Amos 7:17 - Ma Zhiklè

¹⁷ Gar haha Ndo nzi pèc pècèk a gaɗa: ngwoz ngaya a da ndi a fali ngwoz te kokwar. Wudahi ngaya a dalahi ngaya ta da bèzl ta a tsakwal. Herkeda ngaya ta da liva ka a ri a teɓa, a ta va na ndo ngiɗè. Ka, ka da metsi ngaya a kokwar ndohi nte deɓa. A ndohi Israel sèi ta da jèkeda kokwar ta, a ta da gi ɓèlè a kokwar ngiɗè.

Amos 7:17 ပူးပေါင်းရင်းမြစ်များ

II Rois 17:6

Te mvi bi Osée 9, bi Assyrie a nduma Samarie, a nhel ta ndohi Israel a ɓèlè a kokwar Assyrie, a mpe ta a kokwar Chalach, a za Chabor, a woyam Gozan, a kokwarhi mbimbihiaʼa te Mèdes.

Psaumes 78:55

A ndzam ta kokwar bihi te pa, a nliva skwi nʼndi gi ndohi na a teɓa, a ndohi te verzi Israel ta nza te gi ta.

Esaie 13:16

Ta tseda ta gèɗ a wudahi a sam di ta, ta helama ta skwi a metsar te gai, ta kala ta va a ngwozi tengaʼa.

Esaie 22:18

a gudumbal ka tʼherkeda ara guya, a nda dra. Ka metsi ngaya a pa, a kiki bi ngaya nʼnzalaʼa ta da gédèsh ta te pa, ka pa na hori a di a gi bi ngaya.

Jérémie 14:16

A ndohi man ta hada ta ma, ta tiɗ ta a mai a civèɗ Jérusalem, a ta kèlèhi a géɗ tsakwal, ndo nda re ta azɓai, tengaʼa a ngwozi ta, a wudahi a dalahi ta. Aranta i da ngwoda ta shèwa tengaʼa a gèɗ.

Jérémie 20:6

Aman ka, Pashur, a ndohi gi ngaya tèlèba, ta da hel kiné a ɓèlè a kokwar Babylone. Ka da metsi te pa, ta da re ka a pa, a nda mandalahi ngaya tèlèba man ka hada ta ma ncèkèlma.

Jérémie 28:12

Ndo nzi pèc pècèk a ngaɗa na Jérémie, te deɓ man Hanania, ndo nhadka ma, a mpasla wof te daʼai Jérémie, ndo nhadka ma, a ngaɗa na:

Jérémie 28:16

Gar haha Ndo nzi pèc pècèk a gaɗa: Na haha i da zede ka Tʼherkeda. A vi na ka da metsi ngaya, a géɗ man ka hodko ma, a ndohi ta slambaɗa na va a Ndo nzi pèc pècèk.

Jérémie 29:21

Zhiklè bi mbiaʼa, Zhiklè Israel, a goɗ a géɗ Achab, kra Kolaja, a géɗ Sédécias, kra Maaséja, man ta hodko kinè ncèkèlma a nzlembaɗ ga: Iyè i da pe ta a ri Nebucadnetsar, bi Babylone, a da bazl ta a sam di kinè.

Jérémie 29:25

Zhiklè bi mbiaʼa, Zhiklè Israel, a goɗ ar haha: Ka zlündo ɗèlèwèr a nzlembaɗ ngaya, a sam ndohi tèlèba te Jérusalem, a Sophonie, kra Maaséja, ndo nhadka ma ba, a ndohi nhadka ma tèlèba, a ka gaɗa:

Lamentations de Jérémie 5:11

Ta par ta ngwozi a wuɗai te Sion, a ta sussora dalahi te kokwar Juda.

Ezéchiel 4:13

Te deɓaʼa Ndo nzi pèc pècèk a gaɗa: Aranta ndohi Israel sèi ta da ndi movar nlizhèa te ndev ndohi nte deɓa man i da dzam ta a va tengaʼa.

Osée 9:3

Zom ba ta wuffè a géɗèʼa azɓai. Ta da nzi tʼherkeda Ndo nzi pèc pècèk azɓai. Ephraim sèi da mena a deɓa a kokwar Egypte, a ta ndi tsahkaɓi skwi te Assyrie.

Amos 6:7

Gar haha sèi ta dè ɓèlè te va ndohi nshèlèkuraʼa; mwuffè tengaʼa man ta tangalahi ntèngèlè a ndev na.

Amos 7:11

Amos a ngoɗ ar haha: Jéroboam ta da keɗaʼa a tsakwal, a ta da hel ta ndohi Israel a ɓèlè dra.

Amos 8:1

Skwi haha Bi Zhiklè Ndo nzi pèc pècèk a ngrayè: Gadagar a zhè, a nyi wof te pa.

Amos 9:1

A i rka Bi Zhiklè a nzlatsa a géɗ sam mvi skwi a Zhiklè, a ngaɗa: Tsau sak gai, a sam man ndohi ta mbècè a pa a gudzai! Batsama ta gèɗ a vna, a njè-kèɗiaʼa i woy a i bazl ta tèlèba a tsakwal. Ko staɗ te ndev tengaʼa da mbel na ɓai! A ndo man a hi na a mbélè auda azɓai.

Amos 9:8

Na haha Bi Zhiklè a pi di a kokwar-bi man a gi malai. Ar i woya a i zede nengaʼa tʼherkeda. Aman i woya a i zede ta ndohi gi Jacob tèlè ɓai, Ndo nzi pèc pècèk a gada.

Michée 1:16

Sha gèɗ ngaya, a gèɗ wudahi ngaya man ka woy ta. Nza a gèɗ ndoy-ndoyaʼa ara mohodok; aman ta da jèke ka, ta da hel ta a ɓèlè.

Zacharie 14:2

A i ɓic ta ndohi herkeda tèlèba, a ta gi var a Jérusalem, a ta duma kokwar; ta hil skwi te gai, a ta kala ta va a ngwozai. Rèta ndohi kokwar ta hel ta a ɓèlè, a kokwar ngiɗè; njèkèɗi ndohi ta nzi a kokwar dai.