Amos 5:11 - Ma Zhiklè

¹¹ Gar haha a géɗ man kin ga na kita a ndo ntawassaʼa a pil gèɗ a vata, a kin cèkèlè dau te ri nengaʼa: kin gu gi a kwa mpasla ma ba, aman kin da nzi a pa azɓai. Kin gi gi wof barassa mbelaʼa ma ba, aman kin tèr barassa te pa azɓai.

Amos 5:11 ပူးပေါင်းရင်းမြစ်များ

Job 20:19

A mbazl ta ndohi ntawassaʼa, a njèkè ta a pa, a nduma gai, aman a rèmè a pa azɓai.

Esaie 16:10

Mwuffè a nʼngwèshè te gi lak klèng. Ta bèhèdè daʼai a ta wuffè te gi lak asaɓai, a ta kèlè nyi barassa te skwi nkèl nyi wof asaɓai, ta wuffè te pa asaɓai.

Ezéchiel 26:12

Ta cèma ka skwi mèshèlè ngaya, ta gi metsar skwi man ka gu gani a vna, ta mbeda zlazlar ngaya, ta duma gi mbèh skwi ngaya. Kwahi ngaya, nciɓè ngaya, herkeda ngaya, tèlèba ta wusheda va iyam.

Ezéchiel 34:21

a géɗ man kin tse ta tambakihi man wuɗi ta azɓai, a drom, ha kin dzam ta aussa.

Osée 9:2

Skwi man te hedak a skwi nʼndha te klok a ngeza ta azɓai.

Lèv. 26:16

i ba i gi a sam kinè lèmèlèmè. I da ga kinè skwi mwuɗitpa: zlau a gs kinè, lamba a nde kinè, vogwa a va, di kinè a vatasl a vatasl, nshèffè kinè te ndav te ndav. Kin zleki skwi ambalai, mayamhi kinè ta da ndi skwi man kin ɓicaʼa.

Amos 2:6

Ndo nzi pèc pècèk a goɗ ar haha: A géɗ mali Israel man a gi makar, a gi faɗ, i méndè kita a deɓa azɓai, a géɗ man ta preda ndo man nʼnga mali ɓai a ma a sulai, a ta preda ndo ntawassaʼa a ma te di kotokoroh.

Amos 2:7

Ta zler ta ndohi ntawassaʼa a sak, a ta dzam ta mbelaw ndohai. Kra a bab kra ta mbi a fali dam staɗ, a ta dérɗè nzlembaɗ ga nkezlaʼa a vna.

Amos 3:15

A i da mbeda hwaɗ gala, a gi mʼmènè. Klèng gi zlèʼèn fakawai; klèng gi bihi mbiaʼa, Ndo nzi pèc pècèk a gaɗa.

Amos 3:9

Va-gaɗa ta te gi-bihi Assyrie, te gi-bihi Egypte: Va-ɓica va a géɗ za Samarie, va-pu di a nrubi mbiaʼa te pa,

Amos 4:1

Va-tsena ma haha, dalahi zlèhi te Basan, te za Samarie, man kin ga ta matakwan a ndohi ntawassaʼa, a kin zumda ta gèɗ a mbelawhai. Man kin gaɗa ta ndohi kine mbibihiaʼa: Va-hulko skwi man nga siaʼa!

Amos 6:11

Ndo nzi pèc pècèk a goɗ ma bi nengaʼa: Gi mbiaʼa a da wal na.

Amos 6:12

Gi nkèshèa a bèc na wècwècèʼa. Plèshi ta hi te za dè? Ta pizhè za a zlèhi dè? A kin ngwoda kita a dèrè, a ngi-zuraʼa a skwi nduzlekzlekaʼa!

Amos 8:4

Kinè man kin ndama ta skwi a ndohi ntawassaʼa, a kin ga ta matakwan a mbelaw ndohai, a kin gaɗa:

Amos 9:14

Te deɓaʼa, i da helka ta ndohi Israel, ndohi ga, a deɓa te ɓèlè. Ta da ɗaɗaya kokwar ngedassaʼa a ta nzi a pa zaʼa, a ta gi gi wof barassa, a ta ngècè barassa ta te pa, a ta gi gi dau, a ta ngècè skwi nʼndi ta te pa.

Michée 1:6

I da ndeda Samarie a dikai, a ta pizhè te pa. I da ndeda kwa nengaʼa a hi a nkulgodok, a verzi gi nengaʼa a nzi a dala.

Michée 2:2

Ta zeɓi gi dau a ta cèʼa a wuɗai. Ta ngél di a gai a ta cèʼa; ta kala na va a babgiaʼa a skwi gi nengaʼa.

Michée 6:15

Ka zlekai, aman ka ɓicè skwi azɓai. Ka kèl mbar, aman ka feɗè a va ngaya azɓai. Ka ti zom, aman ka nsia ka ɓai.

Sophonie 1:13

Skwi mèshèlè tengaʼa, metsar a da hilèʼa; gi tengaʼa a gi a dikai; ta da rèm gai, am an ta nzi a pa azɓai; ta da gi gi lak, aman ta si iyam nyi wof nenga azɓai.

Aggée 1:6

Kin zleki skwi a vata, kin ɓicè kèshkata gené. Skwi nʼndi kinè a zhè, aman a ngeza kinè azɓai. Skwi nsi kinè a zhè, aman a ngeza hwaɗ azɓai. Maslaka kinè a zhè, aman a slaha a ntsa kinè mtasl azɓai. Ndo mizlinè a ngècè sulai, aman verzi gozhèm nengaʼa nzlina.

Mal. 1:4

Aman agassa Edom a gaɗa: Nga gedassa ma ba, aman nga da ɗizlè gi man mʼmbeɗ na a pa zaʼa, Zhiklè bi mbiaʼa a gaɗa: Ta da ɗizlè a pa zaʼa, a iyè, i da mbeɗdaussa zaʼa. Ta da baha na kokwar ndohi ambaɓihiaʼa, ndohi kokwar man Ndo nzi pèc pècèk a gi ndav a géɗ tengaʼa a mèdèp.

Deutéronome 28:30

Medemi ngaya a zhè, ndo ngidè a mènè a vna. Ka da gi gai, ka da nzi a pa azɓai. Ka da gi gi lak, ka ndi nyiaʼa azɓai.

Jacques 2:6

Aman kinè, kin pa na hori a di a ndo ntawassaʼa. Ndohi mèshèlè a nga kinè wuɗai, a ta de kinè a sam kita ka ɓi ɗè?