Amos 8:14 - Ma Zhiklè

¹⁴ Tengaʼa man ta mbada a sam mʼmbèh skwi te Samarie, a ta mbada a géɗ nshèffè vri Dan, a géɗ nshèffè vri Beer-Shéba, ta da kèlèhai, a ta da slèmbèɗè te deɓaʼa asaɓai.

Amos 8:14 ပူးပေါင်းရင်းမြစ်များ

I Rois 12:32

A Jéroboam a mfu ngolala a ki matsamakaɗaʼa, mʼmèn 15 a kia, lèmèlèmè ara ngolala man ta gu te Juda. A ngau ngolala arsa te Bethel, a nzla na skwi a marihi guro man a vüdo, a ngaɗa ta ndohi mvi skwi a zhiklèhi nengaʼa, aman ta gi mizlinè tengaʼa a sam mʼmbèh skwi man a ngau te Bethel.

I Rois 14:16

A da jèkeda Israel, a géɗ mali Jéroboam, a géɗ mali man a mpe ta ndohi Israel a wi a vna.

I Rois 16:24

Te deɓaʼa a nsum za te Samarie, te Schémer, a Suli gozhèm cèw, a nrom gi te pa, a mbaha na kokwar man a roma sa, kokwar Samarie, ara Shémer, ndo man za a nengaʼa nshèlèkuraʼa.

II Rois 10:29

Aman Jéhu a njèkeda mali man Jéroboam, kra Nebath, a mpe ta ndohi Israel a wi a vna, ɓai, a ndzodzor mari guro te Béthel, a mari guro te Dan.

II Chroniques 36:16

Aman ta ngwossaha ta ndohi sak Zhiklè, ta kwola ma nengaʼa, ta derde ta ndohi nhadka ma, ha ndav a ndza na Ndo nzi pèc pècèk worworaʼa a géɗ ndohi na, a til azɓai.

Psaumes 140:10

Tengaʼa man ta ngalyè a pa, da gur gèɗ ɓai! Shèwa man ta woy a ta giaʼa, da ngwoda ta va a gèɗ!

Psaumes 36:12

Ndo nfi va da mbatsay a sak bai, ri ndohi ambaɓihiaʼa da dzamyè bai!

Proverbes 24:16

Aman ndo nzuraʼa a kèlèhi, ko sak tsaraɗ, a slèmbèɗè genè. Aman ndohi ambaɓihiaʼa ta wush ta hai, a matakwan.

Proverbes 29:1

Ndo man ka ngatsa na maya, a tsena gèɗ ɓi genè, a kèlèhi a nasa nasa, skwi ntakaha azɓai.

Esaie 24:20

Herkeda a gi dzaw-dzawaʼa ara ndo zom, a gi zhèw-zhèwaʼa, ara skwi mʼmana te wof. Mali a nzala na herkeda a vata, mʼmbeɗ na, a slèmbèɗè te deɓaʼa asaɓai.

Esaie 43:17

Nengaʼa man a nzlündo kiki var a ndohi plèsh a ndohi var a bihi sojè tèlèba; ta kala tʼhai, ta slèmbèɗè azɓai, ta mbats ta ara vogwa pitirla man teɓa a ndev na te pa.

Jérémie 25:27

Ka da gaɗa ta: Zhiklè bi mbiaʼa, Zhiklè Israel, a goɗ ar haha: Va-sau, da keɗe kinè ara zom, va-vünèho, va-kalahai, kin slambaɗa ɓai, a sam tsakwal man i zlinda a sam kinè.

Jérémie 51:64

Te deɓaʼa ka da gaɗa: Lèmèièmè Babylone ba, matakwan man i da zlinda na, a da zeda na gèɗ a pa, a da slèmbèɗè te pa te deɓaʼa asaɓai. Ma Jérémie tar nta.

Osée 10:5

Ndohi Samarie ta gudzai a géɗ marai te Beth-Aven. Ndohi tengaʼa ta kuɗi a géɗèʼa. Ndohi mvi skwi a marai ta lèyè nʼnjèl nengaʼa man ngedas na.

