Apocalypse 15:4 - Ma Zhiklè

⁴ Ndo man a gi zlau ngaya azɓi wa, Bi Zhiklè. Ndo man a slébèrdè nzlembaɗ ngaya azɓi wa? Aman ka staɗ, ka kezla! A vava ndohi herkeda tèlèba ta da shkè, a ta tsi ri a sam ngaya, aman kita ngaya nzuraʼa nʼngreda auda ma.

Mofa New Testament

⁴ Ndo man a gi zlau ngaya azɓi wa, Bi Zhiklè. Ndo man a slébèrdè nzlembaƋ ngaya azɓi wa? Aman ka staƋ, ka kezla! A vava ndohi herkeda tèlèba ta da shkè, a ta tsi ri a sam ngaya, aman kita ngaya nzura'a n'ngreda auda ma.

Apocalypse 15:4 ပူးပေါင်းရင်းမြစ်များ

Psaumes 105:7

Ndo nzi pèc pècèk, nengaʼa Zhiklè nga, a gi kita a géɗ herkeda tèlèba.

Psaumes 111:9

A nzlinda skwi mpil gèɗ a ndohi na, a mva ta nderzlè-ma nengaʼa a mèdèp. Nzlembaɗ nen-gaʼa nkezlaʼa, mwuɗitpa.

Psaumes 22:23

I woy aman i njè nzlembaɗ ngaya a sam kramamhi ga. I woy aman i nzal ka te ndev mpi ndohi Zhiklè.

Psaumes 22:27

Ndohi man ta manda ta gèɗ a hai, ta da ndi skwai a ta ngézhè. Ndohi man ta woya Ndo nzi pèc pècèk, ta da shida na gèɗ. Ndav kinè da nza a nshèffè a mèdèp!

Psaumes 22:3

Zhiklè ga, i kuɗi a pats, a ka mbeɗay a ma azɓai. Ko a vaɗ i jèkeda mbèhè azɓai.

Psaumes 86:9

Ndohi herkeda tèlèba man ka ge ta, ta da shkè a ta da kèlèhi a deɓ sak ngaya a ta slébèrdè nzlembaɗ ngaya, bai, Zhiklè.

Psaumes 89:7

Te giɗfèk ngar Zhiklè wa? Te va golahi Zhiklè, ngar Ndo nzi pèc pècèk, wa?

Psaumes 97:8

Sion a tsenaʼa, a wuffè, dalahi Juda ta sli dimèsh a mwuffè, a gèɗ kita ngaya, Ndo nzi pèc pècèk.

Psaumes 99:5

Va-nzala Ndo nzi pèc pècèk, Zhiklè nga, va-kalahai a deɓ skwi nfi sak nengaʼa! Zhiklè nkezlaʼa!

Psaumes 99:9

Va-nzala Ndo nzi pèc pècèk, Zhiklè nga, va-kalahai a deɓ sak nengaʼa a sam za nengaʼa nkezlaʼa! Aman Ndo nzi pèc pècèk, Zhiklè nga, nengaʼa nkezlaʼa.

Esaie 24:15

Gar haha vo-slubordo Ndo nzi pèc pècèk a géɗ herkeda te civèɗ mvèng pats, vo-slubordo nzlembaɗ Ndo nzi pèc pècèk, Zhiklè Israel, a géɗ herkeda nte ndev iyam!

Esaie 25:3

A géɗ nengaʼa ndohi herkeda ngiɗè, kokwar man wuɗi ta a zhè, ta slebarde ka. Kokwar ndohi herkeda man ta gi shèwa, ta gi zlau ngaya.

Esaie 26:9

Ndav ga a woy ka a vaɗ; mpataka ngaya a keɗyè; aman kita ngaya a shkè a géɗ herkeda, ndohi a géɗ herkeda ta slebi ngi-zuraʼa.

