Apocalypse 17:3 - Ma Zhiklè

³ A ndiyè a hèshèkèɗ te Mèzhèɓ. A i rka ngwoz nʼnza a deɓ skwi dak, ngi na ara vèvèzh, a nzlembaɗ nderɗe Zhiklè kumba, a gèɗhi tsaraɗ a dromhi kula.

Mofa New Testament

³ A ndiyè a hèshèkèƋ te Mèzhèɓ. A i rka ngwoz n'nza a deɓ skwi dak, ngi na ara vèvèzh, a nzlembaƋ nderƋe Zhiklè kumba, a gèƋhi tsaraƋ a dromhi kula.

Apocalypse 17:3 ပူးပေါင်းရင်းမြစ်များ

I Rois 18:12

Aman antanta i dè ga, a Mèzhèɓ Ndo nzi pèc pècèk a ce ka auda a haha, i sun sam man ka a pa ɓai, a i dè a sam Achab a i ngra na, a nengaʼa a da ngats ka ɓai, a da kedyè. Iyè, ɓèl ngaya, i slubordo Zhiklè te kra.

II Rois 2:16

Ta gada na: Na haha te va ɓèlèlihi ngaya ngul ndohi 50 ta zhè. Va ta civèɗ, a ta da woyko babgi ngaya. Nsun wa, gar Ndo nzi pèc pècèk a mco, a nkalda a géɗ za ngiɗè, gar a nkulgodok ngiɗè. Aman nengaʼa a ngaɗa: Kin do ɓai!

Cantique des Cantiques 8:5

Nshkè te civèɗ hèshèkèɗ, a nda thè va a kra ndo na, wa? I piɗèkwud ka te verzi mbrom. A pa mam ngaya a nɗüsh va, nengaʼa man a ye ka.

Ezéchiel 11:24

Mèzhèɓ Zhiklè a ndzavyè, a ndiyè a deɓa a kokwar Chaldée, a sam ndohi man a hel ta a ɓèlè te skwi Zhiklè man a rkayè a dai. A skwi Zhiklè man a rkayè a di, kal na.

Ezéchiel 3:12

Te deɓaʼa Mèzhèɓ Zhiklè a ngsyè. I tsena nhèzlèwè mbiaʼa te deɓ ga, a nʼnjèl Ndo nzi pèc pècèk a ndo auda a samaʼa.

Ezéchiel 8:3

A ntorko skwi ngiɗè ara rai, a ngsyè te gwots gèɗ. A Mèzhèɓ Zhiklè a ndzavyè a géɗèʼa, te ndev nda giɗfèk a herkeda, a ndyè a kokwar Jérusalem, te skwi Zhiklè man a nrkay a dai; a ntamagi tʼhwaɗaʼa, man a nʼngwoda ma a civèɗ man a géɗèʼa, a sam skwi mbèh skwai man a mpoko na gèɗ ndav auda a Zhiklè, a srak.

Daniel 11:36

Bai a gi skwi ara man ndav nengaʼa a woyaʼa, a da grè gèɗ, a fi va, a sam zhi-klèhi mèmè, a da fi va a sam Zhiklè a géɗ zhiklèhi tèlèba. A da gèɗè ma nfi va, ha pats nʼndikèma ndzoan Zhiklè, te man skwi man a ngaɗdahai a gai.

Daniel 7:20

A i woy a i suna a géɗ dromhi nengaʼa te gèɗ kula, a drom ngiɗè man a nftska te pa a sam dromhi ngiɗè makar, a ngèɗè ma mbiaʼa, skwi mbiaʼa man a fena njèkèɗia ngiɗè.

Daniel 7:25

A da ga na ma a va Zhiklè te géɗèʼa kumba, a da ga ta matakwan a ndohi Zhiklè nkezlaʼa, a woya a humbèɗè patshai, a humbèɗè ma kita. Zhiklè a da pe ta a ri nengaʼa nʼnzi a zhè, za nʼnzi a zhè zaʼa, za nʼnzi a zhè a rètaʼa zaʼa.

Daniel 7:8

I wor drom; na haha drom ngiɗè nkèshèa a nftska te pa, a dromhi ngiɗè makar ta proslkoɗauda te pa a samaʼa. Di nengaʼa a zhè, ara di ndo; ma nengaʼa man a gèɗè ma mbiaʼa.

Matthew 27:28

A ta suɗama na maslaka nengaʼa auda a va, a ta va na maslaka vèvèzh a va,

Actes 8:39

Aman ta shkè auda te iyam, Mè-zhèɓ Bi Zhiklè a nco Philippe auda a sam di na, a ndo mɓer gi bai a nrkaʼa te deɓaʼa asaɓai. Aman nengaʼa a ndo a ma a civèɗ na a mwuffè.

2 Thessalonians 2:4

Nengaʼa mayam, man a fi va a géɗ skwi Zhiklè tèlèba, a géɗ ntsi ri Zhiklè ba, a nzi a hai te gi Zhiklè, a da fi va na a Zhiklè.

Apocalypse 1:10

A Mèzhèɓ Zhiklè a mshkè a géɗ ga a pats Bi Zhiklè, a i tsena ngèɗè mbiaʼa te deɓ ga, ara tolom,

Apocalypse 12:14

A ta va na kelpasl Vezi mbiaʼa cèw a ngwoz, aman a slaha a nhi na a hèshèkèɗ, a sam nʼnzi na. Te pa ta va na skwi nʼndi mvi staɗ, a mvi ngiɗè cèw a rètaʼa, dra a sam zhüzhok.

Apocalypse 12:3

A skwi ngiɗè nʼngreda auda te giɗfèk: Skwi ngiɗè mbiaʼa ara kedam nteva, a gèɗhi tsaraɗ, a dromhi 10; a géɗ gèɗhi skwi mpèɗè gèɗ tsaraɗ.

Apocalypse 12:6

A ngwoz a mhu na a sam ngiɗè, man Zhiklè a ntila na, aman te pa ta va na skwi nʼndi mʼmèn 1.260.

Apocalypse 17:18

A ngwoz man ka rkaʼa, nengaʼa kokwar mbiaʼa, man a gi bai a géɗ bihi a géɗ herkeda.

Apocalypse 17:4

Ngwoz a maslaka nduzoa a vèvèzh a va, mbè te pa a guro a kwahi mbelaʼa, a skwi ngiɗè ara jimkaya, a kokwi guro te rai, nʼndha a skwi man a ndèrè ndo, a skwi nlizhèʼa a mphömè na.

Apocalypse 18:12

Guro a verzhègenè, kwa mbelahiaʼa, a skwi ngiɗè ara jimkaya, a maslaka bata mbelda, a vèvèzh, maslaka man gani a pa kumba, maslaka ntevaʼa, a wof tsaɗ tsaɗ man a zhkè amba, a zlèʼèn fakawai, a skwi tsaɗ tsaɗ man ta gu a wof a züdo guro, a züdo, a kwa mvècèʼa,

Apocalypse 18:16

Wobau, wobau, ka kokwar mbiaʼa, man halaʼa a maslaka bata mbelaʼa a va, nduzoa, a vèvèzh, mbè te pa a guro a kwa mbelaʼa a skwi ngiɗè ara jimkaya.

Apocalypse 21:10

A ndiyè te Mèzhèɓ a géɗ za mbiaʼa ngurèʼa, a nʼngray kokwar Jérusalem nkezlaʼa, man a shkèhi te zhiklè a sam Bi Zhiklè,

Apocalypse 4:2

A i rka sam nʼnzi bai te zhiklè a zhè, a ndo a nʼnza a pa.