Apocalypse 11:3 - Ma Zhiklè

³ A i woy a i gi aman ndohi malwuɗihi ga cèw ta hodko ma Zhiklè mʼmèn 1.260, a maslaka sam kuɗa a va.

Mofa New Testament

³ A i woy a i gi aman ndohi malwuƋihi ga cèw ta hodko ma Zhiklè m'mèn 1260, a maslaka sam kuƋa a va.

Apocalypse 11:3 ပူးပေါင်းရင်းမြစ်များ

Genèse 37:34

A Jacob a nkuratsa maslaka nengaʼa, a nkalda maslaka sam kuɗa a va, a nkuɗi kra na nʼnzi a zhè.

II Samuel 3:31

David a ngaɗa na Joab a ndohi tèlèba man ta zhè a sam na: Va-kuratseda maslaka kinè aussa, va-feda maslaka sam kuɗa va, va-tsu nguzlah a verzi Abner! A bi David a ndzodzor nckondo.

I Rois 21:27

Aman Achab a ntsena ma haha, a nkuratseda maslaka nengaʼa aussa, a mfeda maslaka sam kuɗa a va, a njèkeda skwi nʼndai. A vaɗ a mʼmanahi a maslaka sam kuɗa a va, a pats a shèwèlè a gèɗ a ndav.

II Rois 19:1

Aman bi Ezéchias a ntsena ma haha, a nkuratseda maslaka nengaʼa aussa, a mfeda maslaka sam kuɗa a va, a ndo a gi Zhiklè.

I Chroniques 21:16

David a mpu dai, a nrka gol Ndo nzi pèc pècèk, a nzlatsa tʼhwaɗ giɗfèk, a ngeda kafahi gwèsh a géɗ kokwar Jérusalem, a woya a ngedassaʼa. David a ndohi nhalaʼa, a maslaka sam kuɗa a va, ta kalahi a medi ta.

Néhémie 9:1

Ki haha, mʼmèn 24, ndohi Israel ta ɓica va, a ta jèkeda skwi nʼndai, a ta peda maslaka sam kuɗa a va, a ta peda hutsoɗ a gèɗ.

Job 16:15

I feda maslaka sam kuɗa a va, i tseda gèɗ a hai a herkeda.

Psaumes 69:11

I jèkeda skwi nʼndai a i ga na wuɗi a va ga a vna, a ta derɗyè a géɗ nengaʼa.

Esaie 22:12

Bi Zhiklè bi mbiaʼa a mboho a pats nasa, a woya aman ta kuɗai a ta tsi lalau, atashi gèɗ atavi maslakasam kuɗa a va.

Jérémie 1:10

Na haha, i feda ma ga a ma ngaya. Na haha i va ka wuɗai a géɗ ndohi herkeda a kokwar bihai. Ka da hel ta auda, ka tsede ta hai, ka gedas ta, ka zede ta, ka mende ta a pa, ka zlatsede ta a pa zaʼa.

Lamentations de Jérémie 2:10

Ndohi kokwar Sion nhalaʼa ta nzi tʼherkeda, ta gèdè skwi azɓai, ta peda hutsoɗ a géɗ, a maslaka sam kuɗa a va. Dalahi Jérusalem ta kalda gèɗ a ndav.

Ezéchiel 4:6

Aman ka ndikeda ma, ngwoda va a zlazlar ri mandi ngaya a ka ceda mali ndohi Juda, mʼmèn 40. Mʼmèn staɗ a géɗ mvi staɗ.

Daniel 12:7

A i tsena ma ndo man maslaka ntsentsai a va, te wud woyam ngiɗè, man a mpeda ri na cèw a zhiklè. A mʼmbaɗa a nzlembaɗ Zhiklè man a nzi a nshèffê a mèdèp: Te deɓ nʼnzi a zhè, za nʼnzi a zhè zaʼa, za nʼnzi a zhè a rètaʼa zaʼa. Aman wuɗi ndo ngedassa ndohi nkezlaʼa a ndev na ma, skwi haha tèlèba a gai.

