Apocalypse 11:18 - Ma Zhiklè

¹⁸ Ndohi herkeda ta gu ndav. Aman ndzoan ngaya a mshkè ma. Pats kita ndohi mʼmetsaʼa, pats man ta va ta ɓèlèlihi ngaya skwi ntul ta, ndohi nhadka ma ba, a ndohi Zhiklè ba, a tengahiaʼa mar ta gu zlau nzlembaɗ ngaya, ndohi nkèshèa a ndohi mbiaʼa, mshkè ma. A ndohi man ta gedassa herkeda, ta gedas ta.

Mofa New Testament

¹⁸ Ndohi herkeda ta gu ndav. Aman ndzoan ngaya a mshkè ma. Pats kita ndohi m'metsa'a, pats man ta va ta ɓèlèlihi ngaya skwi ntul ta, ndohi nhadka ma ba, a ndohi Zhiklè ba, a tengahia'a mar ta gu zlau nzlembaƋ ngaya, ndohi nkèshèa a ndohi mbia'a, mshkè ma. A ndohi man ta gedassa herkeda, ta gedas ta.

Apocalypse 11:18 ပူးပေါင်းရင်းမြစ်များ

Psaumes 103:11

Ara man giɗfèk a zhè kerpaʼa a géɗ herkeda, lèmèlèmè pombi nengaʼa a zhè a sam ndohi man ta gi zlauaʼa.

Psaumes 110:5

Bai, Zhiklè, a zhè te civèɗ ri mandi ngaya, a wushedeka ta bihi auda te bai, a pats ndzoan nengaʼa.

Psaumes 147:11

Skwi man Ndo nzi pèc pècèk a wuffè a géɗèʼa: ndohi man ta gi zlau Zhiklè, a ndohi man ta zhèr pombi nengaʼa.

Psaumes 2:5

A gaɗa ta a ma ndzoan, a shèwa nengaʼa a pra ta zlau a va.

Psaumes 85:9

I woy a i tsena skwi man Ndo nzi pèc pècèk Zhiklè a gaɗayè. A mpasla ta ri gumi ahai andohi na, a ɓèlèlihi na, a tengaʼa man ta ngwodko ndav ta a sam na.

Ecclésiaste 12:13

Ma ndohi maya nara tsakwal. Ngèlègèɗ ma tengaʼa nara sulom. Ndo mɓer ta staɗ a mvau.

Ecclésiaste 8:12

Ndo malai a gi mali kumba kumba, a nzi a nshèffè genè. Aman i suna, tengaʼa man ta gi zlau Zhiklè ta da nzi amba, a géɗ man ta gi zlauaʼa.

Daniel 11:44

Aman labar ma man a ntsenaʼa te civèɗ mvèng pats, te civèɗ kozlar mazlam a mpa na zlau a gèɗ, a njèkeda kokwar a ndav, a ndè a ngedassa a nzede ta ndohi kumba.

Daniel 7:26

Te deɓaʼa kita a zhè, a ta cèma na wuɗi auda a bi matsa, a ta gedassaʼa, a ta zeda a mèdèp.

Daniel 8:25

A maya nʼngwèdè ndo nengaʼa a da gedassa ndohi nkezlaʼa, a slaha a ngwode ta a maya na. A ngrè gèɗ kumba. Tsam-tsam a gedas ta ndohi kumba. A slambaɗa na va a bi a géɗ bihai, aman ta da tsedahai, ri ndo a ngia ka ɓai.

Matthew 5:12

Va-wuffa, va-gu langlangaʼa, aman skwi ntul kinè a gi a mbiaʼa te zhiklè, te géɗèʼa. Aman ta paraha ta ndohi nhadka ma halaʼa lèmèlèmè.

Luke 1:50

A verzi, verzi ndohi man ta gi zlauaʼa, ta sia te va.

Hébreux 9:27

Ara man ndohi sèi ta bèzl ta pats ngiɗè staɗ ndèzl, te deɓ mʼmetsi ta, kita a zhè,

Apocalypse 10:7

aman ta da cinèʼa man gol Zhiklè matsaraɗaʼa a da tsi tolom, skwi man Zhiklè a ngheda, a ndikeda, ara man a njè ta ɓèlèlihi nengaʼa a ndohi nhadka ma nengaʼa.

