Apocalypse 12:17 - Ma Zhiklè

¹⁷ A skwi man nara kedam a ngu ndav a géɗ ngwoz, a mdo man a gi var a ndohi verzi nengaʼa, ta tèlèba man ta dzodzor ma nkwèr Zhiklè, a ta ɓür ma malwuɗi Yèsu.

Mofa New Testament

¹⁷ A skwi man nara kedam a ngu ndav a géƋ ngwoz, a mdo man a gi var a ndohi verzi nenga'a, ta tèlèba man ta dzodzor ma nkwèr Zhiklè, a ta ɓür ma malwuƋi Yèsu.

Apocalypse 12:17 ပူးပေါင်းရင်းမြစ်များ

Genèse 3:15

I woya a i pa kinè gèɗ a va a ngwoz ara ndohi mayamhai; a wud ngaya a wuda nengaʼa ba. Nengaʼa a da batsama ka gèd, a ka, ka da je ndudok sak nengaʼa.

Daniel 11:36

Bai a gi skwi ara man ndav nengaʼa a woyaʼa, a da grè gèɗ, a fi va, a sam zhi-klèhi mèmè, a da fi va a sam Zhiklè a géɗ zhiklèhi tèlèba. A da gèɗè ma nfi va, ha pats nʼndikèma ndzoan Zhiklè, te man skwi man a ngaɗdahai a gai.

Matthew 28:20

Va-senda ta, aman ta gi skwi tèlèba man i fa kinè a gèɗ. Na haha, i zhè a sam kinè pèc pècèk, a pats a vaɗ, ha herkeda a ndiv na.

Jean 8:44

Kinè wudahi bi madzagai, bab kinè, a kin jèjèr ntétékè nengaʼa. Nengaʼa ndo nkeɗe ndo te nhinkaɗ na, a nzi te ma nzuraʼa azɓai, a ma nzuraʼa a te ndav na ɓai. Aman a cèkèlma, di man a na. Nengaʼa ndo ncèkèlma, bab ncèkèlma.

1 Corinthians 2:1

I ba, dalahimam ga, aman i do a sam kinè, i do a ma mbiaʼa, a maya mbiaʼa ka ɓai, aman a i ngreda kinè ma malwuɗi Zhiklè.

1 Peter 5:8

Va-ciɗe dai, va-nza a dai – aman madzagai, ndo mayam kinè, a tèuda kinè a pa ara marizhèlè man a kuɗkaɗarai, a rka ndo man a slaha a ndiaʼa.

1 John 2:3

Aman nga fi gèɗ a ma nkwèr nengaʼa, nga slaha nga gèɗèʼa, a nga sun nengaʼa a vava.

1 John 5:10

Ndo man a nco kra Zhiklè a ndav, a nʼngots malwuɗi te ndav na. Ndo man a cè Bi Zhiklè a ndav na azɓai, a ga Zhiklè a ndo ncèkèlma, te man a nco malwuɗi nengaʼa man a vau a géɗ kra nengaʼa ɓai.

1 John 5:2

Gar haha nga suna, aman nga woy wudahi Zhiklè, nga woy Zhiklè ba, a nga fi gèɗ a ma nkwèr nengaʼa.

Apocalypse 1:2

A Jean a nju ma Bi Zhiklè, a ngu malwuɗi Yèsu Kristi, a skwi tèlèba man a rkaʼa.

Apocalypse 1:9

I, Jean, kramam kinè, ndo man nga mbi a matakwan, a kokwar-bai, a nzhèr skwia dai te Yèsu a nda kinè. I nza te Patmos, herkeda nte ndev iyam, a géɗ ma Zhiklè a ma malwuɗi Yèsu.

Apocalypse 11:7

Aman ta da ndeva malwuɗi tengaʼa ma, skwi dak man a da shkè auda te vèvèɗ mpèltemtemaʼa a da gi var a tengaʼa, a gi a ngul ta, a bazl ta.

Apocalypse 12:16

Aman herkeda a ntakaha ngwoz, a mwinè ma, a nseda iyam a ma, man skwi man nara kedam a bada.

Apocalypse 13:7

A ta va na wuɗi-bai, aman a gi var a shèwa a ndohi Zhiklè, aman a gi a ngul ta. A ta va na wuɗai a géɗ verzi ndohi tèlèba, a ndohi kokwar, a ndohi a daʼai ta tsaɗ tsaɗ, a ndohi herkeda tèlèba.

Apocalypse 14:12

Na haha ndohi Zhiklè man ta zhèr skwia dai! Na haha tengahi man ta ɓür ma nkwèr Zhiklè, a ncè Yèsu a ndav.

Apocalypse 17:14

Ta da gi wuɗi a kra tambak, a kra tambak a da gi a ngul ta, aman nengaʼa mbiaʼa a géɗ mbibihiaʼa, bai a géɗ bihai, a ndohi man ta dzodzora, man Zhiklè a baha ta, a mpar ta mpèrè, a ta lèɓèslè, ta mbi a ngi a ngula a nda nengaʼa.

Apocalypse 17:6

A i rka ngwoz Pombaz ndohi nkezlaʼa a Pombaz ndohi malwuɗi Yèsu a nkeɗaʼa ara zom. A i rzl ga kumba, aman i rka ngwoz sa.

Apocalypse 18:20

Giɗfèk, wuffa a géɗ nengaʼa! Va-wuffa, kinè ndohi Zhiklè a ndohi sak a ndohi nhadka ma! Aman Zhiklè a nʼnga na kita a gèɗ, a géɗ kinè!

Apocalypse 19:10

A i kalahi a deɓ sak nengaʼa, aman i tsi ri a nengaʼa. A ngaɗayè: Az arsa ɓai! I ba i ɓèlè ara man a ngaya, ara kramamhi ngaya, man ta gi malwuɗi a géɗ Yèsu. Tsu ri a Zhiklè! Ndohi nhadka ma ta hadka ma malwuɗi Yèsu.

Apocalypse 19:19

A i rka skwi dak a nda bihi a géɗ herkeda, a nda ndohi var ta ɓicaʼa, aman ta gi var a ndo man a deɓ plèsh a ndohi var nengaʼa.

Apocalypse 20:4

A i rka sam nʼnzi bihai, a ndohi man ta da gi kita, ta nza a pa. A i rka mèzhèɓ nshèffè ndohai, man ta zlama ta daʼai a géɗ malwuɗi Yèsu, a géɗ ma Zhiklè, a tengaʼa man ta tsu ri a skwi dak a skwi man ta gu ara nengaʼa, ɓai, a ta co lamba nengaʼa a medi tengaʼa, a ri tengaʼa, ɓai. A ta ngots nshèffè zaʼa, a ta gu bi a nda Kristi, mvi gozhèm staɗ.

Apocalypse 22:14

Mwuffe a sam tengaʼa man ta pènè maslaka ta, a ta ngècè skwi ta a sam wof nshèffè, ta de a pa a ntamagi kokwar.

Apocalypse 6:9

Aman a mpelasla skwi mpizlè ntkotsaʼa mazlamaʼa, i rka te laɓi sam mvi skwi a Zhiklè, mèzhèɓ ndohi man ta bazl ta a géɗ ma Zhiklè, a géɗ ma malwuɗi tengaʼa.