Daniel 7:25

A da ga na ma a va Zhiklè te géɗèʼa kumba, a da ga ta matakwan a ndohi Zhiklè nkezlaʼa, a woya a humbèɗè patshai, a humbèɗè ma kita. Zhiklè a da pe ta a ri nengaʼa nʼnzi a zhè, za nʼnzi a zhè zaʼa, za nʼnzi a zhè a rètaʼa zaʼa.

Daniel 8:14

A ngaha na: Mʼmèn 2.300, vaɗ a pats. Te deɓaʼa ta da til sam nkezla zaʼa.

Joel 1:13

Va-feda maslaka sam kuɗa a va, kinè ndohi mvi skwi a Zhiklè! Kinè ndohi mizlinè sam mvi skwi a Zhiklè, va-kudau; kinè ndohi mizlinè Zhiklè ga, va-gudzau, ko vaɗ kin suɗda maslaka sam kuɗa a hi ɓai! Aman movar a skwi nsai a shkè a gi Zhiklè kinè azɓai.

Jonas 3:5

Ndohi Ninive ta co Bi Zhiklè a ndav, a ta jèkeda skwi nʼndai, a ta feda maslaka sam kuɗa a va, ko ndohi ngraʼa, ko wudahai.

Jonas 3:8

aman da feda maslaka sam kuɗa a va, da kuɗau a sam Bi Zhiklè a vata, staɗ staɗ tèlèba da menkaɗa deɓa te civèɗ mali na,

Nombres 11:26

Ndohi ngiɗè cèw ta nza te deba te gi ta; ngiɗè nzlembaɗ na Eldad, ngiɗè nzlembaɗ na Médad. A Mèzhèɓ a nshkè a géɗ tengaʼa, te man ta te va ndohi man ta Windo nzlembaɗ ta, aman to do a ma gi Zhiklè bai. A ta hodko ma te gi ta.

Matthew 11:21

Woba ka, kokwar Chorazin! Woba ka, kokwar Bethsaida! Aman agassa ta gu nrkedihi te kokwar Tyr a Sidon, ara man ta gu a sam ngaya, ar ndohi te pa, ta ngwoda ndav ta te mèrwèc nʼnzi a zhè ma.

Matthew 18:16

Aman a ntsena ma ngaya ɓai, co ndo ngiɗè staɗ man ɓai cèw, a verzai, a kin gi a ndohi malwuɗihi cèw, man ɓai makar.

Luke 10:13

Woba ka, kokwar Chorazin! Woba ka, kokwar Béthsaida! Aman agassa nrkedi kumba ar haha ta gu te kokwar Tyr a Sidon, ar ndohi te pa ta ngwoda ndav ta te mèrwèc nʼnzi a zhè ma.

Luke 24:48

Aman kinè, kin gi a ndohi malwuɗihi te skwi sa.

Jean 15:27

Aman kinè ba, kin ndi a ndohi malwuɗihai, a géɗ man kin nza a sam ga te nhinkaɗ na.

Jean 3:27

Jean a mʼmbeɗa ta a ma: Ndo a slaha a ngècè skwi azɓai, man Zhi-klè a nva na ɓai.

Actes 1:8

Aman Mèzhèɓ Zhiklè nkezlaʼa a shkè-hai a gèɗ kinè, kin da ngècè wuɗai, a kin ndi a ndohi malwuɗihi ga te kokwar Jérusalem, te kokwar Judée tèlèba, te kokwar Samarie, ha ndè a verzi herkeda.

Actes 13:31

A nengaʼa a ngudoko ta va a dai a ndohi man to do te kokwar Galilée a kokwar Jérusalem a vna. Antanta ta ndohi malwuɗihi nengaʼa a sam ndohai.

Actes 2:32

Yèsu haha, Zhiklè a nslambaɗda. Nga tèlèba ndohi malwuɗihi a géɗ skwi sa.

Actes 3:15

Aman Bi nshèffè, kin keɗaʼa. Nengaʼa, Zhiklè a nslambaâda te ndev ndohi mʼmetsaʼa. Nga ndohi malwuɗihi te skwi haha.