Apocalypse 11:2

Aman dalmagi Zhiklè jèkeda, ka lüv nenga ɓai! Aman nengaʼa ta va na a ndohi herkeda, a ta da gatseda kokwar nkezlaʼa a pa ki 42.

Apocalypse 13:10

Ndo man a pe ta ndohi ngiɗè a dangai, a dè a gi dangai lèmèlèmè. Ndo man a keɗa ndo a kafahi gwèsh, ta da kéɗèʼa a kafahi gwèsh lèmèlèmè. Na haha, nzhèr skwia dai a ncè-a-ndav ndohi Zhiklè!

Apocalypse 13:16

A gi aman ndohi tèlèba, ndohi nkèshèa a ndohi mbibihiaʼa, ndohi mèshèlè a ndohi ntawassaʼa, ndohi ngwai a ɓèlèlihai, ta kèl ri mandai, a ta bèzl medai.

Apocalypse 14:10

sèi a si kokwi ndzoan Zhiklè a géɗagèɗ; a ta da ga na matakwan a vogwa man skwi nvècè vogwa te pa, a sam di golahi Zhiklè nkezlaʼa, a sam di kra tambak.

Apocalypse 15:1

A i rka skwi ngiɗè man nʼngrédè auda a giɗfèk, mbiaʼa nara nrkedai. Golahi Zhiklè tsaraɗ ta ngots matakwan tsaraɗ, nasa matakwan a ndikedè ndzoan Zhiklè.

Apocalypse 15:7

Staɗ te va skwihi faɗ a nshèffe a mva ta kokwihi tsaraɗ a ri a golahi tsaraɗ, nʼndha a ndzoan Zhiklè man a nzi a nshèffe te nhinkaɗ na a mèdèp.

Apocalypse 18:6

Va-ga na, ara man a ga kinè. Skwi man a ga kinè, va-ga na ta ta man a nengaʼa cèw. A kokwi man a hala kinè a vna, va-ɓala na a nengaʼa te pa cèw.

Apocalypse 19:15

Kafahi gwèsh wètwè-tèʼa a shkè auda te ma na, man a bazl ta ndohi herkeda, a da war ta a gada züdo, a nkèlè skwi te klok nʼndha a skwi nsi ndzoan Bi Zhiklè mbiaʼa, a Zhiklè wuɗi tèlèba.

Apocalypse 19:18

a kin ndi zluèɗ bihai, a zluèɗ bi sojèhai, a zluèɗ ndohi wuɗai, a zluèɗ plèshihai a ndohi man ta nza a pa, a zluèɗ ndohi ngwai a ɓèlèlihai, ndohi nkèshèʼa a ndohi mbibihiaʼa.

Apocalypse 19:5

A ngèɗè ngiɗè a ntsena a sam nʼnzi bai: Vo-slubordo Zhiklè nga, kinè ɓèlèlihi nengaʼa tèlèba, man kin gi zlaua; cèw ba, ndohi nkèshèʼa a ndohi mbibihiaʼa ba!

Apocalypse 20:12

A i rka ndohi mʼmetsaʼa, mbibihiaʼa ba a nkèshèhia ba, ta zlatsa a sam nʼnzi bai. A ta winè ɗèlèwèrhi a pa. Ɗèlèwèr ngiɗè, man ta winèʼa, nengaʼa ɗèlèwèr nshèffè; a ta ga ta kita a géɗ ndohi mʼmetsaʼa a géɗ skwi man ta gau, mwindèʼa te ɗèlèwèr-hai.

Apocalypse 20:15

Ndo man ta ngots nzlembaɗ nengaʼa te ɗèlèwèr nshèffè ɓai, ta kalda a vogwa mbiaʼa.

Apocalypse 22:12

Na haha, i shkè a deɓa ndul ndul, a skwi ntul kinè te rai, aman i va na a ndo staɗ staɗ ara skwi nengaʼa man a gau.