Apocalypse 11:8 - Ma Zhiklè

⁸ A ta jèkeda nckondohi tengaʼa a dal kokwar mbiaʼa, man ta baha na a ma Zhiklè: Sodome a Egypte, a sam man ta gezlala Bi tengaʼa ba a pa.

Mofa New Testament

⁸ A ta jèkeda nckondohi tenga'a a dal kokwar mbia'a, man ta baba na a ma Zhiklè: SoƋome a Egypte, a sam man ta gezlala Bi tenga'a ba a pa.

Apocalypse 11:8 ပူးပေါင်းရင်းမြစ်များ

Genèse 13:13

Aman ndohi Sodome, ndohi malihi mbiaʼa, ndohi mphömè a sam di Ndo nzi pèc pècèk.

Genèse 19:24

A Ndo nzi pèc pècèk a mwusheda vogwa a skwi mvècè vogwa a gèd Sodome a Gomorrhe, ara iyam man a shkè te zhiklè,

Exode 20:2

Iyè Ndo nzi pèc pècèk, Zhiklè ngaya, man i cka ka auda te herkeɗa Egypte, te gi ɓèlè ngaya.

Exode 3:7

Ndo nzi pèc pècèk a ngaɗa: I rka matakwan ndohi ga te kokwar Egypte, a i tsena lalau tengaʼa a géɗ ndohi man ta ndzaraha ta a wuɗai. Na haha i sun matakwan tengaʼa.

Esaie 3:9

Ndohi ngi massayaf ta shin ta auda. Ta gidè mali auda ara ndohi Sodome, ta ngheda ɓai. Wobau a géɗ tengaʼa man ta gedassa va ta a ri ta.

Jérémie 23:14

I rka skwi horai a sam ndohi nhadka ma te Jérusalem: ta gi mphömè, ta cèkèl ma. Ta ndha ri ndohi malihai, ta woya ndo da menkada deɓa te mali na bai. Ta tèlèba ta ga ara Sodome a sam di ga, lèmèlèmè ara ndohi kokwar Gomorrhe.

Jérémie 26:23

Ta ckoɗi Urie auda te kokwar Egypte, a ta daʼa a sam bi Jojakim, a nengaʼa a nkeɗaʼa a tsakwal, a nkalda nckondo nengaʼa a vèvèɗ ndohi kokwar.

Ezéchiel 16:46

Demam ngaya tsuvomaʼa, Samarie a dalahi na man ta nza a tsagi ngaya te civèɗ ri gul ngaya. Sodome, demam ngaya ntabawaʼa, a dalahi na, man ta nza a tsagi ngaya, te civèɗ ri mandi ngaya.

Ezéchiel 16:49

Sodome, demam ngaya, a ngu mali haha: nfi va, a géɗ nwèl va ta ta hér ngiɗèhi azɓai, ta nzai ta a dalahi ta, ta takaha ta mbelaw ndohai a ndohi ntawassa asaɓai.

Ezéchiel 23:19

Aman nengaʼa a nhurkoɗi pats dali na, man a gu mphömè a Egypte.

Ezéchiel 23:27

I da ndevda mphömè ngaya man nlizhèʼa man ka hünkoɗi te Egypte. Ka da pi di a tengaʼa asaɓai, ka da hér Egypte asaɓai.

Ezéchiel 23:3

Ta gu mphömè te Egypte, ta hüno mphömè te dalai. Te pa ta bertsama ta wa.

Ezéchiel 23:8

Aman ko mphömè a Egypte a njèkeda bai, man a gu mphömè, a mʼmana a vna te dalai, a mpara na wa a ngu mphömè a vna.

Ezéchiel 37:11

A ngaɗayè: Ka ndo, vatasl nckondohi haha, nasa ndohi gi Israel tèlèba. Ta gaɗa: Na haha, vatasl nga ngwora, skwi man nga zhèrèʼa, ngedassa. Nga za!

Amos 4:11

I zede kinè lèmèlèmè ara man Zhiklè a gu te Sodome a Gomorrhe, a kin nʼngaʼa a gada shègwa nlussoaʼa, man ta ckoɗauda te va vogwa. Ko ar haha kin menkada deɓa a sam ga ɓai, Ndo nzi pèc pècèk a gada.

Matthew 10:15

I gaɗa kinè a vava: a pats kita, kita kokwar haha a da fena kita Sodome a Gomorrhe.

Actes 9:4

A Saul a nkalahai, a ntsena ngèɗè ngiɗè man a gaɗa na: Saul, Saul, ka parahayè èhèmè?

Hébreux 13:12

Gar haha Yèsu ba, aman a nkezle ta ndohi nengaʼa a pombaz va nengaʼa, a mʼmets na a dal kokwar.

