Apocalypse 1:5 - Ma Zhiklè

⁵ te Yèsu Kristi, ndo malwuɗi nzuraʼa, tsuvomaʼa te nslambaɗkaɗauda te va ndohi mʼmetsaʼa, bai a géɗ bihi herkeda. Nengaʼa man a woy nga a ndav na, a mpreka nga auda te mali nga a Pombaz nengaʼa,

Mofa New Testament

⁵ te Yèsu Kristi, ndo malwuƋi nzura'a, tsuvoma'a te nslambaƋkaƋauda te va ndohi m'metsa'a, bai a géƋ bihi herkeda. Nenga'a man a woy nga a ndav na, a mpreka nga auda te mali nga a pombaz nenga'a,

Apocalypse 1:5 ပူးပေါင်းရင်းမြစ်များ

Psaumes 51:2

a pats man Nathan, ndo nhadka ma, a mshkè a sam na, te deɓaʼa man a gu mphömè a Bath-Shéba.

Psaumes 72:11

Bihi kokwar tèlèba sèi ta gurɓahai a sam nengaʼa, ndohi herkeda tèlèba sèi ta gi mizlinè nengaʼa.

Psaumes 89:27

A da bahayè: Ka bab ga, Zhiklè ga, za skwi mbelyè!

Proverbes 14:5

Ndo malwuɗi nzuraʼa a cèkèlma azɓai; aman ndo malwuɗi man ambaɓai a cèkèl ma.

Esaie 55:4

Na haha, i vau a ndo malwuɗai a sam ndohai, a ɓai, aman a ncè ta ma ndohi tèlèba.

Daniel 2:2

Bai a mbaha ta ndohi maya a ndohi mʼmbèh skwai a ndohi kilèa a ndohi Chaldée, aman ta ngra na nshunè.

Daniel 7:14

A ta va na wuɗai a nʼnjèlè a wuɗi bai, a ndohi herkeda te verzi tsaɗ tsaɗ a nèʼèn tsaɗ tsaɗ tèlèba ta gu mizlinè nengaʼa. Wuɗi nengaʼa, wuɗi man a nzi a mèdèp, man a ndev azɓai, kokwar-bi nengaʼa a gédèshè azɓai.

Lèv. 13:58

Aman ka pèn maslaka ntsentsai, man bata maslaka, man skwi hutèɗ ngedassaʼa, a ndev na auda a pa, sèi ka pènè zaʼa, da ga a skwi nlizhɓiaʼa.

Zacharie 13:1

A pats nasa nlèlè iyam a zhè a sam ndohi gi David a ndohi Jérusalem, a pènè malai a skwi nlizhèʼa.

Matthew 20:28

Lèmèlèmè kra-ndo a mshkè aman ndohi ta takaha ka ɓai; a mshkè, aman a takaha ta ndohai, a vi nshèffè nengaʼa a skwi mpil gèɗ a géɗ ndohi kumba.

Matthew 28:18

A Yèsu a mshkè a sam ta, a ngaɗa ta: Wuɗi tèlèba te zhiklè ba, tʼherkeda ba, nte ri ga.

Jean 13:1

Ga ngolala Pâque, Yèsu a suna, tiɗè sam man a nengaʼa a mshkè ma, a da jèkeda herkeda haha, a ndè a sam Bab na. A woy ndohi na, man ta zhè tʼherkeda, a ndav na, a woy ta, ha a ndeva skwi tèlèba.

Jean 13:34

I va kinè ma nkwèr mɓuaʼa: Va-woy va kinè, ngiɗè da woy ngiɗè, lèmèlèmè ara man i woy kinè a ndav ga. Aman kinè ha, va-woy va kinè, ngiɗè da woy ngiɗè, ngiɗè da woy ngiɗè a ndav na.

Jean 15:9

Lèmèlèmè ara Bab ga a woy iyè a ndav na, i ba i woy kinè a ndav ga. Va-nza temwoy-ndo ga!

Jean 18:37

A Pilate a ngaɗa na: Kos man ar haha, ka bi dè? A Yèsu a ngaɗa na: Ara ngèɗè ngaya; i bai. I shkè a herkeda, aman i gi a ndo malwuɗi ma nzuraʼa. Ndo staɗ staɗ tèlèba, man ndo nzuraʼa, a tsena daʼai ga.

