu mizlinè, a nga rzla kinè va a gèɗ ɓai, ko a ndo staɗ, a nga nju ma mbelaʼa man a Zhiklè a sam kinè.

1 Thessalonians 5:12

Nga tsa kinè rai, dalahimam nga, aman kin pi di a tengaʼa man ta gi mizlinè a sam kinè, a ta takaha kinè a ma Zhiklè, a ta bid kinè.

2 Thessalonians 3:13

Aman kinè, dalahimam nga, kin ngez ɓai te ngi skwi man amba!

2 Thessalonians 3:5

Aman Bai Yèsu da ngwodkoɗi ndav kinè a sam mwoy-ndo Zhiklè, a sam nzhèr skwia dai te Kristi.

2 Thessalonians 3:8

Nga nda skwi ndo ngiɗè ambali ɓai, aman nga gu mizlinè a ri nga a pats a vaɗ, a vazaza a va a nga rzla kinè va a gèɗ ɓai.

1 Timothy 4:10

Nga gi mizlinè a wuɗi a va, a vazaza, a géɗ man nga zhèr Zhiklè te ndav, Zhiklè man a zhè a nshèffè, nengaʼa ndo mʼmbel ndohi tèlèba, nshèlèkuraʼa ndohi ncè a ndav.

1 Timothy 5:17

Va-slebarde ta ndohi mɓer ndohi Zhiklè, man ta gi mizlinè zuraʼa, holholaʼa tengahi man ta njè ma Zhiklè, a ta jèngè ta ndohai.

Hébreux 10:36

Aman skwi man a woy a zhè a sam kinè: Nzhèr skwia dai, nʼnzi taraʼa. Te deɓaʼa man kin gu skwi man Zhiklè a woyaʼa, kin ngècè skwi man Zhiklè a mpasla kinè ri a pa.

Hébreux 12:1

Gar haha nga ba, aman ndohi malwuɗihi kumba aranta ta tèuda nga a pa, ara dzarai, ngo-jokokoy skwi tèlèba man a nzala nga, a mali man a gse nga hi pèc pècèk. Ngo-monokoy ndav, ngo-hokoy a ma!

Hébreux 13:13

Gar haha ngo-dokoy auda a sam nengaʼa a dal kokwar, a nga mbi a hori nengaʼa.

Hébreux 6:10

Aman Zhiklè nzuraʼa, a mizlinè kinè tèlèba, man kin gau a nzlembaɗ na, mwoy-ndo kinè man kin takaha ta ndohi Zhiklè a vna, ko ani ba kin takaha ta dai, a pca na a gèɗ azɓai.

Hébreux 6:12

Nga woya aman a kin gi wudar azɓai, a kin jèjèr tengaʼa man te ncè-a-ndav, te nzhèr skwia dai, ta ngècè skwi Zhiklè man a pasla ta ri a pa.

Hébreux 6:15

A Abraham a nʼngots skwi man mpasla na ri a pa, te man a nzhor a ma ma.

2 Peter 1:6

va-ngatsa na ngshè-va a va maya te gèɗ; va-ngatsa na nzhèr skwi a ma ma a va ngshè-va; va-ngatsa na zlau Zhiklè a va nzhèr skwi a ma ma,

Apocalypse 1:9

I, Jean, kramam kinè, ndo man nga mbi a matakwan, a kokwar-bai, a nzhèr skwia dai te Yèsu a nda kinè. I nza te Patmos, herkeda nte ndev iyam, a géɗ ma Zhiklè a ma malwuɗi Yèsu.

Apocalypse 3:10

A géɗ man ka ɓür ma ga, a ka zhèr skwi a dai, i ba i woy a i ɓir ka a sam njkédè ndo, man a di a shkè a géɗ ndohi herkeda tèlèba.