Esaie 45:23

I mbaɗa a ma ga, i goɗ zuraʼa te ma ga, ma man a fshè-wa azɓai. Gurmbèzhi tèlèba ta da gurɓè a sam ga, tèlèba ta mbèɗè te ma:

Esaie 57:15

Nengaʼa man mbiaʼa man a nzi te géɗèʼa, man a nzi a géɗ sam nʼnzi ɓai a mèdèp, nzlembaɗ nengaʼa nkezlaʼa, a goɗ ara haha: I nzi a géɗ sam nʼnzi ɓai te géɗèʼa, i nkezlaʼa. I zhè a sam ndohi man ta manda gèɗ a hai, a ndav ta a mbeɗè. I menda na ndav a pa a ndo man a manda gèɗ a hai; a i slambaɗda na gèɗ a ndo man ndav na a mbedè.

Esaie 6:3

Ngiɗè a baha na ngiɗè, a ngaɗa: Zhiklè bi mbiaʼa, nkezlaʼa, nkezlaʼa, nkezlaʼa! Nʼnjèl nengaʼa a ndha herkeda tèlèba.

Esaie 60:5

Ka da rkaʼa, a ka wuffè, ndav ngaya a gi langlangaʼa, mʼmana tʼhi ma. Skwi mèshèlè a géɗ iyam mbiaʼa a ndikè a sam ngaya a skwi mèshèlè ndohi herkeda ta da hulkoɗi a sam ngaya.

Jérémie 10:7

Ngi zlau ngay azɓi wa? Ka bi ndohi herkeda. A woy ta gi zlau ngaya, te man te va ndohi maya herkeda tèlèba, te kokwar-bihi tengaʼa tèlèba, ngiɗè ngar ka azɓai.

Jérémie 16:19

Ndo nzi pèc pècèk, ka wuɗi ga, sam man i ngheda va ga a pa, sam ga nlèaʼa a pats matakwan. Ngul ndohai ta da shkè a sam ngaya te verzi herkeda, a ta gada: Babhi nga ta ngots skwi ncèkèlma genè, skwi mbèh skwi man ambalai, man a takaha ndo azɓai.

Jérémie 5:22

Kin gi zlau ga azɓi dè? Ndo nzi pèc pècèk a gaɗa. Kin gudzi a sam ga azɓi dè? I pu wyak a kuma woyam mbiaʼa, kuma a mèdèp; a slaha a ntawaɗa ɓai. Iyam a hi a wuɗai, a slaha hai. A gi tskuduf-tskuduf, a slaha a nhi auda azɓai.

Osée 3:5

Te deɓaʼa ndohi Israel ta da menkada deɓa a ta woy Ndo nzi pèc pècèk, Zhiklè tengaʼa, a David, bi ta. A ta kèlèhi a deɓ sak Ndo nzi pèc pècèk a ta woy mpshè ma nengaʼa, a pats nʼndikè-maʼa.

Habakuk 1:12

Ndo nzi pèc pècèk, Zhiklè ga nkezlaʼa, ka daga zlè-zlèzlèa ka ɓi ɗè? Nga da metsi azɓai. Ka zlindeka ta ndohi haha a ka ga nga kita a gèɗ, ka zede nga. Tengaʼa ara ndohi sak ngaya, aman ta ngez nga.

Zacharie 14:16

Njèkèɗi ndohi herkeda tèlèba man ta gu var a Jérusalem, a mvi a mvai ta da shkè, aman ta tsi ri a Bi Zhiklè, Zhiklè bi mbiaʼa, a ta gi ngolala te godzovok.

Zacharie 2:11

A pats nasa ndohi herkeda kumba ta da gshè va a Ndo nzi pèc pècèk, a ta ndi a ndohi na. A nengaʼa a da nzi a ndev tengaʼa. A ka da suna, Zhiklè bi mbiaʼa a nzlindkayè.