Jean 3:11

A vava, a vava i gaɗa ka, nga gèdè skwi man nga suna, a nga ngréɗè skwi man nga rkaʼa, a kin cè malwuɗi nga azɓai.

Jean 3:16

Gar haha Zhiklè a woy herkeda a ndav na, a mva ta kra nengaʼa, kra nengaʼa staɗgenè, aman ko wawa man a nco nengaʼa a ndav na, a zi azɓai, a nʼngotso nshèffè a mèdèp.

Jean 3:32

A ngreda skwi man a rkaʼa, a tsenaʼa; aman ndohi ta cè skwi malwuɗi nengaʼa azɓai.

Actes 20:28

Anai sèi kin gi maya a géɗ va kinè, a géɗ rèwè tèlèba, te ndev tengaʼa Mèzhèɓ Zhiklè nkezlaʼa a nʼnge kinè a ndohi nwar ta, aman kin wèr mpi ndohi Zhiklè, man a sumkaɗa deɓa a Pombaz va nengaʼa.

Actes 26:23

ara man sèi skwa a dza na Kristi, a nengaʼa a gi a ndo nshèlèkuraʼa te ndev ndohi mʼmetsaʼa man ta slambaɗkaɗauda te mʼmetsai, a ngreda ta skwi nhél sam a ndohi nte deɓa.

Romans 3:25

Nengaʼa Zhiklè a fu a skwi mpil gèɗ te Pombaz nengaʼa, man nga ngècè te ncè-a-ndav. Zhiklè a woya a ngredè ngi-zuraʼa nengaʼa auda a vna. Te nzhèr skwi nengaʼa dai, a nzuɓ malihi nhalaʼa.

Romans 8:37

Aman te skwi haha tèlèba nga gi a ngulaʼa, a fena ndohi nʼngul skwi tèlèba, te Yèsu man a woy nga a ndav na.

1 Corinthians 6:11

Ndohi tsaɗ tsaɗ te ndev kinè ta gu arsa zlèzlèa. Aman kin pana, kin kezla, kin gaʼa a ndohi nzuraʼa te nzlembaɗ Bi Yèsu Kristi, te Mèzhèɓ Zhiklè nga ma.

Galates 2:20

I nzi a nshèffè, aman anai i ka ɓai, aman Kristi a nzi a nshèffè te ndav ga. I nzi a nshèffè te va ga haha, a géɗ ncè kra Zhiklè a ndav, man a woy iyè a ndav na, a mvau va na a géɗ ga.

Ephésiens 2:4

Aman Zhiklè, man ndo a sia te va kumba, a géɗ mwoy-ndo nengaʼa mbiaʼa, man a woy nga a vna,

Ephésiens 5:2

Va-woy ndo, lèmèlèmè ara Kristi man a woy kinè! A mvoko va na a ri na a géɗ nga, ara skwi man a va na Zhiklè, a skwi man a zla na Zhiklè, man ambaha Zhiklè.

Deutéronome 18:2

Ta ngècè skwi nʼndi gai te ndev kramamhi ta azɓai. Ndo nzi pèc pècèk, nengaʼa skwi nʼndi gi ta, ara man a gaɗa ta.

Deutéronome 23:5

Aman Ndo nzi pèc pècèk, Zhiklè ngaya, a woya a ntsena ma Balaam ɓai, te man Ndo nzi pèc pècèk, Zhiklè ngaya, a woy ka.

Deutéronome 7:8

aman a géɗ man Ndo nzi pèc pècèk a woy kinè, a ngu ara man a mbaɗa ta babhi kinè; a nhelka kinè auda a ri man wuɗi na zhè, a mpreka kinè auda te gi ɓèlè, te gi Pharaon, bi Egypte.

Colossiens 1:18

Nengaʼa gèɗ va, gèɗ mpi ndohi Zhiklè; nengaʼa nhinkaɗ skwi tèlèba, nshèlèkuraʼa man a slambaɗkaɗauda te ndev ndohi mʼmetsaʼa. Te skwi tèlèba tsuvomaʼa.