Osée 13:16

Samarie a ngu malai, a gèɗ man a ga na ma a va a Zhiklè na. Ta da bazl ta a tsakwal. Wudahi wa tengaʼa ta mbatsaha ta a sak, a ta cizlè ngwozi ta man ta a hwaɗ.

Osée 13:2

a ta bazl ta. Antanta ta gi mali holholaʼa, ta gi zlèhi mʼmbèh skwai a verzhègenè, a ta viɗè mèzhèɓ skwi ta. Tèlèba ngwozlazlihi a ngau. Ta gaɗa: Na haha Zhiklè! Tengaʼa ndohai man ta zli skwai, ta kalahi a deɓ sak zlè.

Osée 4:15

Israel, ka gi mphömè; aman Juda da gu mali ɓai! Kin do Guilgal ɓai, kin teva Beth-Aven ɓai! Kin mbada arsa ɓai; ara man Zhiklè a zhè a nshèffe!

Amos 5:1

Kinè ndohi Israel, va-tsena ma haha man i gèɗè a géɗ kinè, ma kuda.

Amos 5:2

Dem Israel a nkal na hai, a nslambaɗkaɗa asaɓai, ntangala tʼhai tʼherkeda, ndo nslambaɗda azɓai.

Amos 5:5

Va-woy iyè, a kin da nzi a nshèffè. Kin hoss Béthel ɓai! Kin do Guilgal ɓai, kin do aussa a Beer-Shéba ɓai; aman Guilgal a vava a dè dangai, a Béthel a da gedas na.

Michée 1:5

Skwi haha tèlèba a gi a géɗ mphömè, a géɗ mali Israel. Mphömè Jacob a shkè tema? Te Samarie ka ɓi ɗè? Sam mvi skwi a zhiklè man a Juda a géɗ za tema? Te Jérusalem ka ɓi ɗè?

Sophonie 1:5

ta tèlèba man ta gurɓèhai a géɗ gai, a ta tsi rai a bantihai, ta tèlèba man ta gurɓahai a ta mbèɗè a nzlembaɗ Ndo nzi pèc pècèk a nzlembaɗ Milcom cèw ba.

Actes 18:25

A sun civèɗ Zhiklè, a njè ma Yèsu pèc pècèk, a mpi vogwa a ndo a ma. Aman nengaʼa a sun sèi baptême Jean.

Actes 19:23

Te ndev nasa, ndav ndohi kètè a hu-bètè a géɗ ma civèɗ Bi Yèsu.

Actes 19:9

Aman ndav ndohi ngiɗè ngwora, ta ca a ndav ɓai, a ta durdo civèɗ Zhiklè a sam di mpi ndohi Zhiklè tèlèba; te deɓaʼa Paul a njèke ta a pa, a nhelka ta golahi Yèsu a tsagi nengaʼa, a njènga ta pèc pècèk te gi njèngè Tyrannus.

Actes 24:14

Aman i ngreda a sam ngaya, i gi mizlinè Zhiklè babhi nga arsa a civèɗ Zhiklè mɓuaʼa haha (man ta baha na njèngè Zhiklè tsaɗ), a i co ma tèlèba a ndav ga, man ta Windo te ɗèlèwèr ma kita Zhiklè a ndohi nhadka ma,

Actes 9:2

a ndzhoɗo ɗèlèwèr, man a woya a ndèʼa a gi njèngè ma Zhiklè te kokwar Damas, man a va na civèɗ, aman a ndzaw ta ngurhi a ngwozi man ta jèjèr njè-ma mɓuaʼa, a nde ta a kokwar Jérusalem.

Deutéronome 33:11

Ndo nzi pèc pècèk, pshè na ma, a wuɗi na, mizlinè ri nengaʼa da ambaha ka. Paslama ta sak a mayamhi ta, a ndohi man ta ga ta shèwa. Da slambaɗa te deɓaʼa ɓai!

Deutéronome 9:21

A marai man kin gau, a kin gu mali a vna, i co a i fa na vogwa i batsedaussa, a i kerɗaʼa ara mberfenèk, a i wusheda a woyam man a shkèhai te za.