Apocalypse 14:14 - Ma Zhiklè

¹⁴ A i rka vani nslekaɗaʼa. Ndo nʼnza a géɗ vanai, nara kra ndo, gèɗ mpaɗaʼa a guro, gwodza wètwètèʼa te rai.

Mofa New Testament

¹⁴ A i rka vani nslekaƋa'a. Ndo n'nza a géƋ vanai, nara kra ndo, gèƋ mpaƋa'a a guro, gwodza wètwètè'a te rai.

Apocalypse 14:14 ပူးပေါင်းရင်းမြစ်များ

Psaumes 21:3

Ka va na skwi man ndav nengaʼa a woyaʼa, a skwi man a ndzhodo.

Psaumes 97:2

Vani nɗikɗikaʼa a tsagi nengaʼa; kita a ngi-zuraʼa nte verzi sam nʼnzi bi nengaʼa.

Esaie 19:1

Nhèdè ma a géɗ Egypte. Na haha, Ndo nzi pèc pècèk a shkè a géɗ vanai man kozlar a hèdèʼa, a dè a kokwar Egypte. Vrihi Egypte ta gudzai a sam nengaʼa, a ndav ndohi Egypte a mʼmbeɗ na.

Ezéchiel 1:26

Te géɗèʼa, nara saphir, kwa mbelaʼa; te vaʼa lèmèlèmè ara sam nʼnzi bai. A géd skwi man lèmèlèmè ara sam nʼnzi bi matsa, skwi nʼnza a pa ara ndo.

Daniel 7:13

A i rka te nshun ga a vaɗ: Ndo ngiɗè a mshkè te zhiklè, te va vanai, lèmèlèmè ara kra ndo. A mshkè a sam ndo nhala sa, a ta da a sam nengaʼa.

Matthew 13:30

Sèi kin jèke ta cèw ba, aman ta grè a vna, ha pats man nsla. A pats man nsla i da gaɗa ta ndohi ntsi dau: Va-ɓica dau zizlè nshè-lèkuraʼa, va-manaʼa, va-wusheda a vogwa. Aman dau, va-ɓiceda a wov ga!

Matthew 17:5

Ngèdè ma nengaʼa, na haha vani nslekaɗa a mshkè, a mva ta mèzhèɓ a gèɗ. Na haha, ta tsena ngèdè staɗ te va vanai: Nengaʼa kra ga, man i woyaʼa a ndav ga. Ndav ga a wuffè kumba a géɗ nengaʼa. Va-tsun ma na!

Marc 4:29

A pats man dau nsla, ta tsiaʼa a gwodza, te man tiɗè sam ntsi skwi ma.

Luke 21:27

Te deɓaʼa ta rka kra-ndo man a shkè te va vanai, a wuɗai a nʼnjèlè mbiaʼa.

Hébreux 2:9

Nga rkaʼa, Yèsu man nʼnzi kètè ta manda na gèɗ a hi a sam golahi Zhiklè; a géɗ matakwan mʼmetsi nengaʼa ta paɗa na gèɗ a nslébèrdè, a nʼnjèlè, te man a ntor mʼmetsai te di man a ndohi tèlèba.

Apocalypse 1:13

te ndev sam nfi vogwahai, ndo staɗ, va na lèmèlèmè ara krando, sajibèr a va, guro mʼmana te ndav.

Apocalypse 1:7

Na haha, nengaʼa a shkè te va vanai, a di staɗ staɗ tèlèba ta da rkaʼa; a ndohi ntuzo ba, a verzi ndohi herkeda tèlèba ta da gi wobau a géɗ nengaʼa. A vava, amen.

Apocalypse 10:1

A i rka gol Zhiklè ngiɗè, man wuɗi na zhè, man a shkèhai te zhiklè, a vani a va, a kwarai a gèɗ, a medi na ara pats, a sak na ara nèʼèn vogwa,

Apocalypse 11:17

Nga shid gèɗ, Bi Zhiklè, Zhiklè wuɗi tèlèba, man ka zhè, ka nza daga zlèzlèa, a géɗ man ka gi Bai a nʼnjèlè ngaya mbiaʼa.

Apocalypse 19:12

Di nengaʼa a vècè ara nèʼèn vogwa, gèɗ nengaʼa mpaɗaʼa a mpèɗè gèɗ kumba; nzlembaɗ man mwindèʼa a gèɗ nengaʼa, ndo a sun ɓai, sèi nengaʼa staɗgenè.

Apocalypse 20:11

A i rka sam nʼnzi bi mbiaʼa nslekaɗa, a ndo man nʼnza a pa: A sam di nengaʼa, herkeda a giɗfèk to do ta, a ta ngatsa sam nʼnzi tengaʼa te deɓaʼa asaɓai.

Apocalypse 6:2

A i rka plèsh nslekaɗa ngiɗè. A ndo man a deɓ plèsh a lèkèɗ te rai. Ta paɗa na gèɗ, a ndè, aman a da gi a ngulaʼa.