Amos 7:14 - Ma Zhiklè

¹⁴ Amos a mʼmbeɗa na a ma Amatsia: I ndo nhadka ma ka ɓai, i gol ndo nhadka ma ka ɓai. I ndo mɓer skwai, i pèr kslor.

Amos 7:14 ပူးပေါင်းရင်းမြစ်များ

I Rois 19:19

A Elie a ndo na, a ta zlü gèɗ a Elisée, kra Shaphath nengaʼa a pizhè. Zlèhi nengaʼa ntserzlaʼa cèw, cèw – 12. A nengaʼa a zhè a sam makulagéɗèacèwaʼa. A Elie a mbeza a sam na, a mco dawar na a va, a nkalda na a va.

I Rois 20:35

A ndo ngiɗè te va ndohi nhadka ma a ngaɗa na mandal na, ara man Ndo nzi pèc pècèk a ngaɗa na: Tsyè dakwa! Aman ngiɗè a woya a ntsia ɓai.

II Rois 2:15

Golahi ndohi nhadka ma te Jé-richo, man ta zlatsa te wud woyam, ta rkaʼa ta goɗ a va ta: Mèzhèɓ Elie a zhè a géɗ Elisée. A ta shkè, aman ta zli gèɗ a vna, a ta gurɓahai a sam na.

II Rois 2:3

Golahi ndohi nhadka ma te Béthel ta shkè a sam Elisée, a ta gada na: A patsna Ndo nzi pèc pècèk a da cèma ka babgi ngaya, ka sun dè? A nengaʼa a ngaɗa ta: I ba i suna. Va-nze kinè tètè genè!

II Rois 2:5

Golahi ndohi nhadka ma te Jéricho ta shkè a sam Elisée a ta gada na: A patsna Ndo nzi pèc pècèk a da cèma ka babgi ngaya, ka sun dè? A nengaʼa a gada: I ba i suna: Va-nze kinè tètè genè!

II Rois 2:7

Golahi ndohi nhadka ma 50 to do a verzi tengaʼa, a ta zlatsa zuraʼa a ma tengaʼa, dra kètè. Elie a Elisée to do a ma woyam Jourdain.

II Rois 4:38

Elisée a mʼmen na a deɓa a kokwar Guilgal, te va man mi a gi a kokwar. Aman golahi ndohi nhadka ma ta nza a sam na, a ngaɗa na ndo mizlinè nengaʼa: Ngeda shiɗèf mbiaʼa a vogwa, a ka ta ta skwi a golahi ndohi nhadka ma!

II Rois 6:1

Pats ngiɗè, golahi ndohi nhadka ma ta gada na Elisée: Sam man nga nzi a pa a haha, a slra nga ɓai.

II Chroniques 16:7

Te ndev nasa, Hanani, ndo nsun skwai, a mshkè a sam Asa, bi Juda, a ngaɗa na: A géɗ man ka pu ndav a bi Syrie, a ka pu ndav a Ndo nzi pèc pècèk, Zhiklè ngaya bai, ndohi var bi Syrie ta wuc ta auda te ri ngaya.

II Chroniques 19:2

Jéhu, kra Hanani, ndo nhadka ma, a ndo a sam na. A ngaɗa na Josaphat: Sèi nga takaha ndo ambaɓiaʼa dè? Ndohi man ta gi shèwa a Ndo nzi pèc pècèk, ka woy ta genè dè? A géɗ nengaʼa Ndo nzi pèc pècèk a gi ndav a géɗ ngaya.

II Chroniques 20:34

Njèkèɗi skwi man Josaphat a gau, nshèlèkuraʼa a ndikèma skwi na, ta windeda ɗèlè-wèr Jéhu, kra Hanani, man ta zhè te va ɗèlèwèr bihi Israel.

Job 30:4

Ta pèr nyi boss, ta ri bezlam a ta peɗiaʼa.

Amos 1:1

Ma Amos, ndo mɓer tambak te Tekoa. Skwi man a rka na di a géɗ Israel, te va man Ozias bi Juda, a Jéroboam, kra Joas, bi Israel, mvi cèw, ga herkeda a gudzai.

Amos 3:8

Aman marizhèlè a kuɗai, ngi zlau azɓi wa? Bi Zhiklè, Ndo nzi pèc pècèk, a goɗa, nhèdè ma azɓi wa?

Zacharie 13:5

Aman staɗ staɗ tèlèba a gaɗa: I ndo nhadka ma ka ɓai, i ndo mpizhè. Gi dau ga a zhè, daga man i wudahai.

1 Corinthians 1:27

Aman Bi Zhiklè a nco skwi nrzla a sam di herkeda, aman a pa ta hori a di a ndohi maya a vna. A skwi man wuɗi na azɓai a sam di herkeda, Zhiklè a nco, aman a pa na hori a di a skwi man wuɗi na a zhè.

I Samuel 10:11

Aman ndohi tèlèba man ta sun Saul te va nasa, ta rka ara man a nhodko ma a nda ndohi nhadka mai ndohi ngiɗè ta goɗ a va ta: Nʼnga na kra Kis mè? Saul ba te va ndohi nhadka ma dè?