Apocalypse 14:2 - Ma Zhiklè

² A i tsena, ngèɗè te zhiklè, ara kuɗ iyam mbiaʼa, ara ntsi iyam mbiaʼa. Ngèɗè man i tsenaʼa, nara ndohi ntsi ganzavar.

Mofa New Testament

² A i tsena, ngèƋè te zhiklè, ara kuƋ iyam mbia'a, ara ntsi iyam mbia'a. NgèƋè man i tsena'a, nara ndohi ntsi ganzavar.

Apocalypse 14:2 ပူးပေါင်းရင်းမြစ်များ

II Samuel 6:5

David a ndohi gi Israel tèlèba ta gècè a wuɗai a sam Ndo nzi pèc pècèk, ta sli dimèsh, a ta tsi ganzavar, a tèzlèzlèu a ganga a dakocèr a dasal.

II Chroniques 20:28

A ta shkè a kokwar Jérusalem, a gi Ndo nzi pèc pècèk, a ta tsu tèzlèzlèu, a ganzavar, a tolom.

Psaumes 147:7

Va-fu dimèsh nshid gèɗ a Ndo nzi pèc pècèk, va-tsa na ganzavar a Zhiklè nga!

Psaumes 149:3

Sèi ta shid gèɗ a nzlembaɗ nengaʼa te ngècè; sèi ta sli dimèsh a géɗ nengaʼa a tèzlèzlèu a ganzavar.

Psaumes 33:2

Va-sheda na gèɗ a Ndo nzi pèc pècèk a ganzavar, vo-slubordo a deɓ ganzavar man mar a pa kula!

Psaumes 43:4

Vay civèɗ a i dè a pa a sam mvi skwi a Zhiklè, a sam Zhiklè, man i wuffè a géɗ nengaʼa. I woy a i tsi ganzavar, a i sli dimèsh nslèbèrdè ka a deɓaʼa, Ndo nzi pèc pècèk, Zhiklè ga!

Psaumes 57:8

Bi Zhiklè, ndav ga ntila, ndav ga ntila! I woy a i sli dimèsh a i tsi ganzavar.

Psaumes 92:3

a nga njè pombi ngaya a prèk, a nlèbèslè ngaya a vaɗ,

Psaumes 93:4

Ndo nzi pèc pècèk te géɗèʼa, mbiaʼa, a fena kuɗ iyam mbiaʼa, a fena woyam man a cèkèl va.

Psaumes 98:5

Va-tsa na ganzavar, a Ndo nzi pèc pècèk, va-slu dimèsh a deɓaʼa!

Exode 19:16

Te mʼmèn mamakaraʼa a prèk, iyam a tsai, a iyam a ndi dai, a vani ngalngalaʼa a zhè a géɗ za, a tolom a ntsau, a ndèlè azbai, a ndohi a samaʼa ta gudzai.

Exode 20:18

Aman ndohi Israel ta tsena ntsi iyam, a ta rka ndidiyam, ta tsena tolom, a ta rka za te va vodzok, a ndohi ta gu zlau, ta gudzai, ta zlatsa dra.

Esaie 17:13

Nhèzlèwè ndohi herkeda mbiaʼa, a cinè ara iyam mbiaʼa man a hai. Ta hèzlèwè ara iyam mbiaʼa. Aman Zhiklè a guv ta, a dzar ta ara kozlar man a hil koskosai a géɗ za, ara ndombozlor man a tsi lokotor.

Ezéchiel 43:2

Na haha nʼnjèl Zhiklè Israel a mshkè te civèɗ mvèng pats, a hèzlèwè ara kuɗ iyam mbiaʼa. Gèɗ herkeda nhela a géɗ nʼnjèl nengaʼa.

Zacharie 9:14

Tsam-tsam te deɓaʼa Ndo nzi pèc pècèk a di a gudko ta va a dai, a sulom nengaʼa ara ntsi iyam. Bi Zhiklè a da tsi tolom, a hakaɗi ara kozlar te verzi gai.

1 Corinthians 13:1

Ko man agassa i gèɗè ma ndohai, a ma golahi Zhiklè, aman mwoyndo a ndav ga azɓai, i lèmèlèmè ara züdo, ara ngurlèlèi man a slhè.

Apocalypse 1:10

A Mèzhèɓ Zhiklè a mshkè a géɗ ga a pats Bi Zhiklè, a i tsena ngèɗè mbiaʼa te deɓ ga, ara tolom,

Apocalypse 1:15

sak nengaʼa a si di ara züdo guro wuzlwuzlaʼa, daʼai na ara kuɗ iyam mbiaʼa.

Apocalypse 11:12

A ta tsena ngèɗè mbiaʼa te zhiklè, man a gaɗa ta: Va-tevkaɗa haha! A to do a zhiklè te va vanai, a mayamhi tengaʼa ta rka ta.

Apocalypse 11:15

A gol Zhiklè matsaraɗaʼa a ntsu tolom: a ngèɗè mbiaʼa a ntsenka te zhiklè, man a gaɗa: Ta va na kokwar-bihi herkeda a ri a Bi Zhiklè, a Kristi nengaʼa. Nengaʼa a gi Bai a ma ma a mèdèp.

Apocalypse 15:2

A i rka nara woyam mbiaʼa man a si dai, ndzakaɓaʼa a vogwa. Tengaʼa man ta gu a ngul skwi dak, a skwi man ta gu ara va nengaʼa, a nʼngér nzlembaɗ nengaʼa, ta zlatsa a ma woyam mbiaʼa man a si dai, a ganzavar Zhiklè te rai,

Apocalypse 18:22

A ta da cinè ndohi ganzavar a ndohi dimèsh a ndohi shinglèk a ndohi ntsi tolom a sam ngaya asaɓai. A ndo man a gi mizline mèmè ta ngècè a sam ngaya te deɓaʼa asaɓai; nhèzlèwè vova ta cinè a sam ngaya asaɓai,

Apocalypse 5:8

Ncè ɗèlèwèr na, skwihi faɗ a nshèffè, a ndohi nhalaʼa 24, ta kalahi a deɓ sak kra tambak. Tèlèba te ndev ta ta ngots ganzavar a kokwi guro, nʼndha a burdi. Nasa ntsi ri ndohi Zhiklè.

Apocalypse 6:1

A i rka kra tambak, man a mpelasla skwi mpizlè ntkotsaʼa staɗ te va tsaraɗ, a i tsena staɗ te va skwihi faɗ a nshèffe, man a goɗ ngèɗè ara ntsi iyam: Wash-kè!

Apocalypse 8:7

A gol Zhiklè nshèlèkuraʼa a ntsu tolom: a vandzal a vogwa, ndzakaɓa a Pombaz, a nkalahi a herkeda, a vogwa a nʼndaha herkeda, a sam, man ta kezla makar, a nʼndaha staɗ te va wofhi makar a sam wofhi tèlèba, a kuza ba.