Apocalypse 14:5 - Ma Zhiklè

⁵ Te ma tengaʼa ncèkèlma azɓai, mali az a gèɗ tengaʼa ɓai.

Mofa New Testament

⁵ Te ma tenga'a ncèkèlma azɓai, mali az a gèƋ tenga'a ɓai.

Apocalypse 14:5 ပူးပေါင်းရင်းမြစ်များ

Psaumes 32:2

Mwuffè a sam ndo man Ndo nzi pèc pècèk a ngrè mali nengaʼa azɓai, man ncèkèlma a te ma nengaʼa ɓai.

Psaumes 34:13

Ndo man a woy nshèffè a ma-nam, ndo man a woy a nwèl va, wa?

Psaumes 55:11

Ta tèuda kokwar a pa, a ta beza a géɗ zlazlar ko pats ko vaɗ. Skwi nzura ka ɓai, skwi ambaɓiaʼa tèlèba a gi a kokwaraʼa.

Proverbes 8:8

Ma ga tèlèba, ma nzuraʼa skwi nterɗaʼa, ambaɓiaʼa, a te pa ɓai.

Cantique des Cantiques 4:7

Ka amba, mbikaɓai, skwi ndav ga, rofrofaʼa.

Esaie 53:9

Ta gu gi dzavi nengaʼa te ndev ndohi malai, ta rda a va ndohi mèshèlè, ko nengaʼa a nʼnga skwi ambaɓia ɓai, a ntsakala ma ɓai.

Daniel 6:4

Te deɓaʼa bihi kokwarhai ta woy a ta ngècè malai a sam Daniel te mizlinè man a ga na bai. Aman ta ngatsa skwa ɓai, ta ngatsa mali ɓai, te man nengaʼa nlèɓèslèʼa, a nhera na gèɗ a va miztinè pèc pècèk. Ta ngatsa skwa a sam na ɓai.

Osée 10:2

Ta pi gèɗ cèw. Aman sèi ta pil gèɗ! Zhiklè a da mbeɗa mblom tengaʼa, a mbatseda vrihi tengaʼa aussa.

Sophonie 3:13

Njèkèɗi ndohi Israel, skwi mèmè man skwi nzura ka ɓai, ta da gi asaɓai; ta cèkèlma azɓai; ta ngwèdè ndo azɓai. Ta wèr skwi ta, ta mènè a sam skwi ta, ndo a pra ta zlau a va azɓai.

Mal. 2:6

Ma kita nzuraʼa te ma na, ncèkèlma a te ma nengaʼa ɓai. Nengaʼa a mdo a sam di ga a gumai a nzuraʼa, a nhelka ta ndohi kumba auda te mali ta.

Matthew 12:34

Wud tsebarhai! Kinè ambaɓai, kin slaha kin gèɗè ma man amba dè? Aman te skwi nʼndha te ndav, ma a gèɗèʼa.

Luke 23:4

A Pilate a ngaɗa ta ndohi mvi skwi a Zhiklè mbibihiaʼa, a ndohi rèdèdèa: I ngatsa mali mʼmetsai a sam ndo haha ɓai. Aman tengaʼa ta gèɗè genè:

Jean 1:47

A Yèsu a nrka Nathanael a shkè a sam na, a ngoɗ a géɗ nengaʼa: Na haha, ndo Israel tas!

Ephésiens 5:27

aman a Zlatseda a sam na, a ri na, ara mpi ndohi Zhiklè nʼngaʼa jèlèlèʼa, derɗa az a pa ɓai, va mʼmin ɓai, mohtsomba ka ɓai; aman nkezlaʼa, mali az a pa ɓai.

Colossiens 1:22

Zhiklè a mʼmenda gumi a hai a nda kinè te kra nengaʼa man a vau va nengaʼa a mʼmetsai. A nda zlatsede kinè ndohi nkezlaʼa, mali az a sam kinè ɓai, ma az a gèɗ kinè ɓai a sam di na.

Hébreux 9:14

holholaʼa Pombaz Kristi, man a vau nshèffè a ri na a skwi nzli a Zhiklè, man mali a te pa ɓai, te Mèzhèɓ Zhiklè man a zhè a mèdèp, a pènè mèzhèɓ ndav nga te mizlinè mʼmetsaʼa, man kala a deɓa ma, a nga gi mizlinè Zhiklè man a zhè a nshèffè.

1 Peter 1:19

aman pombaz Kristi nzalaʼa, nara kra tambak man mohtsomb skwi ka ɓai.

1 Peter 2:22

Nengaʼa a nʼnga mali ɓai, a ntsakala ma ɓai.

1 Peter 3:10

Ndo man a woya a nʼnzi a nshèffè, a woya a nwèl va, da ɓür nèʼèn na, aman a gèɗè skwi ambaɓia azɓai. Da ɓür tapiɗaf ma na, aman a cèkèlma azɓai.

Jude 1:24

A nengaʼa, man a slaha a mɓer kinè, aman kin kèlèhi a mali azɓai, aman a zlatsede kinè a sam di na a nʼnjèl na, jè-lèlèʼa, a mwuffe,