Mal. 1:11

A hünkoɗi a sam man pats a vangka te pa, a ndè a sam man pats a kèlè a pa, nzlembaɗ ga mbiaʼa a sam ndohi herkeda. A sam tèlèba ta ndarayè skwi shèɗèɗèʼa a nzlembaɗ ga. Aman nzlembaɗ ga mbiaʼa a sam ndohi herkeda, Zhiklè bi mbiaʼa a gaɗa.

Romans 15:9

Aman ndohi nte deɓa sèi ta slébèrdè Zhiklè a géɗ man ta sia te va, ara man ɗèlèwèr Zhiklè a gaɗa: Gar haha i woy a i ngrede ka te ndev ndohi nte deɓa, a i sli dimèsh a nzlembaɗ ngaya.

1 Peter 1:16

Aman ɗèlèwèr Zhiklè a gaɗa: Sèi kin kezla ndav kinè, te man iyè, i kezla.

Apocalypse 11:15

A gol Zhiklè matsaraɗaʼa a ntsu tolom: a ngèɗè mbiaʼa a ntsenka te zhiklè, man a gaɗa: Ta va na kokwar-bihi herkeda a ri a Bi Zhiklè, a Kristi nengaʼa. Nengaʼa a gi Bai a ma ma a mèdèp.

Apocalypse 14:7

a ngoɗ a ngèɗè mbiaʼa: Va-gu zlau Zhiklè, va-nzala nengaʼa! Aman pats kita nengaʼa mshkè ma. Va-tsu ri a nengaʼa man a gu giɗfèk a herkeda a iyam mbiaʼa a nlèlè iyam.

Apocalypse 16:5

A i tsena gol Zhiklè man a nzlatsa a ma iyam, man a gaɗa: Ka nzuraʼa, ka man ka zhè, ka zhè zlèzlèa, ka Zhiklè nkezlaʼa, man ka gu kita aranta:

Apocalypse 16:7

A i tsena sam mvi skwi a Zhiklè man a bèhè: A vava, Bi Zhiklè, Zhiklè wuɗi tèlèba, kita ngaya amba zuraʼa.

Apocalypse 19:2

Aman kita nengaʼa amba zuraʼa, aman a ga na kita a gèɗ a ngwoz mphömè mbiaʼa, man a gedassa herkeda a mphömè nengaʼa, a pil ɓèlèlihi nengaʼa man a bazlaʼa, a ri na.

Apocalypse 19:8

A ta va na maslaka bata mbelaʼa nslekaɗaʼa, aman a mvi a va. Maslaka bata mbelaʼa sa, mizlinè nzuraʼa man ndohi Zhiklè ta gau.

Apocalypse 3:7

Winda na tsuvom mpi ndohi Zhiklè te kokwar Philadelphie: Nengaʼa man nkezla, ndo nzuraʼa man a ngots skwi mwinè ntamagi man a David, man a winèʼa, ndo ngiɗè a slaha a mpizlè te deɓaʼa ɓai. Man a mpizlèa, ndo ngiɗè a slaha a mwinè te deɓaʼa ɓai. Nengaʼa a goɗ ar haha:

Apocalypse 4:8

Skwi faɗ staɗ staɗ tèlèba ta ngots kelpasl mokwa, a di kumba tʼhwaɗaʼa, a ta ngots sam nshèk va ɓai, a pats a vaɗ, a ta gaɗa: Nkezlaʼa, nkezlaʼa, nkezlaʼa, Bi Zhiklè, Bi wuɗi tèlèba, man a zhè zlèzlèa, man a zhè antanta, man a di a shkè.

Apocalypse 6:10

A ta boho a wuɗai, a ta gaɗa: Bai, ka ndo nkezlaʼa, ndo nzuraʼa, nʼnzi tèkè aman ka gi kita azɓai, ka pela Pombaz nga azɓai a sam tengaʼa tʼherkeda?

I Samuel 2:2

Nkezlaʼa gar Ndo nzi pèc pècèk, nʼazbai. Ngiɗè azɓai, sèi ka. Sam gedeng-gedengaʼa ngar Bi Zhiklè nga, azɓai.