Amos 9:10 - Ma Zhiklè

¹⁰ Ndohi ga man ta gu malai a ta gada: skwi mwuɗitpa a da ga nga azɓai, matakwan a da ngatsa nga azɓai – a di ta da bazl ta a tsakwal.

Amos 9:10 ပူးပေါင်းရင်းမြစ်များ

Psaumes 10:11

A nhuro: Mpca na a gèɗ a Zhiklè; Zhiklè a nʼngheda va na, a rka ɓai.

Ecclésiaste 8:11

A géɗ man kita a shkè tsam tsam azɓai a géɗ skwi ambaɓiaʼa, ndohi ta gi zlau ngi skwi ambaɓiaʼa azɓai.

Esaie 33:14

Ndohi malai ta gudzi te Sion. Nder-kèzhè ndohai ta gi gurts te va tengaʼa. Ta jhèɗèʼa: Nslaha a nzlècè a tsagi nèʼèn vogwa wa? Nslaha a nzlècè a tsagi vogwa man a mbècè azbi a mèdèp, wa?

Esaie 5:19

Man ta gaɗa: Da vaska va, da ndeva mizlinè nengaʼa yau yau, aman nga rkaʼa! Skwi man Sion a nhur a da giaʼa, da gau, a nga suna!

Esaie 56:12

Ta gaɗa: Vo-washkè, i da woy zom a nga siaʼa, ha zom a nkeɗe nga! Angoslèm ba nga da gi lèmèlèmè ara mpatsna genè, a ta gèɗè a géɗèʼa: Gaka na va! Ndheda pa!

Jérémie 18:18

Ta gaɗa: Ngo-vhokoy ma a gèɗ a Jérémie! Ma nhèdè ma a sam ndo mvi skwi a Zhiklè a ndiva ma? Ma ncèmma a sam ndo maya a ndiva ma? Ngo-tsedokoy ma a pa, ngo-fokoy gèɗ a ma nengaʼa ɓai!

Jérémie 23:17

A ndohi man ta derɗyè, ta gaɗa ta: Ndo nzi pèc pècèk a ngoɗo: gumi a nda kinè! A ndohi tèlèba man ta sassaya ndav ta, ta gaɗa: Skwi mwuɗitpa a da ga kinè azɓai.

Jérémie 29:32

a géɗ nengaʼa Ndo nzi pèc pècèk a gaɗa: Iyè i gi kita a géɗ Shemaeja, ndo Néchélam, a géɗ ndohi te verzi nengaʼa: Ndo azɓai te va gwoli na, man ta da nzi te ndev ndohi haha; nengaʼa a da rka skwi mbelaʼa man i ga ta ndohi ga azɓai, Ndo nzi pèc pècèk a gaɗa, a géɗ man a nju ma, a ndohi ta slambaɗa na va a Ndo nzi pèc pècèk.

Ezéchiel 20:38

Ndohi man ta slambaɗkay a va a ndohi man ta jèkyè, i da parka ta auda te va kinè, aman ta dè a kokwar Israel azɓai, a kin da suna, i Ndo nzi pèc pècèk.

Amos 6:1

Wobau a géɗ ndohi te Sion, man ta hér skwi ngidè azɓai, man ta gshè va a za Samarie, a ta nzi a géɗ za, man ta baha ta ndohi mbiaʼa te va ndohi herkeda, bihi ndohi gi Israel.

Amos 6:3

Kin woy a kin herda pats matakwan a ma ma, a mvi man wuɗitpa a herdaka kinè a va ma.

Amos 9:8

Na haha Bi Zhiklè a pi di a kokwar-bi man a gi malai. Ar i woya a i zede nengaʼa tʼherkeda. Aman i woya a i zede ta ndohi gi Jacob tèlè ɓai, Ndo nzi pèc pècèk a gada.

Michée 3:11

Ndohi tengaʼa mbibihiaʼa ta gi kita ara man ndohi ta ruɓ ta. Ndohi mizlinè Zhiklè tengaʼa ta njè ma a géɗ sulai. Ndohi nhadka ma tengaʼa ta hodko ma a gèɗ sulai. A ta pi ndav a Ndo nzi pèc pècèk a ta gaɗa: skwi mwuɗitpa a shkè a géɗ nga azɓai.

Zacharie 1:6

Aman ma ga, a skwi man i basla na gèɗ a va a i gaɗa ta ndohi mizlinè ga, ndohi nhadka ma, nʼnga ta babhi kinè ɓi ɗè? A ta menkaɗa deɓa a ta gaɗa: Skwi man Zhiklè bi mbiaʼa a nhur a da ga nga, ara civèɗ nga, ara mizlinè nga, nʼnga nga arsa a vava.

Mal. 3:15

Dara man nga gaɗa: Mwuffè a sam ndohi nfi va. Ndohi ndérɗè Zhiklè ta wèl va genè ka ɓai, ta pi Zhiklè a wai a ta zli va ta auda a samaʼa ba.

Mal. 4:1

Na haha pats ngiɗè a shkè, vogwa te pa ara gezla, a ndohi nfi va a ndohi ndérɗè Zhiklè tèlèba ta ara pandar. A pats man a di a shkè, a fa ta vogwa, Zhiklè bi mbiaʼa a gaɗa, ko zluzloraʼa, ko zlèkèzlèvaʼa njèka ɓai.