1 Timothy 6:13

I fa ka maya a gèɗ, a sam di Zhiklè, nengaʼa man a vi nshèffè a skwi tèlèba, a sam di Yèsu Kristi, nengaʼa man a ngreda ma nengaʼa auda amba a sam Pilate:

1 Timothy 6:15

Ndo nkwar nga man amba, na staɗgenè, Bai a géɗ bi tèlè, bai a géɗ kokwar-bihi tèlè,

Hébreux 10:29

Va-huro, kita mbiaʼa holholaʼa ndo a ngècèʼa, aman a mbatsaha kra Zhiklè a sak, a nrka Pombaz nderzlè-ma, te nengaʼa man a gaʼa a ndo nkezlaʼa, ara skwi nlizhèa, a nderɗe Mèzhèɓ pombi Zhiklè.

Hébreux 9:14

holholaʼa Pombaz Kristi, man a vau nshèffè a ri na a skwi nzli a Zhiklè, man mali a te pa ɓai, te Mèzhèɓ Zhiklè man a zhè a mèdèp, a pènè mèzhèɓ ndav nga te mizlinè mʼmetsaʼa, man kala a deɓa ma, a nga gi mizlinè Zhiklè man a zhè a nshèffè.

1 Peter 1:19

aman pombaz Kristi nzalaʼa, nara kra tambak man mohtsomb skwi ka ɓai.

1 John 1:7

Aman nga dè te ndev sam nhelaʼa, lèmèlèmè ara nengaʼa ba te ndev sam nhelaʼa, nga humda, ngiɗè a ngiɗè. A Pombaz Yèsu, kra nengaʼa, a pan nga te mali staɗ staɗ tèlèba.

1 John 4:10

Mwoy-ndo te man nga nwoy Bi Zhiklè ka ɓai, aman a géɗ man nengaʼa a nwoy nga, a nzlündo kra nengaʼa a skwi mpil gèɗ mali nga.

Apocalypse 11:15

A gol Zhiklè matsaraɗaʼa a ntsu tolom: a ngèɗè mbiaʼa a ntsenka te zhiklè, man a gaɗa: Ta va na kokwar-bihi herkeda a ri a Bi Zhiklè, a Kristi nengaʼa. Nengaʼa a gi Bai a ma ma a mèdèp.

Apocalypse 11:3

A i woy a i gi aman ndohi malwuɗihi ga cèw ta hodko ma Zhiklè mʼmèn 1.260, a maslaka sam kuɗa a va.

Apocalypse 17:14

Ta da gi wuɗi a kra tambak, a kra tambak a da gi a ngul ta, aman nengaʼa mbiaʼa a géɗ mbibihiaʼa, bai a géɗ bihai, a ndohi man ta dzodzora, man Zhiklè a baha ta, a mpar ta mpèrè, a ta lèɓèslè, ta mbi a ngi a ngula a nda nengaʼa.

Apocalypse 19:11

A i rka zhiklè mwinèa: na haha, plèsh nslekaɗaʼa. Nzlembaɗ ndo plèsh: ‘nlèɓèslèʼa a nzuraʼa’, man a gi kita, a gi var te ngi-zuraʼa.

Apocalypse 19:16

Nzlembaɗ ngiɗè mwindèa a maslaka na, a tataya nengaʼa: Bai a géɗ bihai, mbiaʼa a géɗ mbibihiaʼa.

Apocalypse 2:13

I sun sam nʼnzi ngaya, sam nʼnzi bi Sadan a pa. Aman ka gshè va a iyè genè, ka tsakal ma a géɗ ncè-a-ndav ɓai, ko pats man ta keɗa Antipas, ndo malwuɗi ga nzuraʼa a sam kinè, a sam man Sadan a nzi a pa.

Apocalypse 3:14

Winda na tsuvom mpi ndohi Zhiklè te kokwar Laodicée: Nengaʼa man zlembaɗ na Amen, ndo malwuɗi nlèɓèslèa a nzuraʼa, nhinkaɗ skwi man Zhiklè a gau, a goɗ ar haha:

Apocalypse 7:14

A i gaɗa na: Bi ga, ka, ka suna. A nengaʼa a ngaɗayè: Tengaʼa man ta shkè auda te matakwan mbiaʼa, a ta pana maslaka tengaʼa, a ta slekaɗa maslaka tengaʼa te Pombaz kra tambak.