Hébreux 6:6

a ta men ta a deɓa, ta slaha a ta da ngwèdè ndav ta ɓi zaʼa, te man ta gezlala kra Zhiklè a va zaʼa, a ta lüv mʼmetsi nengaʼa.

2 Peter 2:6

Zhiklè a nʼndeda Sodome a Gomorrhe a mèrwèc, a nʼnga na kita a gèɗ man a ngedassaʼa a mèdèp, a nʼngreda ta skwi aranta a ndohi man a ma, man ta da woy civèɗ Zhiklè ɓai.

Jude 1:7

Va-hur Sodome a Gomorrhe a kokwarhi man a tsagiaʼa, man ta gu mphömè lèmèlèmè ara golahi Zhiklè, a ta dzodzor ntétékè tsaɗ tsaɗ tʼhai. Ta fa ta kita a gèɗ te vogwa a mèdèp, a ndohi tèlèba ta slaha a ta hèrèʼa.

Apocalypse 11:13

A nasa nasa herkeda a ngudzau a vata, a kokwar mbiaʼa man ta kezla kula, mʼmbeɗ na. Ngudzi herkeda haha, ndohi gozhèm tsaraɗ ta bazl ta. Njèkèɗiaʼa ta gu zlau kworkworaʼa, a ta slubordo Zhiklè te géɗèʼa.

Apocalypse 11:9

Mʼmèn makar a rèta, ndohi tsaɗ tsaɗ te va ndohi kokwar, verzi ndohi tsaɗ tsaɗ, a daʼai ta tsaɗ tsaɗ, a ndohi herkeda tsaɗ tsaɗ ta da rka nckondohi tengaʼa, a ta vi civèɗ azɓai, aman ta re ta.

Apocalypse 14:20

Klok tʼuda a dal kokwar, a ta kèlèʼa tʼuda, ha Pombaz te klok a mbèdè bambasl-mbaslaʼa, a ndikè na ma a dzala plèsh, a hi dra ara km 300.

Apocalypse 14:8

A gol Zhiklè macecèwaʼa a ndzudzorko te deɓa, a ngaɗa: Babylone, kokwar mbiaʼa, mʼmbeɗ na; aman nengaʼa a ngu aman ndohi herkeda tèlèba ta sau skwi nsi ndzoan a mphömè nengaʼa.

Apocalypse 16:19

A kokwar mbiaʼa, nkezla na te va makar; a kokwarhi mbibihiaʼa tʼherkeda ta mbeɗ ta. A Bi Zhiklè a nhur Babylone, kokwar mbiaʼa, a mva na kokwai, nʼndha a ndzoan Zhiklè, man a gi ndav worworaʼa, aman a nsiaʼa.

Apocalypse 17:1

Staɗ te va golahi Zhiklè tsaraɗ, man kokwi tsaraɗ te ri ta, a mshke, a ngaɗayè: Washkè, i woy a i ngra ka kita a géɗ ngwoz mphömè mbiaʼa, man a nzi a géɗ Woyamhi kumba,

Apocalypse 17:18

A ngwoz man ka rkaʼa, nengaʼa kokwar mbiaʼa, man a gi bai a géɗ bihi a géɗ herkeda.

Apocalypse 17:5

A medi nengaʼa mwindèʼa nzlembaɗ ngiɗè, man ndo a sun verzia ɓai: Babylone mbiaʼa, mam mphömè, mam skwi tèlèba man a ndèrè ndo a géɗ herkeda.

Apocalypse 18:10

A ta da zlècè dra, a zlau matakwan nengaʼa, a ta gaɗa: Wobau, wobau a géɗ kokwar mbiaʼa. Kita ngaya a mshkè a pats staɗ!

Apocalypse 18:18

aman ta rka vodzok vogwa nengaʼa, a ta gaɗa: Daga zlèzlèa, kokwar mbiaʼa ngar ka a zhi ɗè?

Apocalypse 18:2

A mboho a wuɗai, a ngaɗa: Mʼmbeɗ na, mʼmbeɗ na, Babylone, kokwar mbiaʼa. A nʼnde na a gi madzagihai, a gi dangi mèzhèɓhi ambaɓih-iaʼa tèlèba, a sam nʼnzi ɗiakihi ambaɓihiaʼa, tèlèba man ndo a woya ɓai.

Apocalypse 18:21

A gol Zhiklè, man wuɗi na zhè, a mco kwa mbiaʼa staɗ ara vova, a nkalda a va woyam mbiaʼa, a ngaɗa: Aranta ta gedassa Babylone, kokwar mbiaʼa, ara man a gi wuɗwuɗaʼa a géɗ iyam, a ta rka te deɓaʼa asaɓai.

Apocalypse 18:24

a ta ngots Pombaz ndohi nhadka ma a ndohi Zhiklè, a ndohi tèlèba man ta bazl ta a géɗ herkeda, a sam ngaya.