Amos 5:14 - Ma Zhiklè

¹⁴ Va-woy skwi man amba, kin woy skwi man ambaɓi ɓai! A kin nzi a nshèf-fè, a Ndo nzi pèc pècèk Zhiklè bi mbiaʼa a da zhè a sam kinè ara man kin goɗo.

Amos 5:14 ပူးပေါင်းရင်းမြစ်များ

Genèse 39:23

Ndo mɓer gi dangai a nhera a géɗ skwi ngiɗè ɓai, man a mva na a ri a Joseph, a géɗ man Ndo nzi pèc pècèk a zhè a sam na, a ntakaha te skwi tèlèba man a giaʼa, a gi amba.

I Chroniques 28:20

Te deɓaʼa David a ngaɗa na Salomon, kra na: Nzala va, gu slagama, hün mizlinè, ka gu zlau ɓai, ka gudzu ɓai, Zhikiè, Ndo nzi pèc pècèk, Zhiklè ga, a zhè a nda ka. Nengaʼa a da jèke ka a géɗ ngaya azɓai, a da mindè ri na a deɓa a gèɗ ngaya azɓai, ha skwi tèlèba nʼnga ma, a ta slaha ta gi mizlinè te gi Zhiklè.

II Chroniques 15:2

Ndo nzi pèc pècèk a zhè a nda kinè, ara man kinè a zhè a nda nengaʼa. Aman kin hèshèʼa, kin ngècèʼa. Aman kin jèkeda, nengaʼa a jèke kinè.

Psaumes 46:11

Va-nza tètè, va-senyè, i Zhiklè, mbiaʼa a sam ndohi herkeda, mbiaʼa tʼherkeda tèlèba.

Psaumes 97:10

Mandalahi Ndo nzi pèc pècèk, skwi man ambaɓai da ndara kinè! Ndo nzi pèc pècèk a ɓer nshèffè ɓèlèlihi nengaʼa, a preka ta auda te ri ndohi ambaɓihiaʼa.

Exode 3:12

A nengaʼa a ngaɗa: I zhè a sam ngaya. Na haha skwi man i ngreda ka, a ka shinè te pa, iyè nzlinde ka: Aman ka da helka ta ndohi ga auda te kokwar Egypte ma, kin da slébèrdè Zhiklè a der za haha.

Proverbes 11:27

Ndo man a woy skwi man amba, a ngècè pombai a sam Ndo nzi pèc pècèk; ndo man a woy skwi ambaɓiaʼa, skwi ambaɓiaʼa a ngwoda na va a gèɗ.

Esaie 55:2

Kin pi sulai a géɗ skwi man movar ka ɓi èhèmè? Kin gi mizlinè a géɗ skwi man a ngeza kinè hwaɗ azɓai èhèmè? Va-tsena ma ga, va-ndau skwi njènaha kinè leɓakaʼa, a ndav kinè nruɓa a skwi ngraʼa.

Esaie 8:10

Va-herda ma a hai — a di a gédèsh na. Va-basla gèɗ kinè — a da gi arsa azɓai, te man Zhiklè a zhè a nda nga.

Amos 3:3

Ndohi cèw ta slaha ta shèwèlè, man ta mba ma ta ka ɓi dè?

Amos 5:6

Va-woy Ndo nzi pèc pècèk, a kin da nzi a nshèffè. Man ɓai a da fa na vogwa a gi ndohi Joseph, a ndeda ma, a ndo a mbècè azɓai, ko te Béthel ba.

Michée 3:11

Ndohi tengaʼa mbibihiaʼa ta gi kita ara man ndohi ta ruɓ ta. Ndohi mizlinè Zhiklè tengaʼa ta njè ma a géɗ sulai. Ndohi nhadka ma tengaʼa ta hodko ma a gèɗ sulai. A ta pi ndav a Ndo nzi pèc pècèk a ta gaɗa: skwi mwuɗitpa a shkè a géɗ nga azɓai.

Michée 6:8

Ndo, ta ngra ka skwi man amba, a skwi man Ndo nzi pèc pècèk a jhèɗèʼa a sam ngaya: Sèi ka gi skwi zuraʼa; ka woy ndo; a ka manda gèɗ a hi a sam Zhiklè ngaya!

Sophonie 2:3

Va-woy Ndo nzi pèc pècèk, kinè te kokwar tèlèba, man kin manda gèɗ a hai, man kin jèjèr ma nkwèr nengaʼa. Va-woy skwi nzuraʼa, va-manda gèɗ u hai, wa ngiɗè ba pats ndzoan Ndo nzi pèc pècèk a da ngats kinè azɓai.

Nombres 16:3

Ta humda ta va a gèɗ a nda Moise a Aaron, a ta gada ta: Anai tidè nga ma! Mpi ndohi tèlèba, ndohi nkezlaʼa tèlèba, man Ndo nzi pèc pècèk a zhè te ndev tengaʼa. Kin cèw kin woy a kin gi a mbibihiaʼa te va mpi ndohi Ndo nzi pèc pècèk èhèmè?

Matthew 1:23

Na haha bidali a ngècè kra, a da yi kra nguraʼa a ta da va na nzlembaɗ nengaʼa Emmanuel, ara ngèdè: Zhiklè a nda nga.

Matthew 28:20

Va-senda ta, aman ta gi skwi tèlèba man i fa kinè a gèɗ. Na haha, i zhè a sam kinè pèc pècèk, a pats a vaɗ, ha herkeda a ndiv na.

Matthew 6:33

Va-hur kokwar-Bi-Zhiklè a ngi-zura nengaʼa nshèlèkuraʼa, a kin ngècè skwi haha tèlèba a deɓaʼa.

2 Timothy 4:22

Bi Zhiklè da zhè a nda mèzhèɓ ngaya! Pombi da zhè a nda kinè tèlèba!

Josué 1:9

I gaɗa ka ɓi ɗè: Gsa ndav ngaya a ka nze taraʼa! Ka gu zlau bai, ka gudzu ɓai, aman Ndo nzi pèc pècèk, Zhiklè ngaya, a zhè a nda ka a sam tèlèba man ka dè a pa.