Amos 5:7 - Ma Zhiklè

⁷ Kin ngwoda kita a skwi nduzlekzlekaʼa, a kin jèkeda ngi-zuraʼa.

Amos 5:7 ပူးပေါင်းရင်းမြစ်များ

Psaumes 125:5

Aman tengaʼa man ta bez ta zlawa a civèɗ tengaʼa ndzaraʼa, Ndo nzi pèc pècèk da zede ta a nda ndohi malihai. Gumi da zhè a géɗ Israel!

Psaumes 36:3

A peda ndav na a wi a vna, mali ga a ngècè azɓai, ar na, shèwa az a géɗ ga bai, ar na.

Proverbes 21:7

Ndohi ambaɓihiaʼa, shèwa a gedas ta. Ta woy a ta gi skwi zuraʼa azɓai.

Esaie 1:23

Tsuvomhi ngaya ta poko ta gèɗ auda a ndohai, a ta humda va a metsarhai. Ta tèlèba ta woy aman ndohi ta va ta skwai, a ta hèsh skwi mbalai. Ta takaha kra diki azɓai, ta nza na a deɓa a ngwoz mazi azɓai.

Esaie 10:1

Wobau a gèɗ ndohi man ta gèɗè ma kita ncèkèlma, a gèɗ ndohi man ta windè ma nkwèr mwuɗitpa pèc pècèk,

Esaie 46:12

Va-tsena ma ga, kinè man ndav kinè mʼmbeɗ na, man kinè dra a sam skwi mʼmbel ndo.

Esaie 5:20

Wobau a géɗ ndohi man ta baha na skwi man ambaɓai, amba; a skwi man amba, ambaɓai; man ta ngwoda ruva a skwi nhel sam, a skwi nhel sam a ruva; man ta ndeda skwi nɗuzlekzlekaʼa a skwi nhontuktukaʼa; a skwi nhontuktukaʼa a skwi nduzlekzlekaʼa.

Esaie 5:7

Aman gi wof barassa man a Zhiklè bi mbiaʼa, nengaʼa gi Israel. Ndohi Juda, wof man a wuffè a géɗèʼa. A nhur a da ngècè skwi man amba, — a ta keɗa ndo; a nhur a da ngècè skwi nzuraʼa, — anai ta dzakaɓaʼa.

Ezéchiel 18:24

Aman ndo nzuraʼa a njèkeda ngi-zuraʼa nengaʼa, a gi skwi nzura ka bai, a gi skwi nzuraʼa azɓai, skwi hori tèlèba lèmèlèmè ara ndo nderɗa Zhiklè, skwi nzura tèlèba man a gau, ta hérèʼa asaɓai. A géɗ man nlèɓèslè ɓai, a géɗ mali man a zhè a géɗ nengaʼa, a da metsi na.

Ezéchiel 3:20

Aman ndo nzuraʼa a jèkeda ngi zura nengaʼa, a gi skwi ambaɓiaʼa, i da slafadama na sak, a da metsi na. Aman ka ngatsa na maya ɓai, a da metsi na a géɗ mali na. A skwi nzuraʼa man a gau, ndo a hérè nengaʼa te deɓaʼa asaɓai. Aman nshèffè nengaʼa i jhèɗè te ri ngaya.

Ezéchiel 33:18

Aman ndo nzuraʼa a jèkeda ngi-zura nengaʼa a ngi malai, sèi a metsi na.

Osée 10:4

Ta goɗ ma ambalai, ta mbada a ncèkèlma, ta derzla ma ncèkèl-ma, a kita tengaʼa a fcè a sam tengaʼa ara kuza ambalai te gi dau.

Amos 2:3

a i da zede ta ndohi kita tèlèba a sam na, a i da bazl ta wud bihi nengaʼa tèlèba, Ndo nzi pèc pècèk a gada.

Amos 3:10

wuɗi man ta ga ta ndohi te pa! Ta sun ngi skwi nzura ɓai, Ndo nzi pèc pècèk a gada. Ta hil skwi a wuɗai, a ta shèkèdè mali te gi bihai.

Amos 6:12

Gi nkèshèa a bèc na wècwècèʼa. Plèshi ta hi te za dè? Ta pizhè za a zlèhi dè? A kin ngwoda kita a dèrè, a ngi-zuraʼa a skwi nduzlekzlekaʼa!

Michée 3:9

Kinè tsuvomhi ndohi Jacob, kinè mbibihiaʼa te Israel, man ma kita ambaha kinè ɓai, a skwi nsaraʼa kin dzaraʼa tèlèba, va-tsena ma haha!

Habakuk 1:4

Wuɗi ma kita ba azɓai, skwi nzuraʼa a nʼngredekaɗauda ɓai. Te man ndo malai nfa na a gèɗ a ndo nzuraʼa, ta terɗa ma kita.

Sophonie 1:6

Ta tèlèba man ta ngwoda na deɓa a Ndo nzi pèc pècèk, a ta woy a ta tsi ri a nengaʼa ɓai.

Deutéronome 29:18

Te ndev kinè, ko nguraʼa, ko ngwoz, ko ndohi gai, ko gwol ngwai, da jèkeda Ndo nzi pèc pècèk, Zhiklè nga, a patsna ɓai a nda tsi ri a zhiklèhi mbèh skwi ndohi herkeda sa. Zluzlor man dèrè te pa, a dèrvowa, i woya a sam kinè ɓai.