Apocalypse 18:6 - Ma Zhiklè

⁶ Va-ga na, ara man a ga kinè. Skwi man a ga kinè, va-ga na ta ta man a nengaʼa cèw. A kokwi man a hala kinè a vna, va-ɓala na a nengaʼa te pa cèw.

Mofa New Testament

⁶ Vaga na, ara man a ga kinè. Skwi man a ga kinè, vaga na ta ta man a nenga'a cèw. A kokwi man a ɓala kinè a vna, vaɓala na a nenga'a te pa cèw.

Apocalypse 18:6 ပူးပေါင်းရင်းမြစ်များ

Psaumes 137:8

Dem Baby lone, ta da gedas ka; mwuffè a sam ndo man a da pela nga di man a nga!

Psaumes 28:4

Ga ta lèmèlèmè ara skwi man ta gau, ara skwi tengaʼa ambaɓiaʼa! Va ta ara mizlinè ri tengaʼa, va ta skwi ntul ta arsa!

Esaie 40:2

Va-gaɗa na kokwar Jérusalem, a kin pa ta ndav a pa. Va-njè ta: Mizlinè ɓèl tengaʼa a ndev na ma, mali tengaʼa mpela ma. Ta ngots kita sak cèw te ri Ndo nzi pèc pècèk, a géɗ mali tengaʼa.

Esaie 61:7

A géɗ man ndohi ga ta sau matakwan sak cèw, a ta ngots hori a skwi nʼndi gai, sèi ta ngècè te kokwar tengaʼa skwi a gi sak cèw, a mwuffè a mèdèp.

Jérémie 16:18

Gar haha i jhèɗè skwi mpil gèɗ sak cèw a géɗ mali ta a mphömè ta, a gèɗ man ta derde kokwar ga, a skwi hori tengaʼa man nhusla sa.

Jérémie 17:18

Ndohi mparahayè sèi da ngots hori a dai, iyè ka ɓai. Sèi tengaʼa da rzl ta, iyè ka ɓai. Ga ta matakwan, tsede ta a hi sak cèw!

Jérémie 50:15

Va-guzlu var a géɗ nengaʼa a sam tèlèba! Nengaʼa a gidè rai, sak gi nengaʼa mʼmbeɗ na, zlazlar nengaʼa nzlina; nasa kita Ndo nzi pèc pècèk. Vo-dzhoɗo skwi mpil gèɗ a sam na, va-ga na lèmèlèmè ara man nengaʼa a gau!

Jérémie 50:29

Va-bahka ta ndohi lèkèɗ, tèlèba man ta sun mɓèr skwai a lèkèɗ, a kokwar Babylone. Va-nza na ma a sam tèlèba, aman ta slaha ta hi auda azɓai. Va-ga na ara maya nengaʼa man a gau, va-ga na lèmèlèmè ara man nengaʼa a gau. Aman nengaʼa a grè gèɗ a sam Ndo nzi pèc pècèk, Zhiklè Israel nkezlaʼa.

Jérémie 51:24

I da ngwoda ta skwi ambaɓiaʼa tèlèba man Babylone a ndohi Chaldée ta ga na Sion, a gèɗ, a sam di kinè, Ndo nzi pèc pècèk a gaɗa.

Jérémie 51:49

Babylone ba a da kè-lèhai, a géɗ kinè ndohi Israel mbazlaʼa, lèmèièmè ara man ndohi a géɗ herkeda tèlèba ta bazl ta a géɗ Babylone.

Lamentations de Jérémie 3:64

Ndo nzi pèc pècèk, pulkoy di man a ga auda a sam ta, ara skwi man ta gau.

Zacharie 9:12

Vo-washkè a deɓa a sam ndakmaʼa, kinè ndohi dangai, man kin zhèrèʼa! A patsna ba i gaɗa kinè: Te di matakwan kinè staɗ, i va kinè pombi cèw.

2 Timothy 4:14

Alexandre, ngwozla, a ngay skwi man ambaɓi kumba. Bai Yèsu a da pela na ara skwi man a gau.

Apocalypse 13:10

Ndo man a pe ta ndohi ngiɗè a dangai, a dè a gi dangai lèmèlèmè. Ndo man a keɗa ndo a kafahi gwèsh, ta da kéɗèʼa a kafahi gwèsh lèmèlèmè. Na haha, nzhèr skwia dai a ncè-a-ndav ndohi Zhiklè!

Apocalypse 14:10

sèi a si kokwi ndzoan Zhiklè a géɗagèɗ; a ta da ga na matakwan a vogwa man skwi nvècè vogwa te pa, a sam di golahi Zhiklè nkezlaʼa, a sam di kra tambak.

Apocalypse 16:19

A kokwar mbiaʼa, nkezla na te va makar; a kokwarhi mbibihiaʼa tʼherkeda ta mbeɗ ta. A Bi Zhiklè a nhur Babylone, kokwar mbiaʼa, a mva na kokwai, nʼndha a ndzoan Zhiklè, man a gi ndav worworaʼa, aman a nsiaʼa.

Apocalypse 17:2

man bihi herkeda ta gu mphömè a vna. Mphömè man ta gu a vna a nkeɗ ta ara zom.

Apocalypse 17:4

Ngwoz a maslaka nduzoa a vèvèzh a va, mbè te pa a guro a kwahi mbelaʼa, a skwi ngiɗè ara jimkaya, a kokwi guro te rai, nʼndha a skwi man a ndèrè ndo, a skwi nlizhèʼa a mphömè na.

Apocalypse 18:20

Giɗfèk, wuffa a géɗ nengaʼa! Va-wuffa, kinè ndohi Zhiklè a ndohi sak a ndohi nhadka ma! Aman Zhiklè a nʼnga na kita a gèɗ, a géɗ kinè!