1 Corinthians 12:28

A sam mpi ndohi Zhiklè nga, Zhiklè a nge ta ndohi ngiɗè a ndohi sak, ndohi ngiɗè a ndohi nhadka ma, ndohi ngiɗè a ndohi njèngè, ndohi ngiɗè a ndohi ngi nrkedai, ndohi ngiɗè man ta slaha ta mbél ndohi matakwan; ndohi ntakaha, ndohi ncè ta ma, ndohi ngèɗè nèʼèn tsaɗ tsaɗ.

2 Corinthians 13:1

Antanta i dè a sam kinè mamakaraʼa. A ndohi malwuɗihi cèw, makar, ta da gèɗ ma mali staɗ staɗ telèba.

Ephésiens 4:11

Tengahi ngiɗè a pe ta a ndohi sak, tengahi ngiɗè a ndohi nhadka ma; tengahi ngiɗè a ndohi njè ma Zhiklè; tengahi ngiɗè a ndohi mɓir ndohai; tengahi ngiɗè a ndohi njèngè,

Deutéronome 17:6

Nengaʼa man a ngu mali mʼmetsai, sèi ta keɗaʼa, man ndohi malwuɗihi ta zhè cèw, makar. A géɗ ndo malwuɗi staɗ, ta ga na kita mʼmetsi a gèɗ azɓai.

Deutéronome 19:15

Ndo malwuɗi staɗ a sam ndo ngidè a slra ɓai, ko a géɗ nkédè ndo, ko a géɗ mali mèmè. Skwi man a gau a vava, sèi man ndohi malwuɗihi cèw, man makar.

Apocalypse 1:5

te Yèsu Kristi, ndo malwuɗi nzuraʼa, tsuvomaʼa te nslambaɗkaɗauda te va ndohi mʼmetsaʼa, bai a géɗ bihi herkeda. Nengaʼa man a woy nga a ndav na, a mpreka nga auda te mali nga a Pombaz nengaʼa,

Apocalypse 11:2

Aman dalmagi Zhiklè jèkeda, ka lüv nenga ɓai! Aman nengaʼa ta va na a ndohi herkeda, a ta da gatseda kokwar nkezlaʼa a pa ki 42.

Apocalypse 11:6

Tengaʼa ta ngots wuɗi-bai a ta pizlè giɗfèk, aman iyam a shkèhi azɓai, a pats man ta hodko ma. A ta ngots wuɗi-bai a géɗ iyamhi aman ta ngwèdè ta a pombaz, a ta faha matakwan tsaɗ tsaɗ a herkeda, pèc pècèk ara man ndav ta a woyaʼa.

Apocalypse 12:6

A ngwoz a mhu na a sam ngiɗè, man Zhiklè a ntila na, aman te pa ta va na skwi nʼndi mʼmèn 1.260.

Apocalypse 13:5

A ta va na ma, aman a gèɗè skwi mbiaʼa, a ndérɗè Zhiklè, a ta va na wuɗi-bai, aman a gi bi ki 42.

Apocalypse 19:10

A i kalahi a deɓ sak nengaʼa, aman i tsi ri a nengaʼa. A ngaɗayè: Az arsa ɓai! I ba i ɓèlè ara man a ngaya, ara kramamhi ngaya, man ta gi malwuɗi a géɗ Yèsu. Tsu ri a Zhiklè! Ndohi nhadka ma ta hadka ma malwuɗi Yèsu.

Apocalypse 20:4

A i rka sam nʼnzi bihai, a ndohi man ta da gi kita, ta nza a pa. A i rka mèzhèɓ nshèffè ndohai, man ta zlama ta daʼai a géɗ malwuɗi Yèsu, a géɗ ma Zhiklè, a tengaʼa man ta tsu ri a skwi dak a skwi man ta gu ara nengaʼa, ɓai, a ta co lamba nengaʼa a medi tengaʼa, a ri tengaʼa, ɓai. A ta ngots nshèffè zaʼa, a ta gu bi a nda Kristi, mvi gozhèm staɗ.